مصر موتورز مجتمع السيارات

من احلى العربيات اللى تركبها لو سنك من 18 لحد 35 سنة (انا طبعا بتكلم عن الإستعمال والقيادة وليس عن المشاكل والعمر الإفتراضى والصيانى لأن تجربتى معاها انحصرت فى تجربة قيادة)

أول إنطباع ان الصاج الخارجى قوى الى حد بعيد جدا

أول ما تفتح الباب لازم تنبهر بشدة من التصميم الثورى لصالون السيارة، الفرش الداخلى شبابى جدا، التابلوه ثورى، اللعب بلون النيكل مع الإسود اكثر من رأئع

المحرك صوته عالى بدرجة ملحوظة لكنه علو ينتمى الى نوعية الزئير وليس الانين
يعنى برغم ان صوته عالى أوى لكن تحب تسمعه

العربية سحبها ممتاز وإن كان طبعا مصحوب بزئير المحرك الذى يستمتع به طبعا الشباب من محبى السرعة

حركات عصا نقل السرعة غريبة شوية ، مسافاتها ضيقة ولازم تكون متعود عيها، بس العصا نفسها مريحة جدا ومسكتها ممتازة

مدى دوران طارة الديريكسيون أقل من السيارات الاخرى(على ما أذكر كان لفة ونص فى كل ناحية فقط) والباور بتاعها تقيل شوية عامل زى باورالنيسان صنى، مش خفيف زى الكورولا مثلا

ثبات العربية على الأرض حدث ولا حرج، اصحاب العربية كانوا مصرين انى احرق عليها واخد لفة على السريع وانا عملت كدة بس بصراحة كنت بلف لفة ضيقة جدا على سرعه 80 تقريبا وحسيت كأن السيارة ماشية على سرعه 20 كم ساعة

شنطة العربية كذلك واسعة جدا لا تقل عن 400 لتر وغالبا أكتر برغم ما يوحى به الشكل الخارجى الخادع للسيارة

انا بصراحة شايفها(من وجهة نظر الأداء- حل مناسب وممتاز لمن يبحث عن سيارة شبابية بتصميم ثورى ولا يستطيع تحمل تكلفة سيارة ألمانية قد تصل الى ضعف ثمن الجين 2 و لكن يبقى السؤال عن مدى قوه تحمل السياره و عمرها الأفتراضى و قوه الأساسيات مثل العفشه و المساعدين و الكبالن و ما الى ذلك من قطع الغيار و ايضا لابد من النظر الى سعر اعاده البيع المنخفض .