|
اجزاء السيارة بالصور .. (الجزء الثانى : الفتيس المانيوال والاتوماتيك) .. حصريا من حسام البورسعيدى ...
الــســــــلام عـــلـــيـــكــــم ورحــــمــــة الــــــلــــــــه وبــــركــــــــــاتـــــ ـــه بعد ما طرحنا لكم فى الجزء الاول الشرح المفصل بالصور لموتور السيارة بانواعة المختلفة ومكوناته المختلفة ... رابط الجزء الاول : النهاردة جايب لكم الجزء التانى عن : جهاز نقل الحركة (الفتيس) بانواعة مع شرح فكرة عمله بالصور .... هل فكرت يوما ايه هى العصا اللى بيحركها السائق بايده اثناء قيادته السيارة وايه وظيفتها ... وايه فايده دواسة الدبرياج (الكلاتش) .... وايه الفرق بين الفتيس المانيوال والفتيس الاتوماتيك وفكره كل منهما .... وازاى العربية بترجع للخلف ... كل ده واكتر هتلاقوه فى الموضوع ده باذن الله واتمنى ان يحوز على اعجابكم ..... اولا : جهاز نقل الحركة المانيوال (اليدوى) : http://store2.up-00.com/Jul10/mZP94969.jpg يتكون من جزئين رئيسيين : 1- الفتيس 2-طقم الدبرياج (الكلتش) صورة لارتباط المحرك بمجموعة نقل الحركة ... http://store2.up-00.com/Jul10/s9m93729.gif الجزء الاصفر هو طقم الدبرياج والجزء الاحمر هو الفتيس اما الجزء الاخضر هو عامود (الكردان) الذى ينقل الحركة الى العجلات فى حالة سيارات الدفع الخلفى وسيتم توضيح انظمة الجر لاحقا .. فكرة عمل الفتيس : يحتوى الفتيس غالبا على 5 سرعات (غيارات) امامية + سرعة خلفية (الريفيرس) .. ممكن تكون 4 نقلات اماميه فى بعض السيارات القديمة .. وممكن 6 نقلات نادرا فى السيارات الحديثة التروس ذات اللون الاحمر تاتى حركتها من الموتور وهى تروس (قائدة) التروس ذات اللون الازرق هى تروس النقلات الاول والثانى وهى تروس (مقادة) الترس البنفسجى (الغويشة) هو اللى مرتبط بالعجلات عن طريق العمود الاصفر .. عندما ندفع عصا الفتيس الى الغيار الاول .. يعشق ترس (الغويشة) فى الترس رقم 1 حتى تنطلق السيارة من الثبات وعندما نرجعها الى الخلف نعشق الغيار الثانى وهكذا .. طيب ليه احنا لازم نطلع على الاول مش مثلا على الرابع او الخامس ؟؟ لأننا فى حاجة الى دفع قوي في بداية حركة العربيه فبنحمل على ترس رقم 1 لانه كبير ومعنى ده انه بياخذ لفات قليلة .. يعنى كل ما الترس يصغر سرعة العربية تزيد لكن عزمها يقل ... علشان كدة لازم نختار الغيار المناسب لسرعة العربية .. الغيار الاول : من 0 الى 25 كم/س الغيار الثانى : من 25 الى 40 كم/س الغيار الثالث : من 40الى 60 كم/س الغيار الرابع : من 60 الى 85 كم/س الغيار الخامس : اكثر من 85 كم/س تختلف هذة السرعات حسب نوع او حمولة العربية .. السؤال الاهم ازاى العربية بترجع للخلف ؟؟ العربية بترجع للخلف عن طريق ترس صغير (idler gear) وظيفته عكس حركة ترس الريفيرس علشان نقدر نرجع بالعربية ورا .. صورة توضح عمل ترس (idler gear) ... http://up6.up-images.com/up//uploads...6ff7615f9b.gif وظيفته : يفصل حركة الموتور عن الفتيس وبالتالى عن العجلات وذلك عند الضغط على دواسة الدبرياج حتى نتمكن من تغيير التروس ... وبكده نكون شرحنا طريقة عمل ومكونات جهاز نقل الحركة المانيوال ..... ثانيا : جهاز نقل الحركة الاتوماتيك .... http://store2.up-00.com/Jul10/yqO01307.jpg مكوناته معقدة جدا بالمقارنة بالمانيوال ويتم الاستغناء عن النقلات الميكانيكية بنقلات هيدروليكية (ضغط الزيت) .. وبصراحة معلوماتى عنه ضعيفة شوية ودة لانه معقد جدا ومش مفهوم ... وفكرتة ان النقلات بتتغير فيه اتوماتيكيا عن