|
رايكم فى السكودا فابيا 2004-2005
انا اول مرة اشترى عربية وكنت محتار جدا
وكنتا بافكر فى السكودا الفبيا ايه رائ حضراتكم فيها وخصوصا انها 1200 cc بس ! ومع التكييف ايه نظامها فى الجرى وايه نظام قطع الغيار متوفرة وسعرها معقول ولا ... وشكرا |
رد: رايكم فى السكودا فابيا 2004-2005
متابع معاك لأني بفكر فيها أنا كمان
و بالتوفيق...... :) |
رد: رايكم فى السكودا فابيا 2004-2005
اقتباس:
|
رد: رايكم فى السكودا فابيا 2004-2005
مش عارف ليه الناس مبقتش ترد !!!! متابع معاكم
|
رد: رايكم فى السكودا فابيا 2004-2005
بص يا باشا انا لسة شاري العربية من اسبوع سكودا فبيا 2002
1000 cc وبصراحة عربية رائعة جدا وبالنسبة لقطع الغيار فهي موجودة متقلقش منها ولموضوع ده انا سألت عليه كتير وبالذات ناس معاهة العربية وركباهة من فترة وبالنسبة لأسعارها فحقولك مثلا اللي اعرفه لاني بصراحة مغيرتش حاجة لسة فانوس امامي 190 - 195 مرايات جانبية 220 ( عدد 2 ) طقم شمبر للموتور بلمصنعية بتاعت التركيب كمان 800 جنيه طرمبة بنزين تقريبا 375 او 400 جنيه من لاخر لعربية كويسة اوي وانا الحمدلله مندمتش بدا اني جبتها ولا حسيت اني اخترت غلط مع العلم ان مكنش في بالي ابدا اني جيب الفابيا بس النصيب بقي :fun_36_3_1[1]: |
رد: رايكم فى السكودا فابيا 2004-2005
الفابيا كسيارة عملية جدا
جودة تصنيع عالية اتساع داخلي كويس استهلاك وقود اقتصادي جدا اداء غير رياضي و لكنه مقنع السيارة حصلت على سيارة العام في اوروبا عدة مرات و ده يدل ايضا على انها تطبق معايير الامان للركاب اسعار قطع الغيار في المتوسط - في منها استيراد و في جديد اهم حاجة يكون صياناتك ليها كلها بالكمبيوتر - يعني قبل ما تشتريها تكشف عليها كمبيوتر و لو حاجة باظت يبقى تكشف كمبيوتر و تشوف العطل ايه بالجهاز و تصلحه ابعد عن الفتي بتاع الميكانيكية معاها لانها حتروح النار |
رد: رايكم فى السكودا فابيا 2004-2005
العربية ممتازة ولك الاختيار
قطع الغيار موجودة وفي المتناول مش غالية ومش رخيصة عادية يعني بالنسبة لل 1200 بتجري لاكن مش عمال مع بطال يعني تكون رحيم بالعربية وده لكل العربيات مش هية وبس التكييف في اي عربية بيسحب من الموتور معايا لانسر 1600 مانيوال لما بشغل التكيف باحس ان الموتور قدم كانة بقاله عشرين سنة بلاقيها بقت بطه بلدي قا ده بالنسبة لعربية 1600 / 4سلندر الفابيا ال 1200 / 3 سلندر لاكن خد بالك التاثير كلة في الغيارات الاولى يعني هتحس بفرق جامد في الغيار الاول وهيقل التاثير في الغيار الثاني وهكذا الرابع مش هتحس بحاجة :CONGRA~238: |
| الساعة الآن 12:48 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017