جمارك النترا 2012 والاوراق المطلوبة
 

بسم الله الرحمن الرحيم

اخوانى الاعزاء اشتريت سيارة هيونداى النترا 2012 بتاريخ 6-11-2012
وتم تسجيلها من الخارجية السعودية والقنصلية المصرية بجدة بتاريخ 12-12-2012
طبعا الفاتورة فقط
وانوى النزول بها مصر اخر العام الحالى يعنى فى شهر 12 ما هى الجمارك المستحقة عليها علما بان سعرها 60 الف ريال (105 الف جنيه) بسعر صرف النهارده
وهل استحق التخفيض عن السنة الاولى ولا لأ؟عشان اشترتها بعد 1-10 -2012
وطبعا اللى خلانى اشتريها انى لقيتها مواصفات اوروبى تركى و6 ايرباج وتراكشن وثبات الكترونى
وهل هاخد التخفيض ده عن السنة دى بس يعنى 10% بس ولا 5%
وايه بقية الورق المطلوب وهل الافضل انزل تريبتك ولا اسال على التصدير ده هنا الاول شروطه ايه؟
وشكرا مقدما

رد: جمارك النترا 2012 والاوراق المطلوبة
 

انا جمركت سيارتي في شهر مارس 2012 .

و عندي خبرة في الموضوع .

الجمرك باختصار هو 60% من قيمة الفاتورة اللي معاك .

ضروري جداً استصدار برنت مرور و توثقه من الخارجية . ( شهادة بيانات من المرور ) .

الخصم تاخده بعد أول اكتوبر الجاي ان شاء الله... بيكون 10% لأول سنة و 5% لكل سنة لاحقة

و بما انك سجلت السياره بعد شهر اكتوبر ، فأول خصم تستحقه هيكون بعد اكتوبر الجاي .

و بيخصم من قيمة الفاتورة أولا ثم يتم حساب ال60% .

بمعني لو فاتورتك 100 ألف ، جمركها بدون خصم 60 ألف .
جمركها عند تطبيق خصم 10% ... يكون 60% من أصل 90 ألف ليصبح الجمرك 54 ألف .

بامكانك النزول بها تربتك 6 اشهر و تجمركها في نهاية المدة عادي ( و ده اللي انا عملته ) .

لكن الافضل هو التصدير من البداية ، علشان تقفل ملفها في المملكة بدري بمجرد التصدير .

رد: جمارك النترا 2012 والاوراق المطلوبة
 

شكرا استاذ نور على الرد والمعلومات لكن انا وثقت فقط فاتورة الشراء من الخارجية والقنصلية المصرية وعندما سالت على برنت المرور قالولى بتجيبه قبل ما تنزل مصر وبيكون من غير تصديق !!!
هل احضر البرنت الان واحتفظ به ولا لا
وبالنسبة للتصدير كيف اعمله ومن فين علما بانى انوى النزول بها انشالله فى شهر ١٢ / ٢٠١٥

رد: جمارك النترا 2012 والاوراق المطلوبة
 

طالما لسه هاتنزلها نهائي في 2015 يبقي ماتشغلش بالك دلوقتي ..اهم شئ انك صدقت الفاتورة .

البرنت تجيبه قبل ما تنزل باسبوع ولا 10 ايام مثلا .. و هنا طلبوه مني متصدق من الخارجية .

( و بما اني نسيته أصلا و كان عندي واسطة .. فتم التغاضي عن موضوع البرنت من اساسه ) .

التصدير ده اجراء بتروح تعمله في المرور اللي السياره تبعه ، و هو باختصار انهاء ترخيص السياره و تبديل اللوحات بلوحات تصدير ( لون رصاصي ) و يتم تسليمها في الميناء عند الخروج

و ذلك لأنهاء علاقة السيارة نهائياً بالمملكة ، يعني اغلاق ملف .

في هذه الحالة لازم تجمرك اول ما تدخل ، ماينفعش تدخل تربتك 6 اشهر .

رد: جمارك النترا 2012 والاوراق المطلوبة
 

الراجل بيقول معاه شهاده تصنيع اوربي و لا مفيش جمارك اتلغت علي الاوربي ولا ايه ؟!