مصر موتورز مجتمع السيارات - انا والاكسيل والكبالن الداخلى وهواك

(السلام عليكم ورحمة الله وبركاته )
--------------------------------
اولا : انا لسه راجع دلوقت من عند الميكانيكى والكهربائى
ثانيا : انا تراجعت عن فكره بيع العربيه لاكثر من سبب وانا كنت عارف ان الحاجات اللى انا عملتها النهارده ديه كانت هتتعمل فى العربيه وكل اللى كلمنى وكان جد فى الكلام معايا كنت كلمته بصراحه ان هو ده كل اللى فى العربيه و ان انا هبقى اجيبله الحاجات ديه من عندى انا هديه ليه او هبقى اعملهاله علشان يبقى واخد العربيه كلها منى تمام التمام وابقى فعلا مديله العربيه مفيهاش اى مشاكل بالتالى كل اللى هحكيه يشهد الله على انى كنت بقوله لاى حد شايف انه بيكلمنى جد فى التليفون وهو بيسئل على العربيه لما كنت عارضها للبيع .
ثالثا :نبداء موضوعنا (بسم الله الرحمن الرحيم)
انا طبعا كنت عارف ان العربيه فيها كبالن داخلى عاوزه تتغير و بلية دبرياج لانى كنت جايب طقم دبرياج جديد فاليو دسك واسطوانه بس البليه كان نوعها يبانى بتاعت لانسر بطه وليس اكسيل المهم البليه كان صوتها طالع دايما من ساعت ما ركبت وكان حالتها حاله المهم كان دول اهم حاجه كبالن داخلى وبليه الدبرياج المهم جبت ورقه وقلت انا هظبت فاعمل كله مع بعض فكتبت الحاجات اللى هشتريها
1:كبالن داخلى
2:بلية دبرياج ماركة فاليو
3:شداد الفتيس (انا قولت هغيره نضافه علشان ابقى كدا ظبت كله مع بعضه )
طبعا صحيت النهارده الساعه 8.5 الصبح فطرت شربت الشاى ونزلت من البيت على الساعه 10 خدت العربيه ركنتها قصاد ورشة الميكانيكى اللى بتعامل معاه ورحت ركبت المترو ونزلت جمال عبد الناصر وطلعت على التوفيقيه
لقيت الكبالن الداخلى صينى ب 250 الجوز والتيوانى ب 300 الجوز فقولت طبعا اجيب التيوانى افضل ومفرقتش من 50 جنيه و لقيت بلية الدبرياج الفاليو ب 75 الكورى و لقيت الشداد بتاع الفتيس ب 45 جنيه وسير الدينمو كان ب 20 جنيه كورى بجيبه من جنب البيت ب 25 فقولت اجيب واحد بالمره اشيله معايا

ورحت واخد بعضى وركبت المترو تانى ورحت على الميكانيكى قالى انه محتاج علبة شحم امريكى ABRO بتاع بلى روحت جبتها كانت ب 30 جنيه و بداء الشغل شال الكبالن كامله وراح منزل الفتيس على الارض لقينا البليه القديمه البلى بتاعها سليم وكل حاجه بس كان فيها عيب صناعه ما وده سبب انها مكنتش مظبوطته فكانت بتسبب الصوت اللى بيطلع منها ده وبصراحه كان بيضايقنى جدااا لانى متعود دايما العربيه لما بركبها ببقى انا وهى حته واحده مينفعش الاقى حاجه مش مظبوطه
المهم بعد لما نزل الفتيس قلتله كانت الكبالن الداخلى من نحيتها بتسيل زيت فتيس من عندها فراح الراجل مطلع الاويل سيل اللى موجود فى الفتيس لقاه مش كويس روحت اشتريت اتنين اويل سيل ب 30 جنيه الواحده ب 15 ورحت راح مركب الاويل سيل وركب البليه بتاعت الدبرياج وركب الفتيس تانى مكانه وجينا بقى للكبالن بصوا بقى علشان نبقى متفقين على حاجه ايه هى الكبالن اللى بنسمع عنها صلى على اللى هيشفع فيا وفيك
