|
مشكلة فى استهلاك البنزين 40 لتر= 300كم !!!
بعد السلام عليكم الصراحة المنتدى يشجع ان الواحد يسأل ويلاقى الرد من اهل الخبرة والتجربة باختصار اشتريت ماتريكس 2006 اوتوماتيك من حوالى 4 شهور وكانت عاملة حوالى 11000 كم بس لظروف سفر صاحبها العربية شكلها تمام والحمد لله .. واشتريتها بـ 75000 جنية عملتلها صيانة اول ماخدتها فى فرع الحى العاشر (كارفان) لاحظت استهلاكها فى البنزين عالى شوية مرة مهندس فى كارفان قاللى ده استهلاك كتير ومرة قاللى مهندس تانى ان ده العادى!! ما علينا .. انت فى مصر غيرت زيوت وفلاتر وبوجيهات ونفس الاستهلاك!! رحت لميكانيكى عادى ركبلى جهاز الكومبيوتر وقالى فى مشاكل سوفت وير عندك وده سبب الاستهلاك الكتير ونظفلى حاجة كدة فى العربية (غالبا اسمها البوابات) ببخاخ نفس الاستهلاك الغبى ومن سىء لأسوأ اخر مرتين لاحظت فيهم الاستهلاك 40 لتر = 300 كم !! مش عايز اروح قليوب ولا أبورواش من كتر اللى بسمعه عنهم وعن سوء خدمتهم وادفع فلوس على الفاضى بس فى نفس الوقت مش عارف اعمل ايه؟ افيدونى جزاكم الله الف خير |
رد: مشكلة فى استهلاك البنزين 40 لتر= 300كم !!!
طبيعة مشاوريك ايه
مسافات و سرعات و تكييف و حمولات؟ انت قست الاستهلاك ازاى؟ |
رد: مشكلة فى استهلاك البنزين 40 لتر= 300كم !!!
إذا كان قياس استهلاك البنزين في داخل المدينة فهو في حدود الطبيعي
اما اذا كان القياس في خطوط طويلة (سفر) فهو علي جدا (المعدل 9 لتر لكل 100 كيلو - تقريبا ) بالنسبه لمراكز الخدمة - فقد سبق وان تعاملت مع مركز ابورواش وهو جيد تحياتي |
رد: مشكلة فى استهلاك البنزين 40 لتر= 300كم !!!
ابو رواش جميل جدا ويليه ابو غالي اللي في العبور ونصيحة لما تروح اي مركز منهم هتعمل حاجه حلوة اوي تفول العربية علي اخرها وتحاول تعمل بيها 100 كيلو علي طريق سريع وتروح تفولها تاني وتشوف نسبة الاستهلاك هتكون قد ايه وبعدين تروح مركز الخدمة وتخليك مع المهندس متسيبهوش وتطلع تقعد في الاستراحة خليك لازقله وبعد ما يظبط العربية لو نسبة الاستهلاك لسه زي ما هيه يبقي تروح تعمل شكوي وتبهدل الدنيا ومتمشيش الا لما تاخد حقق وبعدين اللي اعرف ان ماتور الماتريكس هوه ماتور الفيرنا وانا الماتور عندي بياكل 40 لتر في 500 كيلو وده الاستهلاك الطبيعي بتاعه وكان في فترات كبيرة بقف في زحمة كتير وبتعطل كتير والعربية بتبقي دايرة وكنت مشغل المروحة علي 2 مش التكييف وحاول تعمل زي ما بقولك كدا وربنا يتملك الموضوع ده علي خير
|
رد: مشكلة فى استهلاك البنزين 40 لتر= 300كم !!!
بس في حاجه معلش مخدتش بالي منها خالي بالك ان عربيتك اتوماتيك يعني استهلاك الاتوماتيك بيكون اعلي من استهلاك المنيول فحط في بالك النقطة ديه وتشغيل التكييف كمان بياكل من البنزين
|
| الساعة الآن 09:37 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017