صوت غريب فى كارونة الشاهين
 

انا مشكلتى بدأت من حوالى 6 شهور تقريبا لما أضغط على الدبرياج بعد كده أضغط بنزين وأسيب دبرياج أسمع صوت خبطه جامده فى العمود الكردان انا كنت شاكك انها صلايب بس المشكله رحت بيها عند أكتر من ميكانيكى قال الصلايب سليمه كبرت دماغى من المشكله وبقات بسافر بالعربيه كتير وبسرعه عاليه
فجأه وانا راجع من القاهره من حوالى 4 شهور لقات الكاونه فجأه بدأت تطلع صوت عالى زى كده ( وج وج وج وج وج وج وج وج وج وج )بس كانت ماشيه عادى وبسرعه عاليه مفيش اى تأثير على سرعه لما وصلت البلد رحت لميكانيكى وسمعته الصوت رفع العربيه طلع الصليبه الى ورا مبوشه وبايظه خالص وهى الى كانت بتعمل صوت الخبيط فى الكردان لما أضغط بنزين وأسيب دبرياج
طلعت بالعربيه بعد ما غيرت الصليبه البايظه نفس الصوت موجوده بس بيظهر بعد ال80 ولماأضغط دبرياج بس رجعت للميكانيكى قالى ده فى الغالب عاوز طقم ديفرنس تقريبا عامل 400 جينه رحت برده كبرت دماغى ومشيت بيها على كده ضغط وسفر على سرعات عاليه
من يومين بدأ الصوت يظهر معايا على السرعه القليله ومعاه صوت زى الطحنه كده أو خشونه مع العلم انه مش مأثر على السرعه وعزم العربيه
واخر مره غيرت زيت للكارونه من 9 شهور تقريبا حطات زيت التعاون تروس 140 وكل ما اغير زيت للماتور لازم أشيك على زيت الفتيس وزيت الكارونه ومفيش اى تسريب او نقص فيهم
رحت لكذا ميكانيكاألى يقول ده بليه عاوزه تتغير وتتفك الكارونه و الى قال ده الكارونه كلها عاوزه تتغير
فانا صراحتا أحترت وعاوز أعرف مين الصح ومحتاج ارائكم واستشارتكم
شكرا

رد: صوت غريب فى كارونة الشاهين
 

اعتقد المشكلة فى الكارونا (الببة ) وليس الدفرنس بالكامل
تمن التاج والبنيون 750 جنية
او ممكن تجيب واحدة استيراد وتمنها على حسب الحالة

رد: صوت غريب فى كارونة الشاهين
 

رد: صوت غريب فى كارونة الشاهين
 

ايه الى خلاها تعمل كده على الرغم مراعيها فى الزيت
هل ممكن من الصليبه الى كانت بايظه فتره طويله

رد: صوت غريب فى كارونة الشاهين
 

لما حضرتك تفك الكارونة حيظهر لك حاجات كتير ...
و من الممكن تعرف ايه سبب تلفها

من اسباب تلف الكارونة ...

اهمال متابعة مستوى الزيت و لزوجته
تلف احد الصلايب .. و ان كان ده احتمال ضعيف
صامولة البنيون لو هوت تبوظ التروس
دخول رمال داخل الكارونة يبوظها على طول