إستفسار عن سعر موبينة الأكسنت 2006
 

السلام عليكم ورحمة الله وبركاته

كـنت عاوز استفسر عن سعر موبينة الأكسنت 2006 الشكل الجديد 1600cc
عندى الـ 4 موبينات إتحرقوا عشان جه عليهم مية بسبب واحد الله يسامحه غسل الموتور بالميّة ..
فا كُنت عاوز أسأل عن سعرهم جديد ومستورد ؟
وياترى أنهى أحسن

رد: إستفسار عن سعر موبينة الأكسنت 2006
 

اخر مره جبتها كانت تقريبا من سنة وب 280 جنية هو الراجل قالى اصلي بس طبعا معرفش اصلى ولا لا بس الحقيقة اظن انها مش اصلي

الاصلي اظن اعلى من 300 جنية للواحدة

بس مش غريبة ان 4 يبوظو مره واحدة ؟؟ ياريت تتأكد من الموضوع دة

رد: إستفسار عن سعر موبينة الأكسنت 2006
 

انا متشكر جداً لرد حضرتك, هو المشكلة إنى بتعامل مع ميكانيكى معرفة ومسلمله كُل حاجه .. هو قالى إنه سأل وقالوله فيه نوع بـ 250 ونوع بـ 400, الإتنين إستيراد طبعاً مبيبقاش صينى, هل الإستيراد أحسن ولا أسأل عن الجديد فـ أي فرع من موزعين هيونداى ؟
والمشكلة كمان حضرتك إن واحد ربنا يسامحه زى ما قولت غسل موتور العربية والميّة دخلت جوه الموتور وجوه الموبينة وانا على قدى يعنى فـى الميكانيكا فـآ مش عـآرف لو دى حاجه مش ممكن تحصل يعنى ياريت تقولى عشان أحاول ادور العربية بأى شكل واطلع بيها على ميكانيكى تانى يكشفلى عليها

رد: إستفسار عن سعر موبينة الأكسنت 2006
 

طيب يا باشا عموما لو عاوز تعرف الموبينه دي اصلى اصلى ولا لا هات الموبينه القديمه هتلاقى وشها من فوق مكتوب علية كلام كدة وشكله حلو يعنى قارن بينه وبين الى خارج من العربية
اما التقليد هتلاقية من فوق سادة ومفيش اى كلام علية

هو يا باشا العربية بتاعت حضرتك بيكون فى غطا فوق الموبينه ازاى هيدخل ميه

انا مش مقتنع ان 4 موبينه يبوظو مره واحدة

عموما انا كمان يا باشا مش خبير ومستني رأي الناس الجامدة الى هنا فى الحوار دة

رد: إستفسار عن سعر موبينة الأكسنت 2006
 

صحيح ربنا يعوض عليك يا باشا انت بتتكلم فى حوار 1000 او 1600 ربنا معاك خبطة جامدة الصراحة

اهم حاجة كمان ان حضرتك تاخد ضمان من البائع على الموبينه دي لان فى اوقات بيكون فى موبينه خرجها ضعيف ودي بتعمل رعشة خفيفة فى المكنه