السلام غليكم
انا بالصدفة كنت معدي قدام التوكيل بتاع الشركة ديه في شارع البكباشي العيسوي في اسكندرية
وشفت عربيات قدام المعرض اتهيألي انها ميني كوبر
بس لما قربت لقتها صيني ptmnlo123per111
قلت اما اشوفها دية ايه نظامها
اتفرجت علي العربية من جوه مساحتها كويسه وتناسب اسره صغيرة
وكل حاجه موجوده كل الابشنز اللي نفسك فيها :-
1- كاسيت CD\ mp3
2- تكييف
3- زجاج كهرباء ومكن رفع في الاربع ابواب
4- سنتر لوك
5- 2 وسائد هوائية

بس من جوه حسيت التقفيل ( لعب اطفال) اكر الباب الداخلية حسيتها ممكن تتكسر في ايدي
ولوحه العدادات والفتيس متخدين من ميني كوبر بس معرفوش يقلدوهم كويس

قلت اشوف الموتور
طلبت حد من التوكيل وبدأ يشرحلي مونور العربية وعفشتها
1- موتور 1.3 لتر 90 حصان
2- الموتور تطوير و تصميم ميتسوبيشي
3- العفشة ديزاين من تويوتا
4- السرعة القصوي 175 كم\ س
5- قال ان الثبات بتاعها ممتاز لحد
160
(طبعا حسيت انه خيقولي انها حتقول بابا و ماما من كتر ما بيشكر فيها )
6- العربية فيها ABS + EBD
7- العربية بالكامل تقفيل صيني

العربية كده
Full Options
بــــــ
55.000 جنية مصري

طبعا سألت عل قطع الغيار ايه نظامها
اغلي حاجه
علبة الدركسيون
و
كمبروسور التكييف
بـ
1600 جنية

اتمني اكون افدتكم
ولو حد عنده معلومة يا ريت يضيفها