طريق حساس (سينسور) بيقيس : سرعة العربية و عدد لفات الموتور (rpm) وعلى اساسة بيعشق الغيار المناسب دون تدخل السائق .... والعربية اللى فيها فتيس اتوماتيك مش بيكون فيها دواسة دبرياج لان فيه حاجة اسمها محول العزم بيعمل عمل الدبرياج اتوماتيكيا عن طريق ضغط الزيت (الهيدروليك) .. و المنظومة دى معقدة جدا للاسف علشان كدة مش اى ميكانيكى يصلح فتيس اتوماتيك ... يكون نقل السرعات فيه عن طريق تروس صغيرة تسمى التروس الكوكبية وايضا تروس شمسية وتروس حلقية .. صورة لتوضيح تروس الفتيس الاتوماتيك ... http://store2.up-00.com/Jun10/QY202905.png شرح عمل السرعات المختلفة للفتيس : السرعة الاولى ( الغيار الاول ) .. اولا (كما بالصورة) يدور الترس الشمسي الاصغر باللون الاخضر عن طريق محول العزم , حامل التروس ( اللون الاحمر ) يحاول الدوران بشكل عكسي لكن ذلك لا يتم بسبب الية تمنعه من ذلك وهي الية one-way clutch , بسبب ذلك يتم اجبار الترس الحلقي ( اللون الازرق ) على الدوران ويصبح الترس المقاد الذي يعطي نقل الحركة النهائي ( output ) . الان بخصوص اتجاه الدوران قد يبدو انه عكسي لكن ذلك غير صحيح , حيث ان مجموعة التروس الداخلية تقوم بتدوير التروس الخارجية والتروس الخارجية تقوم بتدوير الترس الحلقي بنفس اتجاه الترس الشمسي وبالتالي نحصل على اعلى عزم ممكن ( نسبة التخفيض 2.4:1 ) صورة للتوضيح : http://store2.up-00.com/Jun10/MB002905.png السرعة الثانية ( الغيار الثاني ) .. كما السرعة الاولى يكون القائد هو الترس الشمسي الاصغر ولكن في هذه المره يكون الترس الحلقي مثبت عن طريق قطعة ( رباط , band ) تضغط عليه فتوقفه ويتحرك حامل التروس على انه الترس المقاد والذي ينقل الحركة النهائية ونحصل على عزم اقل من الغيار الاول ( نسبة التخفيض 1.47:1 ) السرعة المباشرة ( غالبا الغيار الثالث ) في هذه الحالة تدور التروس كوحدة واحدة وتكون نسبة الخفيض ( 1:1 ) والتروس الكوكبية لا تدور لان الترس الحلقي يدورها مع عقارب الساعة والترس الشمسي عكس عقارب الساعة . استخدام Overdrive : overdrive هو مفهوم يقصد به ان سرعة دوران المقاد اكبر من القائد . في هذه الحالة يتصل عمود من حامل التروس مع محول العزم مباشرة ويأخذ منه السرعة ( في الحقيقة هي سرعة الفلايويل وبالاحرى سرعة المحرك نفسه ) . الترس الشمسي الاصغر يكون حر الحركة ( اي غير متصل مع توربين محول العزم ) والترس الشمسي الاكير يكون مقيد الحركة . في هذه الحالة القائد هو حامل التروس والمقاد هو الترس الحلقي ونسبة التخفيض 0.67:1 مثلا عند دوران المحرك 2000 دورة , يكون سرعة دوران وحدة النقل 3000 دورة وهذه الخاصية لا تجهد المحرك اطلاقة وتوفر سرعة عالية باستهلاك قليل للوقود . السرعة الخلفية ( ريفيرس Reverse ) هنا يكون الترس الشمسي الاصغر حر الحركة والترس الشمسي الاكبر متصل مع توربين محول العزم وحامل التروس مثبت والترس الحلقي هو المقاد ونسبة التخفيض 2.0:1 وضع N (المور) : في هذه الحالة لا يتم تثبيت اي ترس ولا يوجد اي جزء متصل مع محول العزم ده كان شرح مبسط للفتيس الاتوماتيك لانه معقد جدا وصعب شرحه .... وبكدة نكون شرحنا طريقة عمل اجهزة نقل الحركة يا رب يكون عجبكم وحاز على رضاكم وتكونوا استفدتم منه .... اى استفسار انا جاهز ...و مستنى ارائكم وردودكم الجميلة ..... وانتظروا الجزء الثالث عن انظمة الجر المختلفة ..... |
رد: اجزاء السيارة بالصور .. (الجزء الثانى : الفتيس المانيوال والاتوماتيك) .. حصريا من حسام البورسعيدى ...
