|
حكايتى مع السيارات فى جنوب أفرقيا حكاية صور !
السلام عليكم - بعد حكايتى مع السيارات فى العراق ! ننتقل الى جنوب أفريقيا ! هى ح تكون صور
أكثر من الحكاوى ! لكن مع شوية مط و تطويل مع شوية بهارات و تحابيش ( بدون فشر طبعآ ) ممكن ان شاء الله نعمل موضوع يطلع منه القارى بفائده و لو صغيره ! يا اما معلومه عن جنوب أفريقيا وناسها و جوها و لغتها ! يا اما طرفه حصلت لى أو مفارقه ! يا اما ضحكه ! المهم أى فائده ! و طبعآ فيه بعض الناس موش طايقين يشوفونى أو يسمعوا سيرتى ! فياريت الناس دى لا تدخل على المشاركه و ماتتعبش نفسها بتعليقات مالهاش لازمه لآن أنا ورايا رجاله ! منهم القراصنه و اللواءات الخ الخ ! و ح نبتدى الحكاوى من بكره و نبتدى اليوم ببعض الصور للتسخين ! ملحوظه : أرجوا أن لا ينزعج الآعضاء لو ظهرت عرضيا فى بعض الصور حيث كان وزنى زائدآ 10 كجم كامله عن الآن و مزاجى كان موش حلو ( امتحانات و مذاكره ) و الله المستعان ! Dr. Bolbolan :waving: http://i943.photobucket.com/albums/a...Image702-1.jpg http://i943.photobucket.com/albums/a...s/Image820.jpg http://i943.photobucket.com/albums/a...s/Image709.jpg http://i943.photobucket.com/albums/a...s/Image701.jpg |
رد: حكايتى مع السيارات فى جنوب أفرقيا حكاية صور !
ايوة كدة :HAPPY_~211: رجعت ايامنا الحلوة ptmnlo123per154 والحكاوى اللذيذه لا عاوزة حكاوى كمان مع الصور عشان يزيد الاستمتاعptmnlo123per122 ومين دة اللى موش يكون عاوز يسمع حكاويك يا دكتور ptmnlo123per195 بس صحيح دة كان زياده عشرة كيلو بس ولا اكتر ptmnlo123per1127 |
رد: حكايتى مع السيارات فى جنوب أفرقيا حكاية صور !
ptmnlo123per111 والله العظيم ثلاثه لم أقصد أن أضع صورتى المنيله دى ! ده برنامج رفع
الصور حاطط عليه كام صوره وعلمت على 4 صور ليست منهم هذه الصوره ! نزلت ازاى على المنتدى ! ما أعرفش !ptmnlo123per1106 يبدو ان برنامج الرفع ده بيخرف ! و عمومآ الصوره دى كانت الساعه 6 صباحا و لسه صاحى من نوم 3 ساعات ptmnlo123per172 بعد مذاكره طول الليل فى مثل هذا العمر ! و منتظر السياره علشان أروح امتحان ! شوفوا أكل العيش بيعمل ايه ؟؟؟ ptmnlo123per144 Dr. Bolbolan :waving: |
رد: حكايتى مع السيارات فى جنوب أفرقيا حكاية صور !
ههههههههه:shy: خلاص ولا يهمك يا عمو عبد السلام ptmnlo123per122 جميله بردو :HAPPY_~211: يلا عاوزين بقى الحكاوى :angel2W22: |
رد: حكايتى مع السيارات فى جنوب أفرقيا حكاية صور !
