جمارك السيارات لحد إمتى هنفضل ساكتين
ممكن كل واحد فينا يكون بيسأل السؤال ده لنفسه في اليوم مليون مرة والمشكلة إنه صيغته غلط المفروض يكون (لحد إمتى هفضل ساكت) لأنك لما بتحط السؤال في صيغة الجمع بتبقى عامل زي الي بيعلق تكاسله على شماعة غيره بالظبط.
الأول نسيت أقولكوا السلام عليكم... ثانيا أنا حبيت أتناقش مع الأعضاء الكرام والي هما بيمثلوا شريحة من المجتمع لا يستهان بيها في موقع زي مصر موتورز بالذات يمثل الشفافية واللا إنحيازية لجهة معينة موضوع مهم جدا وهو إيه الهدف من سياسات الجمارك بوجه عام ومين المستفيد من جمارك السيارات بوجه خاص هل الفائدة في الآخر تعود على المستهلك أم على أصحاب المصانع ولا على الحكومة والي المفروض بردو في الآخر نحس بيها كمواطنين في صورة خدمات وخلافه (ههههههههه) ياجماعة القاعدة إننا إحنى كمواطنون إحنى أصحاب الدولة وعلشان نعرف ندير دولتنا صح إحنى عملنا نظام تنفيذي ونظام رقابي بالتعيين ونظام تشريعي بالإنتخاب يراقب النظام المختلفة للدولة ويشرع القوانين ودا اليد العليا طبعا في الدولة بعد الشعب.(واخدين بالنا طبعا من حكاية بعد الشعب دي) دلوقتي هل إنتا كمواطن عادي تجد أي فوائد تعود عليك بصورة مباشرة من قوانين السوق المغلقة الي بتمارسه علينا الحكومة. الأول كانت حجة تنمية وتطوير سوق صناعة السيارات, ولاكن للأسف إحنى عندنا صناعات تكميلية وليست صناعاة سيارات ودا بردو السبب فيه السياسات الخاطئة للسوق هشرح شوية وجهة نظري والي موافق يوقول آمين والي مش موافق يحاول يفهمنا. دلوقتي لما أنا أكون دولة متأخرة تكنولوجيا في مجال الصناعات الثقيلة وأمنع إستيراد منتج من المنتجات الثقيلة دي أو أفرض عليه جمارك تفوق سعره بحجة إني بشجع الصناعة المحلية وفي نفس الوقت أتيح ولو بشروط أقل تعقيدا إستيراد المنتج في صورة قطع غيار يبقى إيه الي هيحصل, رجل الصناعة الجاد الي نفسه يكسب بطريق شريف وفي نفس الوقت يفيد بلده وهوا دا الي أنا بتكلم عليه مش أي حد تاني هيحاول الآتي:
ليــــــــــــــــه أدعم الغاز الي بصدره ليــــــــــــــــه أدعم الأراضي الي ببيعها للمستثمرين بغرض الإستثمار العقاري..... وليه وليه وليه؟؟؟؟؟ لحد إمتى هنفضل ندعم المستثمر ونقول إننا بندعم محدود الدخل؟ لحد إمتى هنفضل عاملين نفسنا مش شايفين الي إحنى فيه؟ ليه أنا كمان دلوقتي غلطت نفس غلطة الملايين وبسأل نفسي بصيغة الجمع؟ |
رد: لحد إمتى هنفضل ساكتين.
عمـــــــــــــــــــــــ ـــــــار يا مصر
|
رد: لحد إمتى هنفضل ساكتين.
انتا بتمدح في ملطا يا دكتور اسلام ربنا وحده هو القادر علي انه يخلصنا من الهم ده
|
رد: لحد إمتى هنفضل ساكتين.
اقتباس:
تيـــــــــــــــــــت اقتباس:
|
رد: لحد إمتى هنفضل ساكتين.
انا لما دخلت على العنوان كنت داخل ومتوقع الاقي موضوع مصري يشبة تونس لقيتك بتتكلم على الجمارك والاسعار
باختصار شديد هيا دي مصر وان كان عاجبك اهلا وسهلا مش عاجبك البحر بيشيل بدل الجثث 800 مليار مش 80 مليون اسف على كلامي لكن ده في تصوري رأي الحكومة |
رد: لحد إمتى هنفضل ساكتين.
