مشكلتى مع النترا 2012 الجديده
 

السلام عليكم انا اشتريت النترا الجديده 2012 من يومين بصراحه العربيه جميله جدا جدا
الثبات فوق الوصف الفخامه والالاوبشن عالى جدا العربيه تقيله جدا على الارض ومشكله الباور انتهت تماما مع الشكل الجديد ندخل فى الموضوع المشكله عندى فى البنزين مش مظبوط على ما اظن العداد بيدينى داخل البلد 12 و13 لتر فى 100 كيلو وخارج البلد من 8 الى11لتر فى 100 كيلو بس مش عارف ده علشان العربيه لسه جديده ولا العداد بيدى قراه غلط انا مشيت بيها 260كيلو تقربيا 100داخل البلد و160 على السريع اخدت منى 25 لتر بس بيتهيلى ده كتير ولا ايه ارجوكم اللى يعرف حاجه يرد عليا :GROWIN~12::GROWIN~12:

رد: مشكلتى مع النترا 2012 الجديده
 

لا يباشا اطمن المشكله دى هتروح بعد لما تعدى 2000 كيلو اول لما تعمل صيانه الالفين وتغير زيت هتتلاقى السحب بتاع البنزين قل اى عربيه جديده لازم تسحب بنزين بغباء هههههههههههههه والف مبروك يباشا

رد: مشكلتى مع النترا 2012 الجديده
 

على فكرة حتى لو المعدل منقصش دا معدل ممتاز جدا يعنى المفروض دا الطبيعى بتاعها اذا كان انا معايا فيرنا موتور اقل منك يعنى المفروض يكون اقتصادى وانت موتور عالى وشوف فرق الحصان والنيوتن هتلاقى مفيش مقارنة وبعمل زيك تقريبا 11 الى 12 كل 100 كيلو فى البلد
نصيحة منى متشغلش بالك بكلام الناس او اصدقائك المعدل دا ممتاااااااااز وبعد التليين كمان هتلاقى احسن بس حتى لو مفيش فرق يبقى معدل طبيعى جدا جدا والعربية حلوة جدا على فكرة
سؤالى لحضرتك هل فى رعشة بعد 120 زى الفيرنا كدة ولا مفيش رعشة نهائى ولا كانى فى اى حاجة ممكن ترد عليا لانى والدى عايز يجيبها قسط ويدينى الفيرنا بس خايف ليكون الرعشة دى فى كل الهيونداى

رد: مشكلتى مع النترا 2012 الجديده
 

شكرا على اهتمامك وبالنسبه للرعشه والكلام ده بصراحه مفيش رعشه خالص لغايه 180 جربتها وكانك ماشى على 90او 100 فى الفيرنا وبالنسبه للغيار ال6 بمجرد ما تدوس على البنزين تجيب 150 و160 وده عادى خالص فيها والعربيه تقيله جدا على الارض ومختلفه تماما عن العربيات اللى قبلها وحتى مختلفه كتييييير على الشكل القديم بالنسبه للباور ممتاز

رد: مشكلتى مع النترا 2012 الجديده
 

عايز أسئل حضرتك سوئال ايه أخبار السحب بتاعها عشان أنا بفكر فى العربية ديه أصل فيه ناس كاتبة ان سحبها أقل من الموديل اللى فات عشان هى أثقل بس ديه ماتورها 130 حصان