|
استطلاع بخصوص فرش ارضية السياره
السلام عليكم لي سؤال عن فرش ارضية وشنطة السياره لكل الأعضاء الأعزاء هل فرش ارضية وشنطة السياره بفرش جلد مفيد ام لا ؟؟؟ ولو الأجابه بنعم فلماذا؟؟؟ ولو الأجابه بلا فأيضا لماذا؟؟؟ ياريت الكل يفيدني لأني محتار مش عارف اعملها ولا لأ والله المستعان |
رد: استطلاع بخصوص فرش ارضية السياره
والله انا فكرت فى الموضوع ده كتير بس طلعت بحاجة
هو طبعا اللى بيعمله بيبقى علشان يحمى الكراسى والارضية من السوائل واى شئ ممكن يبهدل الفرش بس السؤال بقى هنا امتى يتعمل ؟ انا شايفة الناس اول ما تستلم العربية تجرى تعمله ولا بتتهنى بفرش العربية ولا اى شئ وفى الآخر تبيع بعد زمن وهكذا طيب ما نتهنى الاول بالعربية زى ما جت وبعدين لما نلاقى الفرش بدأ فى الاستهلاك نروح نغطيه بس نبقى اتهنينا بيه ولا ايه رأيكم ؟؟ عموما انا مش هعمله بصراحة خالص خالص الا لما احس ان العربية اتبهدلت وان شاء الله ده مش هيحصل طالما محافظة عليها واصلا كده كده لما بتوديها مغسلة بيروقوها من جوه وبره وبتبقى بتلمع انا شايفة انه مش ضرورى وخصوصا فى الفترة الاولى من الشراء والله اعلم |
رد: استطلاع بخصوص فرش ارضية السياره
ضروري جدا عشان فرش الارضيه بيبقي موكيت ولو وقع عليه اي حاجه بيبقع وبيتبهدل وخاصه اننا داخلين علي موسم شتاء ومياه وطين وفايده فرش الجلد للارضيه انه بيحافظ علي الفرش الفبريقه وسهوله تنضيفه وخاصه لو عندك الفرش الداخلي فاتح زي البيج مثلا بيبان فيه الاوساخ والبقع اما فرش الشنطه فهي بتبقي حوالي متر جلد بياخد مقاس الموكيته اللي في شنطه وبيقطع علي مقاسها بالظبط وبيحطها فوق الموكيته اللي في شنطه عشان لو هتحط في الشنطه اي حاجه زفره او حاجه بتلم تراب او اوساخ برضه يبقي سهله التنضيف ويحافظلك علي الشنطه فانا عشان كل اللي فات انا شايفه ضروري جدا وعملي جدا علي الموكيت اللي بيجي مع العربيه اهم حاجه تختار الخامه النضيفه والصنيعي الماهر والله الموفق
|
رد: استطلاع بخصوص فرش ارضية السياره
اه نسيت اقول برده ان الدواسات بتحمى كتير برده لانها بتغطى الارضية
|
رد: استطلاع بخصوص فرش ارضية السياره
انا عن نفسي مبحبش اللي بيركب فرش جلد في كل الارضية
ممكن شنطة العربية فقط لكن ارضية العربية اخرها دوسات بس بصراحة وده رأي شخصي بحس ان اللي بيعمل كده في عربية ملاكي بيخليها زي التاكسي مع كل احترامي للتاكسيات 444546 |
| الساعة الآن 11:18 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017