ما هي السيارات السبعه راكب في مصر
 

السلام عليكم
انا عضو جديد جدا
وعايش بره مصر
وصراحه اريد اشتري سياره سبعه راكب جديده حينما اعود لمصر قريبا جدا
انا هشتري سياره جديده من الوكاله
ولكن السؤال ما هي السيارات الموجوده في مصر ذات السعه سبعه راكب؟ وان كان ممكن سعر تقزيبي لكل سياره يكون رائع؟؟

ودمتم بخير

رد: ما هي السيارات السبعه راكب في مصر
 

وعليكم السلام و رحمه الله وبركاته
واهلا بيك معانا في مصر موتورز
هو الافضل حضرتك تحدد رينج السعر او الفئه الي حضرتك بتدور عليها
لكن عموما العربيات السبعه راكب المتواجده في مصر مش كتير
منهم
تويوتا افانزا (متوسط سعر 100 الف )
رينو لوجان ( 100 الف )
سيتروين بيكاسو ( 300 الف تقريبا )
دايهاتسو تيريوس ( 150 الف )
لاندكروزر و برادو (مليون وطالع)

واعتقد في صيني لاندروك في رينج ال 150

وفي الكيا كارينز بس المتواجده في مصر من التوكيل 5 راكب

دول اللي على بالي حاليا والباقي مش كتير او مش منتشرين في مصر

رد: ما هي السيارات السبعه راكب في مصر
 

شكرا اخي الكريم
تقريبا متوسط السعر نصف مليون جنيه
انا عندي سياره من تويوتا اسمها فيرسو ٧ راكب بس دي مابتنزلشس مصر
طبعا البرادوا ممتازه ولكنها غاليه شويه

بس لو فيه اي سيارات قريبه من نصف مليون جنيه
ودمتم بخير

رد: ما هي السيارات السبعه راكب في مصر
 

الفيرسو فعلا مش متواجده في مصر خالص ..
اللي ساعات بشوفها على استحياء شديد البريفيا
نفسي اقولك تنزل بالعربيه بس مش مضمونه الصيانه وقطع الغيار خصوصا انها موديل جديد

الرينج ده ممكن تفكر في كيا سورنتو ...
وفي شيفروليه كابتيفا في رينج ال 300 الف ..هي لسه جديده بس ابتدت تنتشر و عليها اقبال نسبيا
ودول فئه SUV

اما لو عايز MPV في السيتروين Citroen c4 grand picasso

ولو افتكرت حاجه تانيه حقولك عليها
واسف على التأخير في الرد

رد: ما هي السيارات السبعه راكب في مصر
 

العربية دي اتحجزت الدفعه الاولى كاملة

وده تقرير عنها

تقرير كامل مفصل عن شيفروليه كابتيفيا من الاف للياء وجميع الفئات