رد: سال وهتلاقى المتخصص الى هيجاوبك عن سوالك فى بيجــو
 

السلام عليكم يا باش مهندس انا لسه مشترى بيجو 307 اس دبليو 2006 بس فيها شوية شغل انا اول مرة اشترى عربية بس اكتر حاجة مخوفانى ان الgear box بيدى alarm اللى انا اشترتها منه بيقول انها محتاجة بلف فتييس بس وهاتو من الحرفيين وبيقولى اوعى تروح التوكيل عشان هيدفعوك جامد عايز راى حضرتك فى المشكلة دى وكمان تكاليف الصيانة فى التوكيل عاملة ايه؟ معلش طولت عليك

رد: سال وهتلاقى المتخصص الى هيجاوبك عن سوالك فى بيجــو
 

وعلـــيكم الســــلام ،،،
1- بالنسبة لمشكلة الفتيس بيتعملو صيانة ودى عبارة عن غيار زيت فتيس وعدد 2 بلف فتيس وبتكلف حوالى 2200 جنية وبلاش حد يلعبلك فى الفتيس.
2- بالنسبة لتكاليف الصيانة (غيار زيت محرك - فلتر زيت - طقم بوجيهات - فلتر بنزين - فلتر هواء) مع المراجعة على الانوار وتربيط عفشة مع المراجعة على السيارة بجهاز الكمبيوتر يعمل حوالى 1000 جنية.

رد: سال وهتلاقى المتخصص الى هيجاوبك عن سوالك فى بيجــو
 

السلام عليكم،

هذه أول مشاركة فارجوا أن تتقبلوني معكم بهذ المنتدى الرائع.

معي سيارة مستعملة بيجو 406 أوتوماتيك
عندما أسير بها في الطريق و أدوس على دواسة البنزين تمشي طبيعي إلى أن تصل السرعة إلى حوالي 80 كم/ساعة و بعدها أي دوسة زيادة على البنزين تتسبب في أن لمبات التابلوه الخاصة بالجير تنور اللمبتين المكتوب عليهم حرفي (S) ،و (*) و أيضاً الشاشة يتكتب عليها عبارة:
Automatic Gear Fault
و السيارة تصبح تقيلة و عداد الrpm يرتفع غلى حوالي 3000 في حين قبل حدوث ذلك يكون حوالي 2000 لفة فقط.

و نفس هذا السيناريو يحدث عندما أطلع كوبري أو أي مطلع و اعتقد ان الشئ المشترك في كلا الحالتين هو أنني بكون باضغط على دواسة البنزين زيادة شوية، يعني مش بسبب السرعة اللي فوق التمانين .. لأ السبب فيما أظن أنه مع زيادة الضغط على البنزين يحدث هذا الخطأ:
Automatic Gear Fault

و لحل المشكلة أحتاج إني انقل الجير إلى حرف (N) ثم أطفي المحرك (حتى و انا ماشي بسرعة) ثم أشغل المحرك مرة أخرى، و عندها تختفي رسالة الخطأ:
Automatic Gear Fault
و تنطفئ لمبتي (S) ،و (*) الموجودتين أمامي بمكان الجير في التابلوه.

أرجو المساعدة في حل هذه المشكلة.

و تقبلوا مني شكري لكم على مجهودكم المميز:GROWIN~12:.

رد: سال وهتلاقى المتخصص الى هيجاوبك عن سوالك فى بيجــو
 

نورتنا ونتمنى استمرار مشاركتك معانا..........
بعد هذا الشرح المفصل،،،، واضح جدا ان فى مشكلة ما عندك فى الفتيس طبعا هتقولى ايه هى هرد واقولك لازم الأول أخش بجهاز الكمبيوتر بتاع بيجو واشوف الاعطال المسجلة فى كمبيوتر الفتيس وسعتها هقولك ايه المشكلة بالتحديد وأن شاء الله خير.

رد: سال وهتلاقى المتخصص الى هيجاوبك عن سوالك فى بيجــو
 

شكراً لك أخي الفاضل مهندس هيثم على ترحيبك الكريم، طيب أنا شايف بين الكراسي الأمامية عدد 3 زراير مكتوب عليها حروف تماماً مثل الحروف اللي في التابلوه أمامي و اللي بتنور وقت حدوث المشكلة، و هذه الأزرار الثلاثة مكتوب عليها بالترتيب
S
*
1
و بالضغط على الزرين (1)، و (*) عند حدوث المشكلة لا يحدث شئ لكن أظن بالضغط على الزر المكتوب بجواره (1) أرى تحرك في اللمبة التي في التابلوه فتشير إلى 1 ثم 2 ثم 3 و هكذا إن لم تخني الذاكرة، أي أنه بالضغط على الزر الجانبي الموجود بين الكراسي الأمامية و المكتوب عليه (1) و المذكور عاليه تتحرك اللمبة في التابلوه إلى (2)، و بالضغط مرة أخرى تتحرك لمبة التابلوه لرقم 3.

السيارة بها عدة أشياء تحتاج لتصليح زي السنتر لوك،و الإيرباجز، و الزجاج الكهرباء و لكن أكثر شئ مزعج هو عدم قدرتي أن أزيد السرعة عن 78-80 كيلومتر، و أنا في جدة فهل تنصح أوديها لواحد نصحوني أروح له هل أفعل ذلك و لا أدور على توكيل بيجو و أروح له، يعني هذا الشخص لديه جهاز فحص بالكمبيوتر أيضاً فهل يغني و يكفي هذا عن الذهاب لتوكيل تويوتا (مع إني مش عارف هو فين).
تقبل ودي و امتناني .