استلمت RB
 

استلمت من كام يوم الأكسنت RB وحبيت أشارككم بانطباعاتي عن العربية
العربية مانيوال لونها برونز جبتها من أباظة بسابا باشا بالاسكندرية بـ 94 ألف

أكتر حاجة بتميز العربية صوت موتورها واطي جداً تقريباً مالهوش صوت لما بتدورها ، حتى مع السحب يعتبر منخفض جداً .. أنا جبت بيها 130 ومازودتش عن كدة علشان التليين ( بالمناسبة في الكتالوج بتاعها بيقولوا التليين أول 1000 كم تقدر تجيب الأر بي إم من 2 إلى 4 وماتزودش عن 4 )
وثبات العربية كان ممتاز

كرسي السائق تقدر تتحكم في ارتفاعه ومزود بمسند يد
العربية واسعة من قدام ومن ورا وشنطتها كبيرة جداً
الدركسيون باور بيتقل مع السرعات العالية
الكاسيت 4 سماعات في الأبواب صوتهم جبار وفيه أوبشن إن صوته يعلى مع زيادة السرعة وبيقرا ملفات MP3 و WMA

كمبيوتر رحلات فيه فاضل كام كيلومتر على البنزين الموجود ومتوسط استهلاك البنزين واستهلاك البنزين الحالي وأنت سايق ، ومتوسط السرعة

المرايات الجانبية مبينة كل حاجة بوضوح وطبعاً التحكم فيها بالكهربا
التكييف رائع ومش مؤثر على السحب أو صوت الموتور

أول ما استلمت العربية كان فيه مشكلة في الإنذار إنه بيرن مجرد ما تلمس العربية ، رحت التوكيل على طول وظبطوه في ثواني

وأخيراً من عيوب العربية إن مافيهاش فرامل ABS

رد: استلمت RB
 

الف الف الف مبروك ربنا يبارك ليك فيها ويعطيك خيرها ويحفظك شرها

رد: استلمت RB
 

الف مبروك عليك العربية و ربنا يديك خيرها و يكفيك شرها و منتظرين تقرير مصور GIFT4U

رد: استلمت RB
 

1000000000000000000000000 0000000000000000 mabrooooooooooooooooooooo ook

رد: استلمت RB
 

<table id="post3873510338" class="tborder" width="100%" align="center" border="0" cellpadding="6" cellspacing="0"><tbody><t r valign="top"><tr valign="top"><td class="alt1" id="td_post_3873510338" style="border-left: 1px solid rgb(218, 218, 218);"> <table width="100%" border="0" cellpadding="0" cellspacing="0"> <tbody><tr><td>

</td> <td>

</td> </tr></tbody></table> <hr style="color: rgb(218, 218, 218); background-color: rgb(218, 218, 218);" size="1"> يا جماعة لو سمحتو اللى استلمو العربية ....
انا بس كنت عاوز اعرف ايه الحاجات اللى ابص عليها فى العربية من بره و من جوه وايه الحجات اللى اتاكد انها شغالة بطريقة سليمة
شكرا مسبقا
<center> <ins style="border: medium none ; margin: 0pt; padding: 0pt; display: inline-table; height: 90px; position: relative; visibility: visible; width: 728px;"><ins id="aswift_1_anchor" style="border: medium none ; margin: 0pt; padding: 0pt; display: block; height: 90px; position: relative; visibility: visible; width: 728px;"></ins></ins> </center> </td></tr></tr></tbody></table>