ساعدوني فى مشكلة جوان وش السلندر جيب رانجلر
 

انا عربيتي جيب رانجلر و جابت وش سلندر حد يقولي تكلف كام و اعمل اية و الموضوع دا حصل معايا انهاردة فجأة ياريت حد يرد عليا علي طول

رد: ساعدوني يا جماعة ..
 

تكاليف واجراءات اصلاح تلف جوان وش السلندر ومشاكل السخونة

التكاليف :
مصنعية الميكانيكى
مصنعية الخراط ان لزم الامر
مصنعية غسيل الريداتير وتغيير المية
جركن زيت موتور
فلتر زيت
جركن مياة خضراء
الاجمالى من 1000 الى 3000 جنية حسب الميكانيكى او مركز الخدمة

الاجراءات اللى هتعملها
1- فك (حل) الموتور والكشف عن سبب السخونة
2- حل سبب السخونة وده على حسب هيطلع ايه ممكن يطلع مشكلة فى طرمبة المية ممكن مشكلة فى الريداتير مشكلة توصيلات محدش عارف الا بعد الفك ولازم لازم تعرف السبب فى السخونة اصلا ايه والا بعد ما هنصلح الجوان والوش ونقفل هتسخن تانى والجوان الجديد يبوظ ونعيد كله من الاول تانى فمتمشيش من عندة قبل ما تتاكد ان المشكلة اتحلت والعربية ممكن تفضل دايرة ساعات من غير ما تسخن
3- الكشف على وش السلندر والبلوك التاكد من عدم تضررهم من السخونة وطبعا لو الوش محتاج خراطة يتعمل .. البلوك لا قدر الله اتشرخ محتاج لحام يتعمل وهكذا
4- فى الاثناء ديه هتبقى عرفت المكنه فيها ايه وايه بالظبط قطع الغيار اللى محتاج تجيبها تقوم سايب الصنايعية شغالين وتروح تجيبلهم قطع الغيار والزيت وغيره من المطلوبات وترجع
5- التقفيل والاختبار للتاكد ان مفيش سخونة تانى والمكنة رجعت تشتغل تمام بعد الفك والتركيب