تسقيف حراره ولا بنزين ولا كهربا
 

السلام عليكم ورحمه الله وبركاته




كالعاده قبل ما امد ايدى في العربيه واعمل شغل لازم اخد رايكو ونصيحتكم الاول






انا كان عندي تسقيف جامد جدا في العربيه وكنت مفكر بنزين او كهربا وسرفت كتير كتير عل الموضوع دا




طلع في الاخر التسقيف مش من البنزين ولا الكهربا - دا كلام 2 ميكانيكيه رحتلهم بعد العيد



العيب طلع من الحراره - عايز خراطه في وش السلندر واغير الجوان يعنى نص عمره




ال 2 ميكانيكيه اكدولى نفس الكلام العيب مش بنزين دا تسقيف حراره - كمان كان فيه بخر زيت جامد علشان الحراره بتوصل لدرجات عاليه جدا - انا كنت مفكر ان الزيت اللي بحطه مش كويس (توتال) غيرته وحطيت (بترومين) كنت كل لما اغير زيت ينزل لتر بس - الشكمان مبيخرجش دخان ولا ابيض ولا ازرق ولا اسود



من الاخر وش السلندر (مقفع) وعايز خراطه والجوان يتغير وبالمره نبص عل الشمبر والسلندرات



الموضوع هيتكلف 2000 جنيه - بس انا حاسس انه كتير لانى ممكن اجيب مكنه استيراد ب 1200 جنيه (بس المكنه الاستيراد زى البطيخه ممكن تكون هيا كمان عايزه شمبر )



انا بسافر بالعربيه اسبوعيا وبجيب 140 عل الطريق عادي من غير مجهود حاسس ان المكنه كويسه (احساس مش عارف لو عايزه عمره المفروض تجيب كدا ولا لا ) بس العربيه في المشاوير الصغيره بتبقي مطلعه نار والمؤشر في النص عادي والمراوح بتشتغل ولسه مغير علبه الشكمان ومنظف باقي الشكمان



لسه مقررتش هاعمل ايه افتونىفي امرى اكرمكم الله



دا موضوعى القديم http://www.masrmotors.com/vb/showthread.php?t=52903

رد: تسقيف حراره ولا بنزين ولا كهربا
 

انت عملت عمرة قبل كدة

رد: تسقيف حراره ولا بنزين ولا كهربا
 

لا خالص


بس العربيه موديل 2000 - انا شاريها مستعمله - مش عارف اللي قبل عمل ولا لا - والله اعلم يمكن كان فيه واحد قبليه كمان

رد: تسقيف حراره ولا بنزين ولا كهربا
 

مش عارف اقولك ايه مش عايز اضرك

بس ما دام ماشيه وانت مش حاسس بحاجه
وبتجيب 140
ومؤشر الحراره تمام
ايه اللي مخليك موسوس كده

وبعدين التسقيف اللي انته حاسه عباره عن ايه

رد: تسقيف حراره ولا بنزين ولا كهربا
 

بص انا كل مره بعد 3000 لما اجي اغير الزيت بينزل لتر واحد بس مش 3 يعنى فيه 2 لتر بيتبخروا - المشاوير القصيره العربيه بتبقي فرن ولو جدع تلمس الكبوت

صوت كركره علي تسقيف من 0 لحد 40 اكنى حاطط بنزين 80 مع العلم من ساعه مشتريت الكار مبحطش غير 92

طبعا الصوت ينرفز والحراره تحرق الدم برضه

انتا رايك ايه اتكل علي الله واعمر ولا ايه النظام؟