مصر موتورز مجتمع السيارات - اشترى جين 2 زيرو 2012 ولا لأ ( اللى معاة جين2 يشارك )؟!!

مصر موتورز مجتمع السيارات (https://www.masrmotors.com/vb/index.php)

- بروتون PROTON (https://www.masrmotors.com/vb/forumdisplay.php?f=40)

اشترى جين 2 زيرو 2012 ولا لأ ( اللى معاة جين2 يشارك )؟!!

السلام عليكم
انا بعد ما صرفت نظرى عن الكيا ريو 2012 الجديدة بسبب كون الهاى لاين فيها خليجى والفئة الاقل من الهاى لاين وكيل يفتقد الكثير من الامان والكماليات
اخترت الجين 2 اللى انا معجب بيها من زمان بس الناس مخوفانى منها جامد حتى الناس اللى معاها جين 2 بتقولى بلاش بسبب عيوبها فى التقفيل وقطع غيارها والتوكيل الزبالة
دة حتى فى ناس كتير بتشتكى منها وهى لسة مكملتش 1000كم
المهم انى عاوز اشتريها زيرو من غير ما اشغل بالى بمشاكل لان طبيعة الزيرو انة يقعد معاك على الاقل 3 سنين من غير ما تحط غير بنزين وزيت
فيا ريت اللى معاة الجين 2 يقول راية بصراحة عنها وعن تجربتة معاها خصوصا المشاكل لانى بجد نفسى اركب زرو منغير ما اشغل بالى باى مشكلة..
وشكرا

رد: اشترى جين 2 زيرو 2012 ولا لأ ( اللى معاة جين2 يشارك )؟!!

بص يا يا باشا اتوكل على الله لانك لو جيبت حتى سبرانزا او فيرنا هتلاقى ناس بتشتكى بس الصراحه العربيه روعه روعه قويه جدااا بس الحلوما يكملش التوكيل مش قوى يعنى بس محلوله اكيد فى ناس فاتحه بره من التوكيل يظبطوهالك قشطه زى ما بتوع الاسبرلاانزا بيعملو

رد: اشترى جين 2 زيرو 2012 ولا لأ ( اللى معاة جين2 يشارك )؟!!

اقتباس:

بس الناس مخوفانى منها جامد حتى الناس اللى معاها جين 2 بتقولى بلاش بسبب عيوبها فى التقفيل وقطع غيارها والتوكيل الزبالة
دة حتى فى ناس كتير بتشتكى منها وهى لسة مكملتش 1000كم

بس

جاوبت على نفسك ولا انتا غاوى وجع قلب شوف حته لانسر وهم وعيش حياتك وانسي الاعطال وكل حاجة :010104~171:

رد: اشترى جين 2 زيرو 2012 ولا لأ ( اللى معاة جين2 يشارك )؟!!

انا معاييش جين تو

بس اتمنى إقتنائها بجد

هاتها وخليها على الله

رد: اشترى جين 2 زيرو 2012 ولا لأ ( اللى معاة جين2 يشارك )؟!!

السلام عليكم
انا معاى جين 2 2008 اوتو
العربيه عموما مش وحشه مقابل السعر
سعر اعاده البيع سئ جدا يعنى عربيتى تجيب دلوقتى بالكتير 55 60 الف
التوكيل محتكر قطع الغيار بس كل حاجه موجوده بره التوكيل الا حاجات قليله
الميكانيكيه الى بيشتغلو فيها مش كتير
العربيه فيها عيوب بس مش مؤثره يعنى عيوب فى التقفيل و حاجات كده بس انما مفيش حاجه فيها تعطلها
ممكن تشوف اللينكات دى فيها تقيم وافى للعربيه
http://www.saga-egypt-club.com/vb/%E...ED%E4-2/50.htm
http://www.mobile4arab.com/vb/showthread.php?t=745278
و فى كذا جروب على الفيس بوك لبرتون و جين تو
https://www.facebook.com/groups/GEN2EGYPTCLUB/
للعلم استهلاك العربيه فى البنزين داخل البلد عالى شويه
وطول ما انت محافظ على العربيه و الصيانه بتاعتها ان شاء الله تبقى كويسها
اهم حاجه صلى صلاه استخاره و الى فيه الخير يقدمه ربنا
تحياتى