مصر موتورز مجتمع السيارات - عمل صيانه واصلاح لكربراتير هيونداى اكسيل هيونداى اكسنت لانسر بطه متسوبيشى جالنت بالصور

عمل صيانه لكربراتير هيونداى اكسيل
-----------------------------------------------
كانت الشكوى من الاتى
1:العربيه استهلاكها للبنزين عالى جداااا
2:العربيه سحبها مبقاش زى زمان
3:لما يضغط بنزين يحس ان نسبة البنزين اللى بيدوسها فيها نسبه فقد كبير
-----------------------------------------------
العيوب اللى وجدتها بفضل الله اثناء الصيانه :-
طبعا بعد الفك والكشف تبين الاتى
1:مسمار ظبط الهواء بدون سوسته ضغط ومن قام بعمل صيانه قبل كدا فى الكربراتير قام باستبدال سوستة الضغط بخيط (اه والله خيط )
2:شداد الباب التانى بتاع الجرى اللى بيشتغل بالهوا كان مكسور ولما تم عمل صيانه قديمه ولقاه مكسور قام لازق الباب التانى للكربراتير بأمير وطفية سجاير وخلى العربيه شغاله باب واحد فقط وده السبب ان العربيه سحبها مبقاش زى الاول
3:البيك بتاع الباب الصغير تم تغيره لبيك اكبر بكتير علشان يعوض غياب الباب التانى اثناء الجرى وده كان السبب فى ان العربيه بتاكل بنزين كتير جدااااا بطريقه غريبه
4:وجود سدد ببعض الرشاشات الدقيقه بالكربراتير
---------------------------------------------
اصلاح العيوب :-
1:تم تنظيف الكربراتير كليا
2:تم تسليك الرشاشات الدقيقه بالكربراتير
3:تم تغير البيك الخاطىء لبيك ذو المقاس الاصلى
4:تم تغير القاعده بتاعت الكربراتير بقاعده اخرى بسبب ان القاعده القديمه ماكينة فتح الباب التانى بها مكسورة + لصق الباب التانى بأمير وطفية سجاير ومع محاولة اصلاحها تبين انه من الصعب اصلاحها ثانيا بسبب ثقل الباب الثانى لوجود بعض اثار لصق الامير وطفية السجاير فكان الافضل تغير القاعده كلها
5:تركيب مسمار وسوسته ضغط جديده بدل شغل العك القديم اللى كان معاه هيكون من الاستحاله ظبط هوا وبنزين للكربراتير
-----------------------------------------------
التجربه بعد العمل
1:العربيه الحمد لله عادت مره اخرى للعمل بكفائة مره اخرى
2:طلبت من السيد صاحب السيارة العوده مره اخرى بعد اسبوع حتى يتم الكشف على البوجيهات و التأكد من عمل التاكيهات جيدا او لا علشان لو التاكيهات مش مظبوطه مهما ظبطنا كربراتير هتفضل العربيه تاكل بنزين منه خصوصا ان العربيه بقالها فتره كبيره جدا مظبطتش تاكيهات وفى حاله ان التاكيهات وحشه هرشده لمتخصص ظبط تاكيهات علشان يظبط التاكيهات ليه

الصور
http://im54.gulfup.com/ftct14.jpg

http://im54.gulfup.com/l7nJyi.jpg

http://im54.gulfup.com/vQOXYC.jpg

http://im54.gulfup.com/SH9StI.jpg

http://im54.gulfup.com/V5RsWv.jpg

http://im54.gulfup.com/TQWRfo.jpg

http://im54.gulfup.com/48j9EQ.jpg

http://im54.gulfup.com/jmn1tl.jpg

http://im54.gulfup.com/kiW16I.jpg

اراء من تعاملوا معى من قبل

http://im88.gulfup.com/L2hLZQ.jpg

http://im88.gulfup.com/i5Pcr4.jpg

http://im88.gulfup.com/wQPDUH.jpg

م:سيد عصام
متخصص كربراتير اكسيل واكسنت و لانسر بطه متسوبيشى جالنت فقط لا غير
صيانه واصلاح ومتوفر قطع غيارهم
01007490168