لماذا الشعب المصرى غير مهتم بسيارة اودى
 

لماذا الشعب المصرى غير مهتم بسيارة اودى؟ سؤال مجننى مبشوفهاش الا قليل جدا انا امتلك هذة السيارة موديل 1974 س الهيجننى ان لو غالية دة حتى مفيش حد مصرى بيتكلم عليها حتى على اى منتدى ياريت حد يجاوبنى

رد: لماذا الشعب المصرى غير مهتم بسيارة اودى
 

اقول لحضرتك ليه لان توكيلها ضعيف لايقدم سيارات لجميع فئات الشعب

للنخبه فقط

و لا يقوم بالدعايه الازمه للسيارات

فبالتالي لايعرف احد شي عنها

بس البيقراء و يدور هيعرف ا الاودي نت اكثر السيارات الالمانيه احتراما

و انا عن نفسي هي عشقي الثاني بعد البيجو

رد: لماذا الشعب المصرى غير مهتم بسيارة اودى
 

رد: لماذا الشعب المصرى غير مهتم بسيارة اودى
 

أولا لأن اودى ليها سمعة سيئة من زمان جدا, كانت مشهورة انها بتعمل بارومة, صحيح أن اودى تجاوزت هذا الموضوع الأن, لكن الأمر لازال ملتصقا بها.
بالاضافة الى وجود ماركات لهاسمعة أفضل على مر العصور, و تقدم سيارات أفضل او فى نفس مستوى أودى, مثل مرسيدس و بى ام, و خاصة مرسيدس التى تعتبر رمز التكنولوجيا و الفخامة و الاعتمادية ليس فى مصر فقط, بل فى كل دول العالم تقريبا.
اودى نجحت فى تحسين سمعتها فى اوروبا, حتى انها تقدم ضمان 15 سنة ضد الصدأ!! لكنها لم تنتبه الى تحسين سمعتها بمصر و غيرها من البلدان, لذا فان مبيعاتها فى هذه الأسواق دون المستوى, أضف الى ذلك شكلها السخيف, و ثقل الوزن المبالغ فيه و الذى يقلل من رشاقتها و اداءها, لماذا تشتريها اذن؟!
لو عايز عربية فخمةهات مرسيدس او بى ام, لو عايز عربية فخمةبأداء و طابع رياضى هات الفاروميو, حد يقولى نجيب اودى ليه؟!؟!

رد: لماذا الشعب المصرى غير مهتم بسيارة اودى
 

اودي .... فولفو ..... الفاروميو ...... لانشيا ....
السوق متشبع .... و العربيات دي مش رخيصه .... اللي بيشتري مرسيدس بيستثمر فلوسه .... و اللي بيشتري بي ام عارف انه بيجيب اعلا تكنولوجي وبيركب عربيه غير اي عربيه .....
اللي بيجيب اودي .... بيلبس اسود .... لانه لو فكر يبيعها مين يشتري
فين الفولفو اللي كانت ال 244 وحش ماشي في الشوارع لحد النهارده
فين الفاروميو جميله الجميلات
فين لانشيا بطله العالم للراليات.... الديدرا نزلت كام سنه و اختفت تماما
فين فيات .... سياره الشعب ....
سكودا لولا الاوكتافيا مكناش شفناها من بعد الفيليشيا
الميتسوبيشي .... لانسر و بس... و ممكن الباجيرو على استحياء
الهوندا سيفيك و بس ... السيتي مش موجوده على الموقع الرسمي
وقبلهم المازدا فضلت مختفيه من ساعه ال 323 من التمانينات و لحد المازدا 3 وبس

مفيش النهارده وكيل مستعد يخاطر بحملات دعايه و تأمين قطع غيار ومصاريف و بعدين الناس متشتريش
ولسبب بسيط انه بينافس عربيات اثبتت وجودها في السوق من زماااااااااااااااااان
والناس معندهاش استعداد تجرب ..... خصوصا لو عربيه غاليه ... يجيب عربيه الناس كلها بتجيبها

حتروح فين الاودي مع سمعه وتاريخ بي ام و مرسيدس في مصر
حتى الفولفو الوكيل (الكويت والبلاد العربيه ) قضى عليها وكانو حيغيروه لولا الازمه العالميه