وبالنسبه لاخواتنا المسيحين موسى نبى عيسى نبى محمد نبى وكل من له نبى يصلى عليه
انت دلوقت عربيتك فيها اربع كبالن ايوه اربع كبالن بينقسموا للاتى اتنين كبلن داخلى واتين كبلن خارجى بمعنى اخر اسهل وادق دلوقت انت عندك لكل عجله من العجلتين الاماميتين كوبلنين (اثنين ) يعنى كل عجله واخده اتنين كوبلن تمام كدا كوبلن من عند الفتيس وده اسمه كوبلن داخلى وماسك فى الفتيس وكوبلن تانى ماسك فى العجله اللى بره وده اسمه كوبلن خارجى وبين الكوبلن الخارجى والكوبلن الداخلى حاجه اسمها اكس وبتبقى عباره عن حديده بتوصل الحركه من الكوبلن الداخلى اللى متوصل فى الفتيس للكوبلن الخارجى ولما يبقى عندك كوبلن داخلى واكس و كوبلن خارجى لما التلات حاجات دول يبقوا راكبين على بعض يبقى الكلام ده اسمه كوبلن كامل والصورة ديه بتبين الكوبلن الكامل المكون من كوبلن داخلى واكس وكوبلن خارجى
http://www11.0zz0.com/2014/02/09/00/232744564.png
تمام كدا وطبعا كلنا عارفين ان وظيفه الكوبلن انه ينقل الحركه حتى لو انت حاود العجل نحيه اليمين والشمال و فى الطوالى ديه كل فايدته تمام كدا
خليكوا بقى حافظين بقى المسميات ديه اللى انا قولت عليها علشان هقولها فى باقى الموضوع و حضراتكم هتبقوا تتعاملوا بيها بعد كدا فى حياتكم
المهم بقى المعلم جه يفك الكبالن الداخلى لقينا اول مفاجاءه وهى ان الكبالن الداخلى على بلى زى الكبالن الخارجى وزى ما انتم عارفينها بس الكبالن اللى انا جايبها جديده على حاجه اسمها صلايب وطلع ان الكبالن الداخلى كلها من بعد سنه 2000 بداؤا يحولوها لكبالن صلايب يعنى الكوبلن الداخلى الجديد هو شبه الكوبلن العادى بس على حاجه اسمها صلايب وهما عملوا كداااااا علشان الكبالن بتاعت الصلايب بتستحمل اكتر وعمرها الافتراضى اطول وكمان مصاريف تصنيعها اقل من الكبالن العاديه واسهل وفيها كمان ميزه لينا ان فيها بلى بس رفيع اوووى مش مدور بلى طويل كدا رفيع اوووى البلى ده كع الزمن بيفرط هو كمان تقوم ساعتها واخد الكبالن الداخلى بس اوعى ترميها لا روح عند خراط محترم يعملك جلبه ليها وتشغ الكبالن الداخلى تانى سنتين تلاته اربعه تانى ماشى كدا بس الكبالن الداخلى القديمه زى اللى كانت راكبه عندى كانت على بلى مدور زى نفس تركيبه الكبالن الداخلى اللى موجوده عندنا وطبعا قابلتنا تانى مشكله ان صاحب العربيه اللى كان قبلى كان حاجه اسمها شبكه بتاعت كوبلن داخلى فى الاكس نفسه وديه مصيبه وفطبعا روحنا للخراط راح مفور اللحامات و راح مظبط مكان التيله بتاعت الكبالن تانى الداخلى وبقى كله تمام الحمد لله وخلاص خلص الموضوع
