عربيتي الاكسنت ........ بجد بجد ... حيرتني؟؟؟؟
بسم الله الرحمن الرحيم
الساده الكرام / السلام عليكم ورحمة الله عند سياره اكسنت 1500 موديل 2001 انجيكشن . والمشكله تتلخص في الاتي 1- عند الدوراه صباحا لاول مره (وقبل التحرك تماما) الاحظ عداد ال RBM بيعلي 5 ثواني ويرجع يوطي للاخر وكأن العربيه هاتطفي . ويرجع يعلي فجأه لمدة 5 ثوان ويوطي تاني كأن العربيه هاتطفي وتتكرر الحكايه .. واحيانا بتطفي فعلا وارجع ادور من تاني . ولو سندت دواسة البنزين برجلي وضغط بالراحه تقطع وتخنق واحيانا يحصل فرقعه خفيفه اسمعها من عمة فلتر الهواء ومن الشكمان . وبتاخد فتره طويله ممكن توصل 10 دقائق حتي تتظبط نسبيا 2 - مع بداية التحرك ( في السلانسيه) تمشي حبه ومع ضغط دواسة النزين العربيه تتخنق وكأن حاجه بتقاومها عشان توقفها وفجأه تندفع بسرعه . وتتكرر الحكايه . 3- بتروح الظواهر دي مع زياة السرعه . وكمان لما بتسخن وتمشي لفتره طويله . 4 - طبعا علي حسب افتاءات الميكانيكه غيرت طلمة بنزين وفلتر بنزين وفلتر هواء وتم تنظيف الرشاشات ... وما زالت المشكله موجوده . 5 - قالولي المشكله ممكن تكون كهرابا .. غيرت البيجوهات وسلك البيجوهات وعملت كشف عند كهربائي قالي ان الايرماس عايز يتغير ..المهم غيرته وحاجه كده تانيه معاه تقريبا ممكن تكون مكنة هواء .. وبرده لسه المشكله موجوده يا جماعه بجد بجد انا اتخنقت وياريت الاقي عند حضراتكم الحل وشكرا |
رد: عربيتي الاكسنت ........ بجد بجد ... حيرتني؟؟؟؟
حتحتاج تنظف بوابة المكنه صح أولا
وتزييت قرص بوابة المكنه من الداخل لو أنعدلت الأمور .........يبقى خير وبركه لو لسه العمليه مأزمه يبقى لازم تجرب حساس tps آخر لأن فيه شك كبير فى كفاءة حساس ال tps عندك |
رد: عربيتي الاكسنت ........ بجد بجد ... حيرتني؟؟؟؟
عزيزي م / سمير
اولا:- اشكرك علي التواصل ثانيا :- ما هو حساس tps هذا . وما هو شكله . وياريت لو فيه صوره ليه علشان اقدر احدده بالظبط .. حضرتك عارف اني لو رحت لميكانيكي قولته غيرلي حساس ال tps يمكن يقولي .. ( انت جاي تتريق علينا يا استاذ ولا ايه ) ... وشكرا لحضرتك |
رد: عربيتي الاكسنت ........ بجد بجد ... حيرتني؟؟؟؟
حساس ال tps
بيسمى بحساس وضع الخانق ( حساس البوابه ) هتلاقيه قصاد بكرة الأكسراتير من خلف بوابة المكنه ووظيفته أرسال أشاره كهربيه لوحدة التحكم لتعريفها بمقدار فتحة البوابه لتحديد الحمل الواقع على محرك السياره نقدر نقول هو عين وحدة التحكم إللى بتشوف لها السواق دايس أد إيه على دواسة البنزين لكى تستطيع وحدة التحكم من خلال أشارة هذا الحساس وأشارة حساسات أخرى من حساب فترة ضخ البنزين ( لكل دورة حريق وحسب ضغطة السائق على دواسة البنزين ) من خلال التحكم فى زمن فتح الرشاشات _________________________ __ وجارى توضيح شكله ومكانه على بوابة محرك أشعال إلكترونى |
رد: عربيتي الاكسنت ........ بجد بجد ... حيرتني؟؟؟؟
حساس ال tps
http://i728.photobucket.com/albums/w...ion_Sensor.jpg ______________________ مكان تركيب الحساس على بوابة المحرك مع ملاحظة ظهور قرص البوابه على أساس أننا شايلين خرطوم الهواء القادم من فلتر الهواء http://i728.photobucket.com/albums/w...titled-157.jpg |
الساعة الآن 07:02 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017