د. اسلام
تحية طيبة المشكلة ان التجار لعنة الله عليهم - أو ما يطلق عليهم المستثمرين وصلوا الى كل مراكز القرار و طوعوها فقط لمصلحتهم و بذلك اصبحت مصر معبدا كبيرا يقوم هؤلاء فيه بدور الآلهة التي يجب الا تمس و عليه فان كل القوانين و الإجرائات و السياسات تصب في مصلحتهم فقط و حتى ما يطلق عليه النمو الإقتصادي الذي لا تبرح الأبواق الإعلامية الحكومية الحديث عنه هو نمو فعلي و لكن لتلك الطبقة فقط و بذلك فهي متخمة بالثروة و كذلك بالنفوذ الذي حول كل شئ لخدمتهم فقط و ليس عند احد منهم الإستعداد عن التنازل عن هوامش الربح الخيالية التي يتقاضونها في مختلف مناحي تجارتهم حتى في السلع الأساسية التى لا يستغنى عنها الناس جميعا و هذا ما وصل بشخص مثل احمد عز الى ذلك المستوى من القوة و النفوذ المالي و للأسف السياسي ايضا رغم كره كل طبقات الشعب لمجرد رؤية وجهه و مع ازدياد و صلابة تلك الطبقة طوعت كل شئ بحيث تخدم سياسيا و بحيث يكون الحزب اياه كيان مهيمن على كل شئ فقط لخدمة تلك الطبقة و لذلك فانا ارى ان القضية لبست قضية مغالاه في الرسوم الجمركية بقدر ما هي قضية التجار و الوكلاء و المستثمرون ايما كانت التسمية و القضية خاسرة بالنسبة للمواطنين و لن ينصلح حال تلك البلد قبل 275 سنة |
رد: لحد إمتى هنفضل ساكتين.
اقتباس:
بس أنا حبيت يكون كلامي مختص بمجال عمل المنتدى ولأنها نقطة من نقط كتييييييير قوي بتدايق ناس كتيير بردو عموما خلينا على الأقل لو مش هنعرف نعمل حاجة نتكلم ودا أحسن من أضعف الإيمان بردو. اقتباس:
إختلاط مقاليد الحكم بعالم الأعمال والبيزنس سببه أصلا رجال الحكم الفاسدون. لو المسؤول من الأول مامدش إيده وخد رشوة ماكانشي رجل الأعمال عينه فتحت فيه وفي الشعب الي هوا كان واحد منهم, وبعد فترة بدل ما رجال الأعمال مايدفعوا رشاوي قررو يشتروا الكراسي وأهو بردو كله بيزنس وعلى فكرة فعلا أوفر إنك تشتري الفرخة الي بتبيض ذهب عن البيضة الذهب. عموما أحب أهني كل مصري بإننا الحمد لله دخلنا المرحلة التانية من الفساد وهو تولي مراكز المال مقاليد الحكم وإمتهان رجال السياسة لعالم الأعمال. وبالتالي مشكلة الفساد مابقيتشي متمثلة في بعض السؤولين المرتشين لا الموضوع بقى تضارب المصالح الخاصة والعامة. (زي بالظبط صاحب مكتب إستشارات هندسية خد مشروع كبير للتصميم والترخيص ولما نزل المشروع يتنفذ فتحله شركة مقاولات علشان ينفذه ويشرف عليه بنفسه قاااااال يعني قلبه على الشغل بكل تفاصيله) وعموما أنا مش عايز اسيس الموضوع أو أوسع النطاق لأنه فعلا أوسع من إني صفحات منتدى تستحمله ولا جريدة إسبوعية ولا يومية ولا جرايد مصر كلها ولا غذاعتها وتليفوزيونها ولا فضائياتها. أنا بس كنت عايز أعرف الناس رأيها من رأيي إننا بيتنصب علينا في موضوع الجمارك دا بالذات ولا لأ؟ وبالنسبة لبقيت المجالات الي بيتنصب علينا فيه مش هنقدر نفردلها صفحات كفاية نذكرها بس مجرد ذكر مش للمناقشة مثلا.:fun_36_1_26[1]::crazyW14: |
الساعة الآن 03:48 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017