مصر موتورز مجتمع السيارات - مين زار واحة سيوه؟

كيف عرفت واحه سيوه وزرتها أول مره؟
حدث ذلك منذعدة سنوات ماضيه اثناء دردشتى مع صديقى تاجر منتجات سيوه من زيت زيتون وبلح وخلافه والذى كنت معتاد على الشراء منه كلما ذهبت الى مطروح وأنا كل عام اذهب الى مرسى مطروح للتصييف واشترى من عبد الرحيم السيوى (شفاه الله) هذة المنتجات خصوصا زيت الزيتون البكر حيث اتناوله لتقليل نسبه الكوليسترول والدهون التى اعانى من ارتفاعها فاخذ منه كميه تكفينى طول العام فنشاْ ود بينى وبين محمد عبد الرحيم السيوى ابنه الذى لاحظت انه يتكلم هو والعاملين لديه لغه محليه خاصه بهم فسألته عنها وعرفت انها احدى تنويعات اللغه الامازيغيه والتى دخلت عليها بعض الالفاظ الاخرى العربيه وهى لغه غير مكتوبه اندثرت ابجديتها ويتحدثها السكان السيويون للحفاظ على هويتهم ولايعلمونها لاحد فقد حاول ابنى عمر ان يعرف معانى بعض الكلمات فابتسموا ابتسامه عريضه ولم يعقبوا واعتبرت ذلك رفض بلباقه .
المهم اثناء الحديث اخبرته عن الانزلاق الغضروفى والرطوبه التى اعانى منهما لانى اعيش فى مدينة الاسكندريه الساحليه_فقال لى بسيطه علاجك عندى قلت الحقنى بيه فقال حمامات الرمال الساخنه بواحة سيوه..وماهى هذه الحمامات ..
فبدأ بالشرح..واحة سيوه عباره عن منخفض تحت مستوى سطح البحر ب16 متر ممايجعل نسبة الرطوبه فيها منخفضه للغايه وجوها جاف جدأ خصوصاً فى الصيف وقد اعتاد اهالى الواحه شهر يوليوواغسطس من كل عام ان يردموا انفسهم فى هذه الرمال بأسلوب ونظام تعلموه وتوارثوه من اجدادهم .طيب وانا مالى ياعم محمد؟وايه علاقة ده بمشكلتى؟ قالى استنى بس هل تعلم ان الالمان والايطاليين وجنسيات أخرى تأتى من دول العالم لعمل هذه الحمامات والدفن فى الرمال الساخنه؟طيب وايه تأثيرها؟
شوف اولاً تطرد الرطوبه الزائده من الجسم وتنظم ضغط الدم وتعالج أمراض الروماتيزم والروماتويد وخشونة المفاصل والانزلاق الغضروفى وتساعد على تخسيس الجسم .هنا بدأت اهتم واركز معاه -طيب هل هذه الطريقه مجربه؟
قالى احناكل عام بنعمل هذة الحمامات بصفه منتظمه -لكن اللى شهر الموضوع ده كعلاج للروماتيزم والروماتويد الالمان والاجانب لما جت حالات مستعصيه وشفيت بهذه الطريقه شفاء تام وبعد ماكانت علاج محلى اصبح ليها مراكز استشفاء فى سيوه ويأتى كثير من المصريين والاجانب كل عام للعلاج.طيب لما احب اروح هناك اروح ازاى وعند مين ؟ سهله انت أنوى وسيب البااقى على الله وأنا ارتب لك كل حاجه.
طيب ازاى حاروح هناك ؟ اتوبيس غرب الدلتا له مواعيد منتظمه كل يوم وأوفرلك جراج لعربيتك حتى تعودوممكن تروح بعربيتك لوحبيت-يعنى الطريق كويس قال امان.
تركته وأنا أفكر فيما قال كنت أعانى من الام العمود الفقرى ولاأستطيع الجلوس طويلاً على المكتب والدكتور اخبرنى ان حالتى ان تقدمت عن ذلك فلا مفر من عمليه.
لكن كيف اسافر هذه المسافه فى طريق لم اطرقه من قبل ومعى اسرتى وأولادى؟
واناعائد الى الشقه المفروشه التى كنت استأجرها بمطروح مريت على ميكانيكى كنت أعرفه هناك .
السلام عليكم ازيك ياعم محمد؟الحمد لله خير عندك مشكله فى العربيه؟ مش بالضبط عايزك تكشفلى عليها وتغير طٌقم كهرباء؟بعد الكشف على العربيه قالى بس هيا مش محتاجه!! قلت له بص بقه العربيه دى تنفع اروح بيها سيوه؟قاللى ليه بتقول كده عربيتك زى الفل وأقل منها بكتيير تنفع تروح.(للعلم العربيه لادا/مو2004)وبعدين انا من سيوه انت عايزتروح هناك ليه ؟حكيت له القصه قال لى اتوكل على الله ولن تندم ولوعايزاى حاجه هناك انا تحت أمرك وده تليفونى لواحتجت شىء فى الطريق.كده بقه العمليه كملت ده كلهم متفقين عليا ولا ايه....
يتبع