سبحان الله الصوره اختفت لوحدها ( موش بأقول لكم محطة الرفع مخرفه ) ! عموما هى لم تكن
سيئه ! بس الواحد كان مكسوف الناس تظن انى عمال أحط صورى و معجب بنفسى قوى ! المهم تبدأ قصة جنوب أفريقيا بأن الشركه الآميريكيه التى أعمل بها عملت ميرج ( اندماج ) مع شركه أخرى و بعدين جائت شركه أضخم لتبلع الاثنين وتشتريهم ! و من مواصفات وظيفتى فى الشركه الجديده أن أكون حاصل على شهادات من جمعية القلب الآميريكيه و جمعية أطباء الطوارىء و الحوادث العالميه و مقرها أميريكا برده ! و لكن علشان أنا عربى ابن عربى و النبى عربى فمن الآسلم نبعد عن أميريكا بعدين أفجر كام برج هناك ولا حاجه ( وأنا فى الحقيقه ما أعرفش ( أفجر برج حمام حتى ) ! المهم ان هاتين الجمعيتين لهم فرعان فى العالم ! واحد فى هولندا و الثانى فى جنوب أفريقيا ! و برده علشان أنا عربى و أفريقى و علشان الرسوم المسيئه واتفاقية شنجن بنجن ! وجدوا ان جنوب أفريقيا أحسن و أرخص ! وأنا قلت مافيش مشكله ! حقيقى والله أنا لا أحب أن أزور أميريكا رغم ان أخى ثم ابنته ذهبوا الى هناك و كمان أولادى راحوا كندا لفتره طويله ! بس الكلام ده ما بياكلش معايا ! و فرحت و زعلت فى نفس الوقت ! فرحت لآنى لما شوفت فيلم أفريكانوا كان فى نفسى أزور هذه البلاد و أفتكر نفسى أحمد السقا ( بس موش ح آخد معايا محمد عيد ) ! و يمكن هناك ألاقى مزه حلوه ( الشرع بيقول أربعه ) ! على اعتبار انى سبع السباع المفترس !ptmnlo123per1147 و زعلت علشان لو لم آخذ هذه الشهاده لن أكمل فى الشركه اللى عملت بها 20 سنه كامله وهى عمر أولادى ! و بعدين بعد ما شاب ح يودوه الكتاب ! و مافيش هناك دكاتره مصريين يرأفوا بحالنا زى هنا و ما فيش يا أما ارحمينى ! المهم قبل السفر بشهر و نصف تقريبآ بعثوا لى بالكتب اللى المفروض أذاكر منها ( المفروض رسميا يبعثوها قبل الامتحان ب 6 أشهر ) لكن حدث خطآ منهم ووصلتنى متأخره ! و حاولت التأجيل لكن ( لا ممكن ) ! و اقترب ميعاد السفر و ابتدى بعض معارفى فى التريقه على شخصى الضعيف ! اللى يقول لى عاوز نسناس و اللى يقول لى الآلماظ هناك رخيص و هات منه على قد ما تقدر ! و اللى يقول لى خللى بالك من الآيدز !! كأنى عنتر شايل سيفه ! و انخرطت فى المذاكره وكانت مواد ثقيله و رهيبه و الغريب ان كلها متشعبه و منفصله و متصله فى نفس الوقت ! و لا يمكن تلاقى فيها غلطه ! موش زى الكتب الطبيه بتاعتنا اللى كلها كلام و أرقام مختلفه ! ptmnlo123per144 و مما زاد البله طين ان وقت المذاكره معظمه كان فى الشغل و رمضان كمان و كان أنحس شهر فى كمية الحوادث و البلاوى اللى حصلت فيه و ملآ تقارير و ...و .... و ما حدش بياكلها بالساهل ( على رأي ريا وسكينه ) أو خبزه مره ( على رأى اخوانا التوانسه ) ! يتبع !! Dr. Bolbolan :waving: http://i943.photobucket.com/albums/a...s/Image701.jpg http://i943.photobucket.com/albums/a...s/Image834.jpg http://i943.photobucket.com/albums/a...s/Image565.jpg http://i943.photobucket.com/albums/a...s/Image832.jpg http://i943.photobucket.com/albums/a...Image829-1.jpg http://i943.photobucket.com/albums/a...s/Image828.jpg |
| الساعة الآن 06:58 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017