مصر موتورز مجتمع السيارات - رخصتي هاتنتهي بكرة و عايز أجددها بس لرخصة خاصة ، هل من الممكن ؟؟؟

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

رخصتي هاتنتهي بكرة و عايز أجددها بس لرخصة خاصة ، هل من الممكن ؟؟؟

السلام عليكم و رحمة الله و بركاته

إخواني الكرام أنا معايا رخصة تالتة هاتنتهي النهاردة ( 31 مارس ) إن شاء الله و انا بصراحة مش عايز أجددها تاني بسبب قرفها و الذل إللي الواحد بيشوفه ما بين القطامية و التونسي و الذي منه ... مع العلم إني أصلاً مش محتاج التالتة في أي حاجة يعني لا أنا سواق ميكروباص و لا تاكسي و لا حتى عجلة ، أنا طلعتها لظروف و انا مسافر السعودية من 3 سنين و بس ، و كل استخدامي ليها في مصر مع سيارات خاصة يعني رخصة خاصة ... باختصار أنا عايز رأيكم في موضوع عدم تجديدي للرخصة و هل من الممكن استبدالها بخاصة ؟ و إيه الإجراءات اللي ممكن أعملها و التوقيتات كمان ... اتمنى إفادتكم و شكراً مقدماً

رد: رخصتي هاتنتهي بكرة و عايز أجددها بس لرخصة خاصة ، هل من الممكن ؟؟؟

ومين قالك ان الرخصة الخاصة مفيهاش قرف برضو ..
فيها طبعاً وان كان اقل بس متنساش ان الرخصة التالتة بعد كده تجيب التانية بعد كده تجيب الاولى وديه ميزة اكيد مين عارف يمكن تحتاج تسوق تريلا فى يوم من الايام مثلا :shyy:
نصيحتى ليك متخسرهاش يمكن تحتاجها اما موضوع التحويل ومدى قانونيته للاسف معرفش عنه شىء مؤكد بس منطقى انه ينفع المهم ينفع ازاى وباجراءات ايه مش عارف .. بس انا بقول اجراءات باجراءات خليك زى مانت وجدد رخصتك وخلاص :Wkiss5:

رد: رخصتي هاتنتهي بكرة و عايز أجددها بس لرخصة خاصة ، هل من الممكن ؟؟؟

طبعا الرخصة اللى معاك ميزة ومتخسرهاش زى ما قال اخونا ابو نورا
وبالنسبة للتحويل مينفعش انما لو عايز خاصة لازم تروح تعمل امتحان وتطلعها يعنى دوخة برده بس كل 10 سنين تجددها وعلى فكرة المهنية ممنوع تسوق بيها ملاكى لازم خاصة

رد: رخصتي هاتنتهي بكرة و عايز أجددها بس لرخصة خاصة ، هل من الممكن ؟؟؟

اقتباس:

المشاركة الأصلية كتبت بواسطة tonsy1979 (المشاركة 643867)

وعلى فكرة المهنية ممنوع تسوق بيها ملاكى لازم خاصة

يعني أنا بقالي 3 سنين بسوق و انا مخالف من غير ما اعرف ؟؟؟
طيب يا اخواننا بصراحة أنا كاره أوي موضوع إني تااااااني ألف كعب داير على مرور الزفت بتاع السلام و بعديها القطامية و بعديها التونسي و طوابيييير أكبر من بتاعة انتخابت الشعب و طبعاً ناهيك عن المعاملة اللي زي الفل و كووووول ده بياخد مني تقريباً شهر فاضي لسعادتهم ( و لا التجديد بيبقى من غير ده كله ) مع العلم إني يا اخواننا مبحتجهاش أصلاً ... انا بسوق ملاكي بس ... ماذا ترون ؟

رد: رخصتي هاتنتهي بكرة و عايز أجددها بس لرخصة خاصة ، هل من الممكن ؟؟؟

طيب ماتجدد المهنية

وتطلع رخصة خاصة فية ناس كتيير عاملاها