مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   أوبترا (https://www.masrmotors.com/vb/forumdisplay.php?f=156)
-   -   اوبترا بتقطع ..ما هو السبب؟؟ (https://www.masrmotors.com/vb/showthread.php?t=30774)

tamer0000 27-07-2010 12:04 PM

اوبترا بتقطع ..ما هو السبب؟؟
 
أعزائى أهل الخبرة ... مطلوب مساعتكم بعد اذنكم ..

معى أوبترا 2007 مانيوال .. بدأت تقطع من اسبوع كده ... ما هو السبب برأيكم مع العلم أن البوجيهات لم يتم تغييرها منذ شراء العربية (زيرو) ... وما هو أفضل نوع بوجيهات للأوبترا ؟ وما هو سعره فى التوكيل أو شارع دمشق؟ وبلد صناعته ... هل يوجد احتمال للتقطيع غير البوجيهات؟؟

ولكم منى جزيل الشكر والاحترام ...

Injection 27-07-2010 12:23 PM

رد: اوبترا بتقطع ..ما هو السبب؟؟
 
السبب ممكن يبقى طرمبة بنزين أو فلتر بنزين مسدود أو موبينة بايظة, البوجيهات مش ممكن كلها تبوظ مع بعض مرة واحدة أو أن العربية تقطع منها.
أحسن نوعين فى السوق هما ngk, Bosch
والبوجيهات عامة بتبدأ من 30 جنيه للأنواع الصينى الى 50 و45 للنوعين اللى فوق وفيه بوجيهات ب 100 وأكثر 2 أو ثلاثة شمعة.
البوجيهات عندك عامة عايزة تتغير, وأنا شبه واثق أن العطل فى دورة البنزين.
وياريت حد من الأعضاء الخبراء يشارك معانا.

يسري أبو الخير 27-07-2010 07:30 PM

رد: اوبترا بتقطع ..ما هو السبب؟؟
 
تأكد أولا من نوع البنزين اللي مونته أخر مره .. لأن بعض محطات البنزين بتمون 80 على أنه 92 .. و ده حصل معايا .. و أكد كلامي ده أكثر من واحد .. و حاول بعد كده تمون من محطة بنزين واحدة و تكون متأكد منها .. و ممكن تسحب شوية بنزين و تشوف لونه .. لأن لون بنزين 80 يختلف عن لون 92 ..

tamer0000 28-07-2010 09:12 AM

رد: اوبترا بتقطع ..ما هو السبب؟؟
 
أعزائى ... أشكركم لردودكم السريعة ... واحب أن اضيف ان التقطيع بيحصل بس فى الغيار الأول والتانى أو لما سرعة العربية تبقى قليلة 40 كم/ساعة او أقل ... انما على السرعات العالية فلا يوجد تقطيع على الاطلاق ... بالاضافة الى ذلك انا لم اغير فلتر البنزين منذ شراء العربية .. أى حد عنده فكره عن تمنه وبيتباع فين غير التوكيل ؟ ...

مع جزيل شكرى وتقديرى ...

Injection 28-07-2010 09:37 AM

رد: اوبترا بتقطع ..ما هو السبب؟؟
 
يا حظك, أنا لسه سائل على فلاتر البنزين أمبارح, فيه ب 15 و 20 و 45 حسب المصدر , الصين أو جنرال موتورز.فلتر البنزين لازم يتغير كل سنة على الأقل علشان البنزين عندنا مليان بلاوى, وبره هما بيغيروه كل سنة, شوف أحنا المفروض نغيره كل قد أيه:)
وبتقطع على الأول والتانى بمعنى أن الماتور بيقطع على عدد لفات واطى ولا هى بتقطع وخلاض؟


الساعة الآن 08:03 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017