ارجو المساعدة فى ميكانيكى يكون صنايعى وحنين فى القديم 127
 

ارجو من الاخوة المساعدة فى ايجاد ميكانيكى صنايعى وابن حلال ويكون فاهم وما يكون حلانجى وبتاع تلات ورقات او ما بيفهمش وبيحب يعمل فاهم ولا يكون نصاب وطماع الانى عنيت من الصنايعية اوعى وتعبت اوى منهم ويريت للى حيعمل حاجة لوجة لله ما يكونش صديق الميكانيكى او جيران او صاحبة وعوز يجاملة وانا عارف انة بحسن نية اتمنى من لله انى المارة دة حد يوصفلى حد ابن حلال يارب

رد: ارجو المساعدة فى ميكانيكى يكون صنايعى وحنين فى القديم 127
 

بص يا ريس
أنا لفيت و لفيت زيك بالضبط و يمكن أكتر
لحد الآن مقدرش أضمنلك من الصنايعية غير دول
(معلش المشوار ليهم ممكن يكون بعيد بس دول لو عندك مشكلة قرفاك بيجيبوا من الآخر, خبرة و أسعار و أمانة)

ميكانيكا و عفشة
محمد طلبة
ده فى الوراق أمام شركة الغاز, كان شغال فى شركة ماس إليكتريك و بعدها أشتغل مع والدة فى توكيل لادا و أخذ دورات تدريبية فى روسيا و شغال فى القديم و فى الكورى و فى اللادا طبعاً
فى صنايعى بردة زميلنا الأستاذ سيد عصام مشرف قسم الفيات بيتعامل معاه و شكر فى شغله
و ده أحمد حنفى... عبقرى الكهربا و التكييف
و ده مركز للعفشة فقط
و أخيراً عبقرى الكربراتير بعد تجربة أكتر من 3 صنايعية (نصابين قصدى) مفيش غير ده (حتى الآن بالنسبالى)
كده ناقص واحد بتاع سمكرة و دوكو و يبقى الطقم كامل, لو حد من الأعضاء - أو الأستاذ سيد عصام - يدلنا على سمكرى و صنايعى دوكو برضو شغل نضيف و أمانة و أسعار معقولة يبقى جزاهم الله كل الخير

رد: ارجو المساعدة فى ميكانيكى يكون صنايعى وحنين فى القديم 127
 

ربنا يباركلك اخى زينجو
مجهود كبير والله وربنا يجازيك عنا خير
لكن تقريبا الاخ السائل من اسكندرية

رد: ارجو المساعدة فى ميكانيكى يكون صنايعى وحنين فى القديم 127
 

بارك لله فيك اخى الكريم ولله انا فرحت اوى وقولت مشكلتى اتحلت واخى الفاضل عمل معاية واجب ولكن اتصدمت الانى من اسكندارية مش من مصر

رد: ارجو المساعدة فى ميكانيكى يكون صنايعى وحنين فى القديم 127
 

معلش شباب انا من اسكندارية مش من مصر فا ارجو من الاخوة الافاضل للى يدلنى علية يكون من اسكندارية وشكرا