اللانسر البومة 1600 ولا النيسان التيدا؟
 

معلش يا جماعة هتعبكم معايا كنت عاوز اعمل مقارنة بين اللنسر البومة 1600 ولا النيسان التيدا مين احسن فيهم من ناحية الاداء والمطور والعفشة وقطع غيارها وقوة ساجها ... الخ مع العلم انا لما هشتري هشتري مستعمل مش جديد.

رد: اللانسر البومة 1600 ولا النيسان التيدا؟
 

مميزات و عيوب اللانسر
عربيه منتشره انتشار رهيب فمفيش تميز لاي حد بيركبها و لكن العربيه اسعار قطع غيارها معقوله و متوافره عند البقالين هههههههههه و طبعا صيانتها سهله بره التوكيل

مميزات و عيوب التيدا
سواء الهاتش باك او السيدن العربيه مش منتشره فسعر اعاده البيع بتاعها مش كويس و طبعا قطع غيارها مش متوافره جوه او بره التوكيل و غاليه جدا و الصيانه صعبه جدا بره التوكيل و الحسنه الوحيده في العربيه دي انها ياباني و صاجها ناشف ( مش اوي يعني ) و اداها طبعا ممتاز و لكن شكلها مش حلو في نظر معظم الناس

فطبعا انا برشح اللانسر و متنساش صلاه الاستخاره

رد: اللانسر البومة 1600 ولا النيسان التيدا؟
 

ماشي الف شكر يا مان بس كان معروض عليا تيدا ب 86 الف جنيه كدة وممكن اكسر فيها واجبها ب82 مثلا مستعملة فول ابشن عاملة 60 الف كيلو اصرف نظر عنها؟
وهي بردو نفس مشكلة المازدا والبيجو قطع الغيار الغالية والصيانة؟؟

رد: اللانسر البومة 1600 ولا النيسان التيدا؟
 

عموما العربيات اللي مش منتشره بتخسر في لما تيجي تبيعها و بتكون قطع غيارها مش موجوده خااااااااااالص بره التويكل و بتكون نادره جوه التوكيل و غاليه اوي و طبعا الصيانه بتكون صعبه بره التويكل للعربيات دي

فخليك في اللانسر لو حالتها نضيفه

رد: اللانسر البومة 1600 ولا النيسان التيدا؟
 

بس ياباشا
انا معايا لانسر بومه 2006 وجوز اختى معاه تيدا 2008 طبعا فى فرق جامد بين العربتين عن تجربه فى الجرى والسحب التيدا تتفوق بمراحل وفى التكييف التيدا تكيفها كباقى النيسان تلاجه وعربيه عاليه عن الارض اعلى من لانسر والتقفيل الداخلى ممتاز وماشاء الله عربيه ناعمه جدا وكصيانه هى عربيه يابانى مش معقدة فى الصيانه لاهى ستريون ولا فولكس ,,فى الامان طبعا التيدا تتفوق ومتقدمه اكتر وفيه تقرير فى المنتدى هنا عن التيدا ووسائل الامان غير الايرباج يعنى مثلا لا قدر الله فى الصدمات الدريكسيون بيدخل للداخل ومساند الراس بتتحرك غير اصلا ان الانسر البومه من جوه حاسس انى سايق عربيه قديمه لانها بالشكل ده جوه كاتابلوه وصالون من 2001 من شكل المكوه لحد دلوقتى ,, وربنا ييسر لك الخير بس كعربيه التيدا تكسب ومش تقارن انتشار التيدا بانتشار البومه لان التيدا جديده فى السوق بس ماشيه بخطى ثابته وفى طريقها للانتشار بعكس البومه ولانسر الى مكتسحه من زمان بس بجد انا معايا بومه وحاسس انى سايق عربيه قديمه يعنى عاوز اقولك ان كان معايا مازدا 323 موديل 2002 مش حاسس بفرق جامد بينها وبين البومه من جوه كصالون كل الفرق فى الايرباج بس وكمان كراسى التيدا بتترفع جامد عكس البومه عربيه واطيه والكراسى كمان واطيه ,,,ربنا ييسر لك الخير