رد: يعني ايه ؟: باور سترينج , عفشة , فابريكة , ثرمستات ,,, وحاجات تانية كتير
 

يعني ايه :THE_PR~18: سوري انا شكلي مش عارف حاجة و لسه ابيض

انا اسف بس اعذرني انا نفسي اعرف كل حاجة عن العربية من الألف للياء

رد: يعني ايه ؟: باور سترينج , عفشة , فابريكة , ثرمستات ,,, وحاجات تانية كتير
 

ياباشا
ولا يهمك
اسأل زى ما انت عاوز

ياريت اى سؤال يخطر على بال حضرتك تحطه هنا في الموضوع
وان شاء الله الناس هنا هتقولك على المفيد بأذن الله

وبلتوفيق ان شاء الله ptmnlo123per122

رد: يعني ايه ؟: باور سترينج , عفشة , فابريكة , ثرمستات ,,, وحاجات تانية كتير
 

الله يخليك يا باشا

طب حيث كده بقى انا كنت عايز اعرف الأول الكلام اللي انت قولته :

العفشة مش معناها عفش العربية من جوا يعني

امال لو على حسب كلامك العشفة مساعدين و مقصات الكراسي جوا وكده الحاجات دي بتسموها ايه

و يا ريت صورة للمقصات دي لو عندك

رد: يعني ايه ؟: باور سترينج , عفشة , فابريكة , ثرمستات ,,, وحاجات تانية كتير
 

منتظر ردكمممممممممممممممممممممم م

رد: يعني ايه ؟: باور سترينج , عفشة , فابريكة , ثرمستات ,,, وحاجات تانية كتير
 

العربية من جوا الكراسي و الكلام ده بتتسمي الصالون مش العفشه :)

العفشه هي اللي شايله العربية من تحت و بتوجه العجل و بتمتص الصدمات الخ الخ

و مكوناتها كالاتي

مساعدين-سوست-بطاحات-مقصات-جلب و بيض مقصات-كبالن خارجيه-كبالن داخلي-علبة دركسيون(باور او عادي)-بارات دركسيون داخلي و خارجي-بلي عجل امامي و خلفي-العفشه ورا بتبقي اسمها الدنجل-عربيات الدفع الخلفي بيبقي فيها ورا كارونه زي المرسيدس كله و ال بي ام و البيجو ال 504 و كده

و الكلام ده كله اساسي في اي عربية بس فيه عربيات بيبقي فيها اجزاء اكثر تعقيدا زي المرسيدس بيبقي فيها بيض شاسيه و مساعد للدركسيون و حاجات كده

و بيببقي متصل بالعفشه منظومة الفرامل (الدوشمه و هي بتتكون من الديسك و التيل و السوست بتاعت التيل و فيه عربيات مبيبقاش فيها سوست تيل و المساتر فرعي و عمومي و هكذا و ورا الفرامل بتبقي طنابير او طبلات لكن فيه عربيات فراملها الخلفيه بتبقي ديسكات زي ادام

الترموستات بيبقي مسئول مثلا عن ان المروحه تدور لو الترموستات ضرب المروحه متدورش

كلمة فابريقه تطلق علي الجزء في العربية اللي مازال بحالة المصنع ! يعني ملعبتش فيه ايد اي صنايعني

يعني مثلا عربيتك و هي خارجه من المعرض يتقال عليها فابريقه لما تتخبط و تروح تسمكرها و ترشها برا و تيجي تبيع يقولك دي فابريقه ولا راشه بره هتقوله لا راشه برا :)

صورة لعلبة الدركسيون العاديه او بمعني اصح اسمها (اسكاترا) كنموذج يعني :)
http://www13.0zz0.com/thumbs/2010/03.../686976331.jpg