الحقوني يا لوجانية .............لوجي بعافية شوية و محدش عارف يعالجها
 

الحقوني يا جماعة لوجي تعبانة قوي ILIL... من اسبوعين فجأة بقيت تبطل و تكركر و تعمل حاجات غريبة و ماكنتش بتدور اصلا ... لغاية ماودتها التوكيل قالولي محتاجة ثروتل بادي جديد و طبعا مش موجود و هي في الضمان طبعا مش هجن في عقلي واروح اشتريته من بره لاني عرفت ان تمنه 1300 جنيه
و من ساعتها و هي تعبانة و مستنية الثروتل و محدش عاوز يجيبهولها انا خايفة يحصلها حاجة
روحت بيها التوكيل قالولي منقدرش نعملك حاجة لازم تستني قطعة الغيار
روحت بيها ورشة عندنا في اسكندرية متخصصين في الرينو ناس محترمة جدا مشفتش زيهم ماشاء الله
المهندس عمل حاجات كده و قالي خلاص كده مش محتاجة حاجة تتغير و قولتله ظبطلي الدبرياج عشان لعبوا فيه في التوكيل عملوا حاجة مش مظبوطة وظبطه

تاني يوم خرجت بيها زفتني في الشارع :00020080:و انتوا عارفين الشعب المصري بس يلاقي بنت لازم يحرق دمها حتى لو ماشية زي الفل فما بالكوا و العربية مبطلة و مش عاوزة تمشي في كل اشارة
كأني حبة اريح شوية في نص الشارع:waving:
روحت في ساعتها رجعتلهم قالي العربية مافيهاش حاجة زي الفل و قالي هاخليلك الدبرياج على ظبطة الشركة قالي اكيد ده عيب سواقة
لانه جربها كانت زي الفل معاه
و من ساعتها و هي مش طبيعية خالص مش عارفة اعمل ايه
الغريبة انها بتبطل حتى و انا مش حاطة رجلي اصلا على الدبرياج مش غريبة دي؟؟ و النهاردة كنت دايسة بنزين علآخر متخيلين و لا كاني دايسة حاجة مؤشر الآر بي ام في مكانه
انصحوني اعمل ايه مع بتوع التوكيل و اللا فعلا مش محتاجة اغيرلها حاجة؟؟؟:fun_36_1_44[1]:

رد: الحقوني يا لوجانية .............لوجي بعافية شوية و محدش عارف يعالجها
 

رد: الحقوني يا لوجانية .............لوجي بعافية شوية و محدش عارف يعالجها
 

والله كلام حضرتك ده احزنى جداااا وده يعتبر دليل قاطع وقوى ان فعلا زى ما انا قولت وهقول ان حاجها اللوجان للاسف مش متوفرة ولو متوفرة مش رخيصة بس كل شوية يقولك ديه حاجتها رخيصه رخيصه فين بقى وادينا زى ما حضرتك بتقولى كدا ثروتل بودى بره التوكيل كمان يعنى مش فى التوكيل لا ده بره التوكيل ب 1300 جنية يعنى بجد حراااااااااااااام وعلى العموم حضرتك اصبرى شوية على التوكيل يمكن ربنا يفرجها عليهم ويجيبوه

رد: الحقوني يا لوجانية .............لوجي بعافية شوية و محدش عارف يعالجها
 

مش عارفة اشكر حضرتك ازاي على سرعة الرد فعلا شكلي هاعمل معاهم كده انا كتبت على صفحتهم عالفيس بوك قولت انا كده سيحتلهم على الملا عشان في ناس كتير بتدخل تسئل و لسه ماجبوش ربنو عشان يتكسفوا ولا الهوا رد الادمن قالي ابعتي اسمك و رقمك و رقم الشاسيه عالايميل ده و لا حد عبرني رحت مديه كلام اكتر برضه حلقولي شكلي لازم اروح اعمل مشكلة كده و اهدد زي ما حضرتك قولتلي

الصراحة انا مش عارفة سعر الثروتل بادي في العربيات التانية بكام لاني اول مرة اسمع عن البتاع ده من اسبوعين بس و الله باقي الاسعار حلوة يعني فانوس الفوج التركي ب100 و الاصلي 170 تقريبا يعتبر سعر حلو خاصة انها لسه في الاول تدريجيا الاسعار هاترخص بس الصراحة الصراحة يعني لو في خمة في موضوع اللوجان يبقى التوكيل لان مش بس قطعة الغيار اللي مش موجودة لا و المعاملة ال اللهم اني صايمة بس و الله الصراحة العربية و الله تحفة صاج و نعومة و انسيابية و عفشة و لا تحس بمطب و لا الهوا و لا اي حاجة عربية فعلا تناسب الشارع المصري .....
بجد و الله ربنا يباركلك على اهتمامك مع انك مش لوجاني و مع كده من اول الناس اللي ردت عليا

رد: الحقوني يا لوجانية .............لوجي بعافية شوية و محدش عارف يعالجها
 

لا بردوا كده اسعار غالية بمقارنة بالعربيه اللى بحبها وهى اللانوس اللانوس بقى الفانوس بتاعها ب 100 جنية او اقل كمان على ما اعتقد الفنوس نفسه مش فانوس شبورة وعلى العموم ده واجبى انى ارد على حضرتك بس للاسف انا مش لوجانى واعتقد انى مش هكون لوجانى ابدا مفيش حب وقبول بينى وبين اللوجان