تجربة كيا سيراتو 2011 لمدة ساعتين
 

يوم الجمعه بالليل او صباح يوم السبت على الساعه 1 كده سافرنا مع احد اقاربنا ووصلنا الساعه3 وسافرنا من الاسكندريه بالسياره كيا سيراتو الشكل القديم موديل 2011 وانا هقيم السياره من خلال الساعتين الى كنا فيهم فى العربيه السياره اعلى فئه خليجى على فكره :10CC26~164:

المهم مميزات السياره كلنا عارفينها تقريبا يعنى كمالياتها حلوه من فتحة السقف والتكيف الديجيتال قوى جدا والكاسيت الcd -usb-aux والمالتى فانكشن والبلوتوث والشفتات فى الطاره والفتيس الاستبترونيك والجنوط الاسبور والزجاج الكهرباء والمرايات الكهرباء وغيره ......

نأتى للعيوب من وجهة نظرى اولا الجلوس مده طويله فى السياره غير مريح وعزل الموتور مش حلو واكتر حاجه وحشه انها واطيه جدا يعنى المكان الى سفرنا فيه كان تقريبا كله مطبات والدولى كله كان محفور عشان التجديدات الى فيه وكل مطب لازم تجيبه بميل وبتحك برضه انا مش عارف ده من الجنوط الاسبور ال17 ولا فى كله كده وممكن فى حجات بسيطه تانى بس دى الحجات المهمه

ثانيا ده تقيم صغير بسيط للسياره فى خلال ايضا الساعتين

العزل 7 -10

التسارع 8.5 -10 ودى حاجه ماكنتش مرتاح فيها السياره عايزه تجرى زياده عن اللزوم

الموتور 8 -10

العفشه 8 -10

الأرتياح 7.5 -10

التصميم الخارجى 8.5 -10

التصميم الداخلى 8.5 -10

الفرامل 8 -10

مش عارف فيه تقييم ايه تانى :fun_rofl:

المهم دى تجربة بسيطه واتمنى تنال اعجابكم وشكرا

رد: تجربة كيا سيراتو 2011 لمدة ساعتين
 

انا معايا السيراتو كوبيه 2011 بس العربية مميزاتها الدلع الى جوا العربية والوسع وكده والموتور جيد جدا في التسارع لكن الثبات والعفشه غير مرضيه بالمرة مع العلم اني كان معايا بريليانس كانت برقبتها فى الثبات والغرز (عفشه جولف 4 ) وكانت مريحه فى المطبات

رد: تجربة كيا سيراتو 2011 لمدة ساعتين
 

هو فعلا كل الى بيركب الكوبيه شكلها الاسبور بالاوبشنز خرافه بس الشكل حاجه والاداء حاجه تانيه
بس رغم ده السيراتو مش وحشه ومن افضل السيارات فى الفئه السعريه

رد: تجربة كيا سيراتو 2011 لمدة ساعتين
 

مش عارف انا عن نفسي كنت مقتنع جدا بالبريليانس ثبات وشد ومش مكلفه كان معايا frv وكانت ممتازة

رد: تجربة كيا سيراتو 2011 لمدة ساعتين
 

طب غيرتها ليه مادام كنت مقتنع بيها؟
وهو فعلا الFRV وال CROSS بالذات تحفه فعلا والاتوماتيك بالذات :1467AC~154::joy23: