مقارنة بين ميسوبيشي لانسر 2010 (الشكل القديم) وبين كيا سيراتو
 

رد: مقارنة بين ميسوبيشي لانسر 2010 (الشكل القديم) وبين كيا سيراتو
 

بغض النظر عن عقده اليابانى و الكورى لدى البعض
انا شايف ان السيراتو احسن كتير من لانسر شكل قديم (بوما)

موتور السيراتو افضل 124حصان و 156نيوتن.متر و موتور لانسر 106حصان و 139نيوتن.متر
ثبات السيراتو افضل كتير جداً (عن عدة تجارب)
شكلاً السيراتو احلى كتير (ازواق)
السيراتو اوسع و عزلها افضل
السيراتو عوامل امان اكتر abs,ebd, 2 airbags لانسر فيها abs,airbags
السيراتو كماليات اكتر كتير و سعر اقل
السيراتو بدأت فى الإنتشار بكثره و ده حيخلى سعر اعادة البيع ممتاز و توافر قطع الغيار بالتوكيل و خارج التوكيل بأسعار اقل
موضوع الجوده بتاعت الخامات الداخليه لو السيراتو ex او sx مفيش مشكله خالص و افخم من لانسر كمان
و الى بيقول يابانى و بيعيش و يعمر و الكورى عمره قصير يبص على الكورى الى ماشى فى البلد من 15 سنه و شغال زى الفل و اكيد كمان الصناعه الكورى اتقدمت فى ال 15 سنه دول ( يعنى العربيات حتعمر اكتر كمان)

انا شايفالسيراتو تكسب و مفيش مكان للمقارنه

رد: مقارنة بين ميسوبيشي لانسر 2010 (الشكل القديم) وبين كيا سيراتو
 

شكراً جزيلاً علي ردك وتقييمك المميز وواضح المنطقية في الرد والمقارنة
أنا سمعت من بعض الناس من تجربتهم مع السيراتو أن عفشتها نشفة. يارتري ده يعتبر عيب كبير فيها أو لاء؟
شكراً ليك مرة ثانية.

رد: مقارنة بين ميسوبيشي لانسر 2010 (الشكل القديم) وبين كيا سيراتو
 

هو فعلاً عفشه السيراتو ناشفه شويه (قريبه من عفشة السكودا اكتافيا و الهيونداى سوناتا) بس مش متعبه اوى
و العفشه الناشفه بتدى ميزه هى الثبات على السرعات العاليه, انا عن نفسى مش شايف انها ناشفه اوى, و على فكره لانسر الفول سبورت عفشتها ناشفه بردو بس السيراتو انشف سنه بسيطه

رد: مقارنة بين ميسوبيشي لانسر 2010 (الشكل القديم) وبين كيا سيراتو
 

على فكره موتور الانسر(الشكل القديم) 122 حصان :: اما الانسر (الشكل الجديد) 106 حصان

وانتشار السيراتو بالشكل الفظيع ده حيخلى سعر اعاده بيعها قليل

وعلى فكره اليابانى لايقارن بالكورى لان اليابانى افضل فى كل شئ لكن الكورى كماليات اكتر بكتير