مصر موتورز مجتمع السيارات - يوم كامل فى طريق العلميين (بهدلة) من 1 بليل ل 2 ظهراااا

يوم الجمعة بليل طلعت فى دماغى انا و اتنين صحابى نطلع مارينا طيب نطلع بعربية مين انا عربيتى مش مترخصة قولنا خلاص نطلع ب الجولف بتاعت صاحبى طيب معاكو كام يا رجالة انا كان معايا 70 جنية و صاحبى التانى 30 و صاحبى التالت 65 جنية احنا كونا طالعين الاوتو كروس وراجعين فى نفس اليوم طيب الساعة جت 11 بليل قولنا يلا حطينا ب 40 جنية بنزين ومشينا واحنا على الصحراوى فجأ الغيار الخامس رد قولنا معلش مسكتو انا بأيدى عشان ميردش ورحنا الرست حطينا ب 25 جنية بنزين تااااانى بقى كل الى معانا 90 جنية ودخلنا العلميين ومشينا 30 كيلو و هوب فاردت كوتش نامت ازاى و هيا تيوبلس معرفش وقفنا كانت الساعة كام 12ونص بليل طيب هات يابنى الاستبن و الكوريك قالى ممعيش اية ازاى يبنى قالى اصل الكوتش تيوبلس مش بينااااااااااااام طيب نعمل اية طبعا محدش عايز يقفلنا والطريق ضلمااااااااااااااااااااا وكل فين وفين تعدى عربية طيب نعمل اية اتصلنا بلاغاااثة عقبال ما جم بقت الساعة 3 الفجر وجايين ولا معاهم كورييك ولا حتى صليبة احنا جالنا احبااااط طبعا بس الحمد لله واحد معاة فيرنا وقفلنا وفكلنا العجلة وسابلنا العربية على كام حجر ومشى يشكر الراجل بتوع الاغاثة اخدو صاحبى ومشيو بية يدورو على حد بتاع كوتش راحو ناحية مارينا ملئوش حد رجعو ناحية الصحراوى تانى وعامللين يزلوا فى صاحبى شايف كل دة بنزين بيروووح اكنهم دافينوا من جيبهوم المهم وصلوا لواحد بتاااع كوتش ها يا عم الفردة 15 قالو هركبلك شانبر 14 عشااان الفردة مش نافعة بكاااام قالو ب 50 جنية قالو اعملو عملو وجم وبتوع الاغاااثة اخدو الاربعين جنية الفاضلين معانا مشيو وواحد وقفلنا ولله الراجل من غير ما نشاورلو وربطنا العجلة ومشينا وكدة احنا ممعناااش ولا نكلة وعندنا امل اننا نروح مارينا ناخد فلوس من واحد صاحبنا هنااااك مشينا على الطريق الشبووووورة نزلت اية بقى عاملة زى القطن و خلاص فاضل40 كيلو على مارينا حسينا العربية مش مظبوطة فى اية لقينا عجلة تانية متفرتكة وتيوبلس كانت بردو وقفنا تانى بس المرة دى ممعناااااش ولا نكلة نعمل صحابى الاتنين موبايلتهم فصلت وانا موبايلى بيقولى البطارية ضعيفة وهب شوية بنكلم اية حد طبعا الساعة 5 الفجر محدش بيرد وموبايلى فصل :286: جالنا احباااط ومعندناااش امل اننا نرجع بيوتنا ناس وقفلنا وفكولنا العجلة طيب نعمل اية مفيش غير اننا نبيع موبايلتنا كل واحد ادى موبايلة لصاحبى لان دة مش لحام دة لازم فردة تانية بدلها صاحبى اخد التلات موبيلات وناس وقفولنا تانى و اخدوا ناحيو مارينا معاهم يشوف حد ياخد التلت موبايلات ويديلو فردت كوتش طبعا من 1 بليل العربية كانت بتقف على حجرة يعنى صاحبنا بيمشى وانا وصاحبى بنفضل واقفين على رجلينا والمهم صاحبى مش 5 الفجر رجعلنا الساعة 9 واحد رضى يديلة فردة جديد و اخد الموبايلات كان الشمس فارمانى انا وصاحبى التانى ركبناها و خلاص بقى مفيش مارينا ولا اوتو كروس لف وارجع بعد طبعا ما كان حد تانى وقف وركبنا العجلة المهم خلصنا العلميين وداخلين على الصحرااوى والبنزين مش هيكفى يوصلنا نعمل اية لمينا الجنيهات الفضة الى معانا وصلو 13 جنية حطينا بيهم بنزين ومشينا على الصحراوى و هوب الفردة الى اتعمل فيها شانبر نامت ومفيش حد فينا فى جيبة ربع جنية نعمل اية فى واحد صاحبنا بيدخن كان بيشرب مالبورو اخدنا منو العلبة مشينا لواحد بتاع كوتش على الصحراوى على بعد كيلو وقلنالو تعملنا فردت كوتش وتاخد علبة سجاير عشان ممعنااش فلوووس قالنا ماشى بعت معانا صبى فك العجلة وعملها ورجع ركبها ومشينا وروحنا وصلنا بيوتنا الساعة 2 الظهر بعد يوم ما يعلم بية الا ربنا على اخر نقطة بنزين
ملحوظة : السيراتو وهيا بتجرى فيها صوت زنة اكنها متربنة (عليها تربو) اية الزنة دى حد يعرف اصل انا واقف من 1 بليل ل 10 الصبح على العلميين فا مكنش فى حاجة بعملها غير انى بسمع اصوات المواتير