مشكلة فى فتيس الانسر لو حد عندة فكرة (عيب جديد لانج)
 

ان شاء الله هكتب ليكم عن مشكلة مع الان مطلعة عينى فى عربية لانسر 1600 موديل 2008 بومة اتوماتيك
المشكلة ان فى صوت نحر فى الفتيس وهو على D
مفيش اى صوت فى اى غيار تانى غير D

روحت ادور على حد فى مهنة صيانة الفتيس الاتوماتيك ولسة مرحتش التوكيل
الناس كلها محدش اجمع على سبب واحد للمشكلة دة

واحد قالى عيب كاتينة ودة عيب فى الفتيس 1600 وممكن تغير كتينة بس مش اكيد نجدها
وحد تانى قالى دة عيب بلى وعلشان اغيرة هاخد مبلغ 2000 جنية وهو ال هيجيب البلى
وواحد ثالث قالى هتسيب العربية 4 ايام وبعدين اقولك على العيب لان ممكن الصوت دة يكون اكثر من سبب
وغيرة وغيرة
المهم محدش فدنى واغلب ال رحتلهم اكتشفت الاتى
ان مهنة الفتيس الاتوماتيك مهنة اجتهادية ومهنة تجارب لان كل واحد مش بياكد العيب ولان كل واحد بينهى جملتة انة هيشتغل ونشوف يعنى فى النهاية ممكن ميطلعش العيب ال قالى وطبعا الزبون ال هو انا يكع
مهندسين فى التوكيل قالولى عيب صعب وريح نفسك وهات فتيس

وشكلى هعمل كدة لان فى النهاية ال يخلينى اصلح وادفع مبلغ كبير وبعد كدة مفيش شى اى حد بيضمنلى انة اكيد العيب بعد التصليح يخلى الفتيس سليم وارجع اشترى فتيس تانى
طيب يبقى الافضل انى اشترى علطول

السؤال اية رايكم وهل فى حد عندة فكرة وبزات فى الفتيس اليبانى للانسر ولا صيانة الفتيس الاتوماتيك للعربيات الانسر لا تزال تحت التجربة والمحاولات
ويصابت يخابت دة المبداء ال متبع

رد: مشكلة فى فتيس الانسر لو حد عندة فكرة (عيب جديد لانج)
 

نسيت اقول شى طبعا محدش يقولى شوف زيت الفتيس لان دة تم وكمان نزلتة كلة وحطيت زيت فتيس جديد شيل وحطيت 5 كيلو زيت جديد

رد: مشكلة فى فتيس الانسر لو حد عندة فكرة (عيب جديد لانج)
 

ولا تزعل نفسك خالص .....هاتلها يا عم فتيس الستيب ترونك بتاع 2010 استيراد , وغير شاشة العدادات كمان سنة ولا اتنين بموديل 2012 , ولو ربنا فتحها عليك حطلها جنوط ال2010 كمان وبكدا هتكون رقيت موديل العربية من غير ما تبيع ولا تشتري جديد

رد: مشكلة فى فتيس الانسر لو حد عندة فكرة (عيب جديد لانج)
 

متخصص فتيس اوتوماتيك فى واحد كويس بعد كوبرى السيده عائشه الشارع اللى جنب نادى او مركز شباب عين الصيره اسمه عصام فتيس
!!!روحله!فى الجهة المقابلة له بنزينة موبيل بعد نادى الابطال!
وانت جى من الهرم او الجيزة
فى اتجاه منطقة السيدة عائشة
هتبقى البنزينة على يمينك وهو على شمالك وابقى قول لنا عملت ايه !!؟؟؟؟؟؟؟؟؟
غير فلتر زيت الفتيس بواحد جديد !!!!
عموما خد الفلتر فى ايدك وانزل دور عليه فى التوفيقية او عند زكى بخيت
امام شركة ناسيتا للبطاريات اخر شارع عماد الدين من ناحية رمسيس وسط البلد !
:GROWIN~12::GROWIN~12::GR OWIN~12:!!!

رد: مشكلة فى فتيس الانسر لو حد عندة فكرة (عيب جديد لانج)
 

ربنا يوفقك للاصلح و ايقى قولنا عملت ايه انا اسمع ان الفتيس ده سعره غالى شويه هو cvt ولا عادى كان فيه عضو هنا كان عنده مشكله زى دى و لف و اتبهدل و اكتشف ان سير التقسيمه كان فيه تاخير سنتين و ظبطت معاه بعدها