المهم جربنا وكل حاجه طلع كله تمام ورحنا مركبين الكبالن الداخلى على الاكسات وحط شحمك وكله تمام تمام و ركب الكبالن تانى مكانهم وركبنا العجل ورجلشنا فرامل خلفى وحطينا زيت الفتيس تانى وكله بقى زى الفل خلاص الحمد لله والميكانيكى اخد مصنعيه 120 جنيه.... طبعا الكلام ده كانت الساعه 8.30 بليل فمكنش الفعل سهل زى الكلام اللى كاتبه كدا يعنى كنت هرجع الكبالن تانى لاننا كنا فاكرين اننا مش بتاعتهم وكنا مش عارفين الاكس يروح عند الخراط ولا نجيب واحد استيراد ولا هنعمل ايه وكدا المهم قولت الحق افوت لعى الاسطى احمد الكهربائى بالمره يغيرلى لمبه الاستوب الخلفى و يركبلى بالمره كتاوت خارجى للمارش عندى وفعلا ركبها وكله بقى تمام الحمد لله ولما خلصنا كانت الساعه حوالى 10.30 فقالى روحنا بقى على كورنيش المعادى وفعلا اخدتهم ووديتهم هناك واول ما نزلوا من هنا وبدات اجرى بالعربيه وبدائت احس بتخبيط بيحصل فى العربيه بسيط وبداء التخبيط يزيد سه سنه سنه لغاية ما مره واحد لقيت العربيه بتعمل خخخخخخخخخخخخخخخخخخخخخخخخخ خخخ (انا مش قصدى حاجه واحشه انا قصدى انها ككانت بتعمل كدا والله ) صفوا النيه المهم ركنت على جنب ونزلت اشوف فيه ايه لقيت زى علبه بلاستيك كبيره تحته العربيه كانت مرميه فى الطريق نزلت عربيه ولقيت الفتيس عمال ينقط فى زيت فاتصلت بالميكانيكى قلتله الوضوع واللى حاصل معايا والدبدبه الى بتحصل فقالى انا فاتح قلتله وانا هخدها واحده واحده عقبال ما اجيلك وفعلا اخدتها واحده واحده والتخبيط عمال يزيد والزيت عمال ينزل من الفتيس جامد وعقبال ما وصلته روحت مبطل وجاب النور نور لقينا العربيه مطلعه زيت كتير بتاع فتيس علشان الكوبلن نفسه خرج من مكانه فى الفتيس فطلع فى الاخر ان الميكانيكى كان فيه تيله انت بتركبها الاول فى التيس من جوه وبعدين تدخل الكبلن فتقوم التيله قافله على الكوبلن اتوماتيك لواحدها فاللى حصل ان الميكانيكى حط التيله القديمه ومرضاش يحط التليله الجديده علشان خاف منها فالتيله القديمه مكانتش كويسه المهم قلتله انا رايح اجيب زيت فتيس وروحت جبت زيت فتيس عقبال ما روحت وجيت كان هو غير التيله وظبت كله كله بس بصراحه انا كنت غبت عنه لان الساعه بقت حوالى 11 بليل وانا مأكلتش من الصبح وكنت بقيت مرهق جداااا ومش قادر خلاص فروحت اكلت وجبت الزيت ورحتله كان هو مخلص ومستنينى على الزيت بس وفعلا حط الزيت وظبطناه وكله بقى تمام الحمد لله وكله زى الفل الحمد لله وقولته بكره بقى هبقى اجرب ولو حصل حاجه هجيبك وبس سلمت عليه ومشيت وطبعا مكنتش متضايق نهائيا لانى عارف ان مفيش حد مبيغلطش وده قدر ونصيب واكيد حصل كدا علشان حكمه ربنا عارفها ومحدش يعرف كان ايه مكتوب
وفى نهاية الموضوع استحلفكم بالله
تدعوا ربنا يغفر للمسلمين والمسلمات والمؤمنين والمؤمنات الاحياء منهم والاموات
وان ربنا يشفى مرضانا ومرضى المسلمين ويرحم موتانا وموتى المسلمين

وان ربنا يباركلى ويبارك فى العربيه وان ربنا يهدينى ويصلح حالى ويصلح نفسى ويبعد عنى شيطانى

وجزاكم الله خيرا