|
الى ظالمي بروتون جين تو شهادتي
السلام عليكم امتلكت قريبا سيارة جين تو 2015 جديدة ركبت السيارات التالية قبل ذلك هونداي اكسنت 99 ..في سنة 99 واستمرت معي لمدة 6 سنوات حتى 2005 تقريبا وبعدها هونداسيفك مانيوال 93 مستعملة وكانت تقريبا زيرو ... متسوبيشي 2007 زيرو وبعدها هوندا سيفك 2009 وبعدها اسكودا اوكتافيا ايه فايف 2006 مستعملة وبعدها مال الحال واشتريت امجراند 2013 تقريبا وبعتها قريبا واستقريت على الجين تو بعد ان لغيت حجز رينو ستيب وي لطول الحجز .. والان الجين تو معي لها شهر تقريبا ويوم الاحد ان شاء الله اذهب لعمل صيانة الالف الاولى ... تجربة مبدئية .. وكنت لا اود ان اكتب لولا رؤيتي لكثير من الانتقادات الحادة لهذه السيارة وكأنها مراة ابونا !! السيارة اقارنها بالهوندا سيفك ال 2009 مع امتيازها عنها بالارتفاع عن الطريق وعدم الخوف من المطبات الصناعية والتي هي اساس شوارعنا !! والصاج الامتن والاكصدامات الافضل منها ايضا فالسيفك لطشه بسيطة فرتكت الاكصدام الامامي وكانه ورق مع السيفك اشهد بكفائة الجين تو واريحيتها في الركوب وتسارعها وثباتها الذي لم اشهده في سيارة امتلكتها من قبل في الملفات على سرعات ال 120 تلف وكأنها تلف على محور داخلي ولا تخشى الانقلاب بتاتا وكانها تشجع على السرعة حتى في الملفات بها عدد 2 اير باج للسائق والراكب الامامي فراملها رائعة جدا وقد قرات الكثير ممن يشتكون منها فهي تعطيك مجال للتهدئة بسهولة وطغتها عالية للتهدئة وان اردت خشية الحادث فحتما لا اراديا ستضغط ضغطة جامدة مرة واحدة حتى تجيب اخرها للتشبث بالارض .. تقفيلها اراه رائع جدا ومكونات ممتازة وقد قرات غير ذلك حتى رايت بنفسي جودة اقدرها بالجيدة جدا وخاصة بمقابل السعر ال 119 الف فلن تطلب جلد طبيعي لقاء ذلك الفرش الداخلي قطيفة مخملية بلونين رائعة كراسي طيارة مريحة جدا تتحكم فيها بسهولة بالارتفاع والامام والخلف طابلون رائع واضائته حمراء اللون جميلة الكاسيت كنت لا افضله المدمج بالتابلون لكن في موديل 2015 غيروه لشكل رائع به سي دي ام بي ثري ومدخل موبايل ومدخل يو اس بي اداؤه رائع جدا تيل الفرامل راكب بوش الماني كاوتش جود يير تقفيل ماليزي كله يختلف اختلاف جذري عن تقفيل مصر ولا يقارن الا بالتقفيل الكوري والياباني ولا تقل عن مثيلاتها في السيارات الاوربية بل افضل من الرينو التي تقفل في المغرب ورومانيا مش عارف ليه قرأت كثيرا عن مشاكل لم استوعبها عن هذه السيارة لذا كتبت ذلك سريعا وان شاء الله فور عودتي من صيانة الالف الاولى ساقوم بعمل تقرير مصور شامل عن السيارة بكل تفاصيلها ان شاء الله واخيرا كتبت هذا الموضوع لاني لم اجد له مثيل لهذه السيارة التي اراها مظلومة واني سعيد باقتنائها وسوف ابقي عليها بعون الله كسيارة للاسرة ولن افرط فيها .. ولكم تحياتي |
رد: الى ظالمي بروتون جين تو شهادتي
يعني الجين 2 افضل من الاوكتافيا والسيفيك
مصدقك في كل العربيات اللي ركبتها وكمان هي افضل من السانديرو بكتير واختيار موفق بالنسبه للسانديرو ماعدا السيفيك 2009والاوكتافيا a5 حاولت اصدقك ومش عارف كلامك صح عن الاكصدامات في السيفيك الشكل ده ولكن مفيش عربيه بتتعيب بالاكصدامات وملقتش ميزه للسيفيك امام الجين 2 طب الاوكتافيا مقولتش ليه عيوبها امام المارد الجين 2 الا اذا العربيتين اللي كانوا معاك كانوا ضايعين ممكن اصدقك |
رد: الى ظالمي بروتون جين تو شهادتي
الافضلية نسبية
يعني 119 الف مش زي ال 200 الف وانا دافع ال الاقل واكون مستريح في العربية غير ما اكون دافع ال 200 وبشتكي الجين تو عجبتني وفعلا بقارنها بالسيفك والاوكتافيا وهذا رايي الشخصي ولا الزم به احد ولم اعيب على الاوكتافيا او السيفك لكل منها مغرميها ومع ذلك ستجد ما يعيب كافة السيارات ولن تجد من يمتدح كافة السيارات العملية نسبية من شخص لاخر ويتحكم فيها الكثير من المتغيرات |
رد: الى ظالمي بروتون جين تو شهادتي
رغم عدم خبرتى فى الجين تو
إلا إن صاحب الموضوع يتمتع بموضوعية عاليه أحب أحييه عليها الراجل بيقيس value for money قيمة مقابل سعر, و شاف إن الجين تو كويسه أحترم من الصينى الF3 و بدأت أحترم الجين تو. و عجبنى ليها تعليق واحد من ملاكها على الفيس... بيقول: " عربية كورى بتشد مع عربية كورى و الإثنين جايبين آخر العداد و فجأة عربية تيجى من وراهم و تقلبلهم نور علشان تعديهم..... جين تو!!!" |
رد: الى ظالمي بروتون جين تو شهادتي
اقتباس:
ده بالنسبه لزيرو مقابل زيرو يبقي متفقين علما بان ال 120 دول يجيبوا سيفيك 2011 علي ابوها وطبعا برقبتها ويجيبوا النترا 2012 او 2013 علي ابوها وبرده افضل من الجين 2 وبتحترم في الصيني ال f3 والبرليانس فين طيب ده مفيش عربيه صيني حصلتها في اي حاجه اصلا وحضرتك بتقول تعليق من ملاكها طب ما طبيعي يقول كده هو ممكن تطلع اه ويكونوا مقفلين العداد اه بس الكلام ده لو اكسنت او نيو اكسنت او ريو او rb لكن نيجي عند السيراتو والالنترا ونقف متطلعش منهم والشكلين الاخرنيين مش الجداد بس وهحدد اكتر الالنترا الشكلين متطلعش منهم اصلا مش اي كوري وخلاص |
| الساعة الآن 08:02 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017