|
Bolbolan يطلب المساعده فى التفكير لشراء....
أقر أنا Bolbolan و أعترف بأنى فى حاجه الى رأى الآصدقاء للخطوه اللى بأفكر فيها وحقيقى ح آخذ باجماع
الآراء ! أولا : كنت ناوى أشترى نيوسيراتو و مازلت أفكر و ذهبت فعلا للمعرض و علمت ان الاستلام بعد 3 شهور و ممكن يوصلوا الى 6 شهور علشان الضغط جامد و لك حرية اختيار بين لونين فقط مع دفع مقدم حجز 20000 ج ! طبعآ لم يعجبتى الكلام لآنه بيرهن 20000ج عنده 3 أو 6 شهور و ممكن بعد كده يقولك السياره ثمنها ارتفع أو يجيب لك لون انت موش عايزه ! وبعدين أنا رايح أشترى سياره و كبيره يومين و أستلمها موش لسه ح يصنعها لى ! و حاليآ أنا ضرب فى مخى أجيب نيو أكسنت فول أوبشن أوتوماتيك لعدة أسباب ! موتور 1600 - توكيل - قطع غيار - شكلها موش وحش قوى - لو الثبات وصوت الموتور بعد 120 كم موش حلو قوى ( عمرى ما ح أزود فى مصر عن كده ) - أنا و زوجتى وابنى و بنتى - الاطوال من 180سم الى 175 سم الاوزان أنا وابنى 220 -225 كجم والباقى عصافير ! و بم انى موش ح أبيع الكورولا 97 الشكل القديم ! وبكده أوفر 45000 الآولاد أولى بيهم ! والجديده ستكون استعمالى أنا و المدام و الكورولا للآولاد يبقى ما فيش داعى للسيراتو ! ولا ايه ؟ المطلوب : هل هذا التفكير سليم ولا لآه ثانيآ : ما هى عيوب النيو أكسنت عن طريق القراءة أو التجربه ! ملحوظه : ماهى الفول أوبشن اللى فيها ( و موش مهم ايرباج ولا ايه بى اس ) كله فى الكلتش ! و دمتم و منتظر أراء الفطاحل ! Dr. Bolbolan ptmnlo123per1127 |
رد: Bolbolan يطلب المساعده فى التفكير لشراء....
يسعدني يا دكتور اكون أول واحد يرد علي حضرتك يا سلام !! ده حضرتك اتفضل عربيتي المتواضعة ،،، بص يا دكتور ،، النيو سيراتو طبعا أفضل بدون أي شك لأنها فئة أكبر و لا وجه للمقارنة المفروض تقارنها بالالنترا ،،، فالموضوع مادي بحت انتا مقتنع بأن العربيات دي فلوس ريح توفر فلوسك و تجيب أي عربية تقضي الغرض و لا بتحب تركب و تستمتع بالعربيات يبقي تضغط علي نفسك و تجيب أفضل عربية ممكن تشتريها أنا لو مكانك الصراحة أشتري نيو سيراتو هيا موجودة في المعارض الف و اجيب اقرب سعر للتوكيل هتكون اغلي الف جنية و لا حاجة لأن التوكيل بيدي للأسف أولوية للموزعين و بخصوص النيو أكسنت ان مسمعتش عنها عيوب عامة بيقال بس عفشتها ناشفة و ده نفس اللي هتلاقيه في السيراتو لأنها جنوط 17 |
رد: Bolbolan يطلب المساعده فى التفكير لشراء....
يشرفني يا دكترة أكون أول واحد يرد عليك :
ومعلش اسمحلي هتكلم بصراحة أنا النيو أكسنت ديه مش عجباني خااااااااااالص العربية خامتها سيئة جدا وضيقة بطريقة تخنق قوي قوي قوي ، معاك إنها سهلة الصيانة وقطع غيارها متوفرة بسهولة لكن مش هو ده المهم المهم الراحة في القيادة ، وإن كنت مش من أنصار الكوري تماما بس أضم صوتي لتفكيرك في السيراتو وبالنسبة للانتظار ممكن تبص عهلى الخليجي هتبقى تسليم فوري وكمان أوبشن أعلى ، وممكن كمان تفكر في الالنترا عربية فعلا حلوه ومساحتها واسعة وموترها وأوبشنها عالي . سؤال : إنت راكب تويوتا 97 طب ليه ما فكرتش في الياباني ؟؟؟؟؟؟؟ |
رد: Bolbolan يطلب المساعده فى التفكير لشراء....
اقتباس:
أنا أول واحد رديت عليه !!!! ههههه ربنا يزود محبينك يا دكتور |
رد: Bolbolan يطلب المساعده فى التفكير لشراء....
شكرآ يا حاج أحمد على التفاعل السريع ! بس نحلل الموضوع أكتر ! طبعا النيوسيراتو أقوى وأجمل و أوبشن
أكثر بس هل هذه الآوبشن تساوى ال45000ج الفرق ! يعنى ثمن سياره أخرى ! ثانيآ: أنا راكب كورولا 97 الشكل القديم وليس بها فرامل ايه بى اس وى اى بى دى ولا سى دى ولا ايرباج و الحمدلله 12 سته أول رجل وولادى كبروا فيها لغاية لما ساقوها ! اذن الكماليات دى موش مهم قوى رغم طبعآ ان وجودها أحسن ! أنا موش بأجبرك تقوللى نيوأكسنت بس بأكمل فكرتى ! و طبعآ ح أشتريها كاش ان شاء الله ! Dr. Bolbolan ptmnlo123per1127 |
| الساعة الآن 11:14 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017