انضميت لشلة الاكسارا
 

اخيرا بعد شهور الكفاح والفحص والتمحيص فى العربيات اشتريت اكسارا1 موديل 2001 اينعم كنت بدور على اكسارا2 بس النصيب بيحكم ان شاء الله بعد كده هقدر اكلمكوا عن العربية بشكل موضوعى اكثر لكن انا ليه استفسار اللى اشترتها منه الى حد ما راجل معرفة وثقة وبيقولى انك مش هتحتاج تغير حاجة قبل 5000 كيلو ايه رأيكوا فى الكلام ده استنى ولا اروح اعملها سرفيس وابيه هى الحاجات اللى الأولى تتغير أو بمعنى ادق اللى ابدا بتغييرها بشكل دورى وعلى كام كيلو بالضبط ويا سلام بقى لو كل واحد يرشح حد كويس اتعامل معاه

رد: انضميت لشلة الاكسارا
 

السلام عليكم
الف مبروك الخي الغالي و ان شاء الله بتشوف الخير .
اخي الافضل انك تفحص السياره بنفسك للتاكد من كل الفلاتر و الزيت الخ..
اهم شي طبعا حزام التايمنج.
طيب كم قوه المحرك عندك و اي محرك راكب عندك .يعني xd او sx او vtr


http://citroen.c4.free.fr/C4_MOT/MOT01.jpg
هذه افضل محرك اكسارا

رد: انضميت لشلة الاكسارا
 

الف مبروك يا احمد باشا
وربنا يكفبك شرها ويبارك لك فبها
وعموما مش فارقه غيرالفلاتر والزيت وابدأ معاها من جديد
ودايما كده تخلى ايدك فيها وحاول ماتخليش ميكانيكى عادى يلعب فيها
يعنى لما يبقى متخصص يبقى احسن

رد: انضميت لشلة الاكسارا
 

الف مبروك يا باشا وربنا يباركلك فيها
ايةه كده عايزين نزيد كمان و كمان ptmnlo123per1147

رد: انضميت لشلة الاكسارا
 

الف الف مبروك ربنا يديك خيرها و يحميك من شرها.
اسمع كلام وليد باشا دا راجل سيترويني مخضرم.
اهم حاجه غير زيت و فلتر فعلا مش حتفرق كتير.
و كمان فتره حوالي 3000 كيلو
ممكن تغير سير الكاتينه و الدينامو و سير التكييف
و فلتر البنزين و الهوا لو محتاج يتغير .
و رجلش علي الفرامل و شوف لو بلي العجل عاوز يتشحم شحمه.
علشان تعرف تسافر و تمشي و انت مطمئن

رد: انضميت لشلة الاكسارا
 

انا روحت امبارح لإيهاب فى المعادى وهو راجل كويس وبيفهم فيها أوى لأنه مهندس فى التوكيل وكان معايا شعراوى صاحبى عمل مجهود جامد الحقيقة وماكنش مقتنع بالاكسارا بس الحمد لله اقتنع انها أحسن من عربيته الكورسا واقتنع بايهاب لأنه أحسن من الميكانيكى بتاعه وأخيرا أحي أشكر كل الناس اللى ساعدونى فى رحلة البحث على مدار 6 شهور

رد: انضميت لشلة الاكسارا