تسلم ايدك موضوع رائع
|
رد: اجزاء السيارة بالصور .. (الجزء الثانى : الفتيس المانيوال والاتوماتيك) .. حصريا من حسام البورسعيدى ...
الله عليك يا عم حسام والله بجد انتا استاذ انا حاسس فعلا اني اخيرا فهمت يعني ايه فتيس
بقولك يا جميل انا عندي في الفيرنا لما بكون واقف في اشارة مرور الاقي مره واحده صوت الماتور يعلي والار بي ام يعلي علي 1.5 المفروض الطبيعي بتاعه بيكون علي 0.750 وشوية الاقي الماتور هدي والار بي ام ينزل وشوية تاني الاقي الماتور صوته يعلي والاربي ام يعلي تاني علي 1.5 انا مش عارف ايه النظام في ناس بتقولي كدا الفتيس جاب اسطوانه وديسك هل الكلام ده صحيح مع اني لما روحت الصيانة اللي فاتت وقولتلهم نظفوا البوابات بتاعت الماتور والعربية بطلت تعمل كدا ودلوقتي رجعت تاني مش عارف المشكلة في ايه بالظبط |
رد: اجزاء السيارة بالصور .. (الجزء الثانى : الفتيس المانيوال والاتوماتيك) .. حصريا من حسام البورسعيدى ...
اقتباس:
اقتباس:
اشكرك على الرد واتمنى ان الموضوع يكون عجبك واستمخيت منه .. هههههههههههههههه بالنسبة بقى لمشكلة عدم ثبات الـ RPM فده يا باشا سببه حاجة من اتنين .. ممكن يكون المشكلة من حساس الايدل IDLE وده يا باشا حساس وظيفته انه بيتحكم فى الـ RPM بتاع الموتور ولما يكون الموتور بارد بيعلى الـ RPM فوق الواحد بشويه علشان الموتور ميطفيش وهو بارد وعلشان يسخن بسرعة .. وطبعا لما بيبوظ الحساس ده الـ RPM بيخرف معاك فغالبا المشكلة من الحساس ده .. الاحتمال التانى وده ضعيف شويه ان يكون فيه مشكلة فى طرمبه البنزين (الرداخ) او فلتر البنزين .. لكن ده احتمال ضعيف شويه لان العربية ساعات بتظبط معاك .. شوف يا باشا .. لو مش هتصلح فى التوكيل روح لميكانيكى يكون شاطر وبيشتغل فى عربيات حديثة وخلى بالك متخليش اى حد يلعب لك فى مجموعة الانجيكشن لان الضربة فيها بفوره على طول .. وتحياتى ليك يا حبيب قلبى والله انتا عسل ونورت الموضوع يا غالى ... ومتنساش تطمنى عملت ايه ... |
رد: اجزاء السيارة بالصور .. (الجزء الثانى : الفتيس المانيوال والاتوماتيك) .. حصريا من حسام البورسعيدى ...
اقتباس:
والله يا عم حسام انا استمخيت علي الاخر هههههههههههههههههههههه ربنا يباركلنا فيك يا زعيم والله من احلي المواضيع اللي بقراها في المنتدي مواضيعك الجميلة المفيدة دية بس يا زعيمنا هو في الصيانة الاخيرة من 3 شهور غيرت فلتر البنزين والمهندس هناك شال تقريبا حساس الايدال ونظفة كويس بالفوم وبعدين المشكلة اختفت ومظهرتش معايا الا من اسبوع فات فهل كدا يعتبر عيب فيه ويتغير في التوكيل ولا ايه العربية لسه في الضمان مش ده يعتبر عيب صناعه بردك العربية بقيت بحس انها بتاكل بنزين اكتر من الاول وده اللي مجنني اكتر انا عارف اني واكل دماغك بس هتعمل ايه نصيبك كدا ههههههههههههههههههه حبيبي والله يا عم حسام وان شاء الله في اول زيارة لبورسعيد لازم اشوف حضرتك واتعرف علي الشخصية الجميلة ديه لان فرع الشركة الرئيسي بتاعنا في بورسعيد |
| الساعة الآن 03:25 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017