الزجاج الخلفي للوجان - الحمد لله قدر الله وماشاء فعل
 

السلام عليكم

اخواني في المنتدي حبيت اشرككم بتجربتي الغير سعيدة للاسف لما الزجاج الخلفي للعربية جاله والعياز بالله سرطان :fun_36_1_47[1]:

طبعا زي ماهو واضح في الصور ان الازاز جالة سرطان علي غفلة بدون المساس بة من اي بني ادم :k_crying77[1]: ولا حتي طوبة طايشة وللاسف لما رحت بية للتوكيل في العامرية عشان اغيرة في الضمان قالولي لا الازاز مش في الضمان

طيب يا جماعة ماجايز عيب صناعة - قالولي لا عيب الصناعة يظهر قبل سنة وانا عربيتي عدت السنة ونص والحمد لله بدون اي خسائر لا موضوع الازاز دا

طيب مفيش مشكلة نغيرة علي حسابنا وامرنا لله - بكام ؟؟؟؟ ب 720ج - لا الله الا الله طيب مفيش خصم دا المفترض اني عميل كويس ومتابع معاكوا علي طول ؟؟

لا مفيش دا غير ان الازاز بتركيبة حيعمل 1200ج !!!!!!!!!!!!!!؟؟؟؟؟؟؟؟؟؟ يا مسقتي ليه يا جماعة هو اللي حيركبة حيعملة عمولة ولا ايه؟؟؟:01964E~163:

طبعا خد بعضي بعربيتي من وشهم ومشيت وعملت اتصالات بناس معرفة علي اساس نوصل لاي حل بس للاسف فعلا الازاز ملوش ضمان وخصوصا ان العربية فات عليها اكتر من سنة المهم انا رحت لواحد بتاع ازاز ابن حلال وانا متوقع ان تمنة مش حيقل عن نص تمن الازاز في التوكيل

والمفاجاه اني لقيتة برة ب 360ج فقط يعني ربع التمن مش النص بالتركيب وكمان د/جريش ربنا يخليهولنا وبلون العربية وبالسخانات



الموضوع دا فقط انا عامله لغرض واحد فقط - انا بحب التوكيل جدا وبحب الناس اللي شغالة فيه وكلهم زوق وعلي مستوي عالي من الكفائة بس يا ريت نظرة عطف علينا نحن ملاك السيارة واسعار قطع الغيار المبالغ فيها فعلا جدا جدا جدا


فيها ايه لما تستعينوا بالشركات المصرية المشهود ليها بالكفائة في بعض قطع الغيار اللي ممكن لو جبتوها من برة تبقي غالية بالمنظر دا

وليه المصنعيات بالغلوا دا هو اللي حيركب الازاز دا مش صنايعي زي اي صنايعي برة التوكيل ولا دا حيهندسة وهو بيركبة!!!!!!!

ليه تخليني اعمل الحاجة برة وانا مبحبش اشتغل في العربية برة التوكيل لمجرد ان سعرك غالي جدا ومش طبيعي وخصوصا ان العربية انتشرت يعني انتم ممكن تستفيدوا من الحاجات الصغيرة دي

في النهاية انا لسة كلي ثقة في التوكيل بس بجد انتوا اللي بتخلونا نقلق من التعامل معاكوا


http://up12.up-images.com/up/viewimages/593fb0e520.jpg

http://up12.up-images.com/up/viewimages/836b7d6773.jpg

http://up12.up-images.com/up/viewimages/7545e13a0e.jpg

http://up12.up-images.com/up/viewimages/e8063ecf92.jpg

http://up12.up-images.com/up/viewimages/5ea628fd1f.jpg

http://up12.up-images.com/up/viewimages/233bf85176.jpg

رد: الزجاج الخلفي للوجان - الحمد لله قدر الله وماشاء فعل
 

بص يا باشا نصيحه من اخوك.لف شويه على الأزاز قبل متركب اى نوع لأن الأزاز برضه فى منه درجات.ولازم الصنايعى يكون و احد نضيف عشان اللحامات و كده.وربنا يعوض عليك خير.و هو التوكيل مفتريين فى كل حاجه انا برضوا حصلى موقف كده فى عربيتى الأسبرانزا الفوج اتكسر.قولت اسال عليه فى التوكيل و انا بعمل الصيانه فى محطة الرمل.المهم قالولى الفرده ب 180 ج قولتولهم لا خلوه مكسور احسن كده.وبعدين لما روحت القاهرة سألت فى التوفيقيه لقيته ب 40 ج بس شوف الأفترا يا راجل

رد: الزجاج الخلفي للوجان - الحمد لله قدر الله وماشاء فعل
 

انا فعلا مركبتش الا لما سالت كويس جدا لدرجة اني رحت توكيل د/جريش في الاول اللي في جرين بلازا بس قالولي انهم بيبيعوا لتجار بس وهما اللي رشحولي المحل اللي ركبت فيه وهو في سموحة برضة عند كوبري 15 مايو ومرحتلوش الا لما اكدولي انه بيتعامل معاهم وعنده انضف نوع

رد: الزجاج الخلفي للوجان - الحمد لله قدر الله وماشاء فعل
 

الله ينور عليك يا بوب كده انت ان شاء الله فى ال ok

رد: الزجاج الخلفي للوجان - الحمد لله قدر الله وماشاء فعل
 

الموضوع ده حصل معايا بالضبط وللاسف انى ركبت الزجاج فى التوكيل

وربنا يعوض عليك وعليا