مصر موتورز مجتمع السيارات - سحب بنزين مع عادم أسود... إيه الحل؟؟؟؟؟؟

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - سحب بنزين مع عادم أسود... إيه الحل؟؟؟؟؟؟ (https://www.masrmotors.com/vb/showthread.php?t=105466)

سحب بنزين مع عادم أسود... إيه الحل؟؟؟؟؟؟

السلام عليكم
كنت إشتريت علبة رش أبرو بتاعة تنظيف الكربراتير, و عملت زى ما علمتونا, فكيت العمة و الفلتر و رشيت جوة الكربراتير و دورت و رشيت و قفلت و طلعت مشوار طويل.
و قلت بالمرة أغير طقم البوجيهات, الحمد لله حسيت فى الأول بفرق ملحوظ , بس بعد كده رجعت لسيرتها الأولى: فى السحب و التسارع.
المهم أنى لاحظت بعد التنظيف أن معدل الإستهلاك زاد جداً, و العادم بقى لونة أسود و ليه رائحة الإحتراق المميزة.
و صوت العربية من عند الشكمان كأنها بتقطع.

هل ممكن يكون الشكمان مسدود و لا دى إبرة العوامة فى الكربراتير, و سمعت إن فيه مسمارين لضبط الهوا و البنزين فى الكربراتير بس مش لاقيهم, مش شايف غير مسمار بيك السلانسية.
(ملحوظة: أنا لسه عامل صيانة شاملة للكربراتير من حوالى 5 شهور, و غيرت أكس و باب)
العربية لادا 2105

رد: سحب بنزين مع عادم أسود... إيه الحل؟؟؟؟؟؟

العربيه وهى دايره سلانسيه مبرجله ولا تمام ؟؟؟
ومتابع معاك

رد: سحب بنزين مع عادم أسود... إيه الحل؟؟؟؟؟؟

حاول تنضف البوجيهات

رد: سحب بنزين مع عادم أسود... إيه الحل؟؟؟؟؟؟

طالما الكاربيراتير اتنضف يبقى اكيد محتاج اعادة ظبط لانه كان مظبوط بالرواسب فدلوقتى تم ازالة معظم الرواسب فلازم اعادة ظبط و بالمرة غير فلتر الهوا و البنزين

رد: سحب بنزين مع عادم أسود... إيه الحل؟؟؟؟؟؟

حبيب قلبى يا أستاذ محمد, و الله بتوحشنى
بص يا حبيبى، العربية عالسلانسية بتبقى كأنها شرقانة فى الأول و العربية بتترج جامد, بس بعد ما أسخنها لفترة تبدأ تضبط, و فيه نقطة فى نص دواسة البنزين و أنا بأزود بألاقى العربية بتفصل فيها خالص و ترجع تانى.

الشيئ الغريب: رحت النهارده أغسل العربية و الحوض و العامل المهمل رش مياه على الأسبراتير و قضيت اليوم فى الشارع و أخيراً أضطريت أغير طقم بوجيهات لسه مركبّه من إسبوع.

الطقم اللى بفكه كان خارج أسود هباب, زى ما يكون كان شغال بقاله مليون سنه!!!