فرامل الماتركس
 

صبحكم معطر بالسكر

العربية ماتركس 2001. تركتها ولم اقم بقيادتها لمدة شهرين او ثلاثة. كان فى حد بيسخنها كل 10 ايام او اكثر... المهم لما جيت اشغلها واتحرك بيها بعد الفترة الطويلة دى بدون حركة وجدت دواسة الفرامل بتسقط لحد بطن العربية علشان اقدر اوقفها. الفرامل مش بتشتغل الا فى اخر مشوار الدواسة. حتى الوقوف مش بيكون قوى يعنى بتسحب شوية زيادة حتى تقف تماما.

دواسة الفرامل طرية قوى وسهلة فى الضغط.. قلت اغير زيت الفرامل يمكن مرطب. رحت 3 ميكانيكية قالوا لى لو مفيش تسريب فالزيت بتاع الفرامل مش بيتغير. لو غيرناه ممكن يؤثر على جلد الماستر بتاع الفرامل.. محدش رضى يغير.

المهم اتحركت بيها مرتين كمان ولاحظت ان الحال اتحسن الدواسة بقت عالية اكثر وبقت تقف كويس حتى ولو على سرعة. والدواسة مش بتنزل لحد بطن العربية. يعنى اتحسن الوضع لوحدة ولكن ليس كما كان من قبل يعنى الاول الفرامل كانت بتكون جامدة قوى والفرملة بتحصل من اول المشوار مش فى نص المشوار زى الان رغم انه احسن من يومين...

مستوى الزيت عند MAX ومفيش تسريب عن المساتر الفرعية على الاربع عجلات زى ما الميكانيكى قال. وتيل الفرامل كويس

هل حد ممكن يفسر السبب؟ وهل مجتاج صيانة ولا اسكت على كدة وخلاص؟