مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   بيجو PEUGEOT (https://www.masrmotors.com/vb/forumdisplay.php?f=17)
-   -   الرأى والرأى الاخر فى بيجو 405 (https://www.masrmotors.com/vb/showthread.php?t=37051)

jas_x 16-10-2010 12:27 AM

الرأى والرأى الاخر فى بيجو 405
 
السلام عليكم ورحمة الله
احب امسى على اهل البيجو
انا مقبل ان شاء الله على شراء بيجو 405 وعايزكم اهل الخبره تقولولى ميزاتها وعيوبها، هى العربيه موديل 97، 1600، فابريكه بره وجوه، عداد 100 الف حاولوا تقولولى سعرها اشوف انا انضحك عليا ولا لا!!!
وشكرا جزيييلا....


mohamedkamel8677 16-10-2010 12:53 AM

رد: الرأى والرأى الاخر فى بيجو 405
 
ابعد عن الشر و غنيلة لو عاوز تركب بيجو اركب ٥٠٤ او ٥٠٥ غير كدة ابعد البيجو مفهوش مشكلة دة فية مشاكل و هقولك على اشهر عيوب الموديل دة بالذات هو الكبالن و البيجو عموما تصلح عيب يطلعلك عيب تانى و هكذا و عفشتها ناشفة من ورا اوى اوى تحس انك قاعد على المطب لكن العيب دة موجود فى كل موديلات بيجو القديم و الجديد حتى هذة اللحظة و مشهور عن بيجو و ستروين ان الزيرو بتاعهم اللى لسة فى المعرض انة كلة عيوب و خارج من المصنع بيطقطق و عشان محدش يقول ان فى بينى و بين الاسد الفرنسى حاجة هقولك على شهادة قالها واحد شغال فى سيرفس بيجو فى الدانمرك و هو مسئول الفحص و قطع الغيار بصفتة صديق ليا و اللة على ما اقول شهيد قالى بالحرف ان احنا دايما بنقول ( وكيل بيجو) ان الموديلات القديمة من بيجو افضل من الجديدة... لان جودتها صفر هما بيصنعوا شكل مش اكتر مع ان قاعدتها مريحة جدا يعنى تقدر تقول انهم اهتموا بالشكل على حساب الجودة و المتانة و عشان كدة هى ارخص عربية على مستوى الاوروبى

jas_x 16-10-2010 12:33 PM

رد: الرأى والرأى الاخر فى بيجو 405
 
اقتباس:

المشاركة الأصلية كتبت بواسطة mohamedkamel8677 (المشاركة 261868)
ابعد عن الشر و غنيلة لو عاوز تركب بيجو اركب ٥٠٤ او ٥٠٥ غير كدة ابعد البيجو مفهوش مشكلة دة فية مشاكل و هقولك على اشهر عيوب الموديل دة بالذات هو الكبالن و البيجو عموما تصلح عيب يطلعلك عيب تانى و هكذا و عفشتها ناشفة من ورا اوى اوى تحس انك قاعد على المطب لكن العيب دة موجود فى كل موديلات بيجو القديم و الجديد حتى هذة اللحظة و مشهور عن بيجو و ستروين ان الزيرو بتاعهم اللى لسة فى المعرض انة كلة عيوب و خارج من المصنع بيطقطق و عشان محدش يقول ان فى بينى و بين الاسد الفرنسى حاجة هقولك على شهادة قالها واحد شغال فى سيرفس بيجو فى الدانمرك و هو مسئول الفحص و قطع الغيار بصفتة صديق ليا و اللة على ما اقول شهيد قالى بالحرف ان احنا دايما بنقول ( وكيل بيجو) ان الموديلات القديمة من بيجو افضل من الجديدة... لان جودتها صفر هما بيصنعوا شكل مش اكتر مع ان قاعدتها مريحة جدا يعنى تقدر تقول انهم اهتموا بالشكل على حساب الجودة و المتانة و عشان كدة هى ارخص عربية على مستوى الاوروبى

شكرا للتفاعل والنصيحه، ومستنى باقى الاراء.....

mohamedadelemam 24-10-2010 03:09 PM

رد: الرأى والرأى الاخر فى بيجو 405
 
إيه الكلام دا...شكلكم بتتكلموا عن 128........بجد والله لا تعليق

agha_goo 24-10-2010 03:39 PM

رد: الرأى والرأى الاخر فى بيجو 405
 
السلام عليكم
انا امتلك 405 موديل 93 معدلة , الحقيقة و من غير كدب و عشان ما اتحسبسش علي انا بقوله العربية ده كانت المشكلة الوحيدة الللي فيها ان مش لاقي واحد محترم بيعرف يصلحها مع اني في الزقازيق موطن الميكانيكية.
مشكلة العربية انها كانت بتسخن و حليناها بعد كده بقت بتاكل زيت و عملنه عمرة و حليناها بعد كد التكييف و حليناه ......وهكذا
عاوز اقول ان في خلال السنتين اللي ركبت فيهم العربية ده غيرت تلات تربعها و لو سيبتوني سنة حغير الربع الفاضل و حد بقي يبقي يجي يشتريها و هي زيرو كده و زي الفل
بس للامانة لقيت ميكانيكي كويس جدا من اسبوع و من يومها و العربية زي الفل مع العلم ان كل حركة العربية ده سفر و بس


الساعة الآن 03:09 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017