مصر موتورز مجتمع السيارات - بعت الجيتز للأسف

مصر موتورز مجتمع السيارات (https://www.masrmotors.com/vb/index.php)

- Hyundai Getz - جيتز (https://www.masrmotors.com/vb/forumdisplay.php?f=239)

- - بعت الجيتز للأسف (https://www.masrmotors.com/vb/showthread.php?t=103943)

بعت الجيتز للأسف

بعت عربيتي الجيتز للأسف و طبعا بعتها عشان السبب المعتاد اني محتاج فلوس.
المهم خلصت مع الراجل و موصلني لبيتي عشان ما اركبش مواصلات و انا معايا الفلوس و حدثت الفاجعة. العربية مش عايزة تجيب أي نقلات. المهم طلعت طقم الدبرياج. أخذتها علي الميكانيكي و غيرتها ووعدت الراجل اني هتحمل كل التكاليف مع اني و الله يعلم لم أكن أعرف ان بها اي شيئ.
المفاجئة اني بعد ما غيرت الطقم بتاع الدبرياج و شوقت العربية حسيت اني اول مرة أسوقها. ايه الجري الغبي ده؟ العربية ديه كنت بطير بيها و علمت علي عربيات ما حدش يتخيلها لكن اكتشفت ان انا كنت بسوق العربية بنص امكانياتها فقط. المهم ربنا يبارك لصاحبها فيها و نصيحة لكل أصحاب العربية ديه لو بعتها مش هتركب حاجة زيها بس أنا كنت مضطر للأسف.

رد: بعت الجيتز للأسف

هو تغيير طقم الدربرياج يفرق جامد كده فى العربية
ايه ياترىايه ياترىايه ياترىايه ياترى

رد: بعت الجيتز للأسف

اقتباس:

المشاركة الأصلية كتبت بواسطة miam0502788391 (المشاركة 809388)

هو تغيير طقم الدربرياج يفرق جامد كده فى العربية
ايه ياترىايه ياترىايه ياترىايه ياترى

اكيد طبعا طقم الدبرياج بيفرق جامد لانه بيكون ماشى و العربية محملة دبرياج لوحدها فبتكون مكتومة.....

رد: بعت الجيتز للأسف

فعلا العربية دى ما شاء الله ممتازة
بحبها جدا
ربنا يعوض عليك بافضل منها ويفك ضيقك:fun_36_3_11[1]:

رد: بعت الجيتز للأسف

أنا كمان بعت عربيتى Getz كانت 2010 وبعتها عشان مانوال ، بس كانت عربية ممتازة بالفعل وكنت بسابق بيها كل العربيات اللى واقفة فى الإشارة ، كمان سافرت بيها بورسعيد ومطروح والقاهرة عدة مرات ، ولما عرضتها للبيع جالها زباين كتير ، ربنا يبارك للى شراها