ما حدش يشتري جولف 6 يا جماعه انا بحذركم لمصلحتكم
 

انا بتاريخ 7/4/2011اشتريت سياره ماركه فولكس واجن موديل جولف6 وبعد حوالى شهر ظهر فيها مشاكل بالفتيس فذهبت للتوكيل أكثر من 5 مرات مع العلم أنني من دمياط يبعد عن التوكيل 550كيلو فافاد المهندسين بالتوكيل أن هذا العيب عيب صناعه بالفتيس وأخذو تليفونى وقالولى احنا هنتصل بيك لما تيجي لينا قطع الغيار من ألمانيا وبعد فتره طلبونى وقالولى قطع الغيار جت وتعالى علشان نصلح الفتيس وفعلا رحت وقامو بتغيير قطع الغيار بالفتيس وفوجأت بأن العيب الموجود بالسياره زاد وأصبح يوجد بها أصوات غريبه وخبطات وأشياء أول مره أسمعها فى عربيه زيرو او حتى مستعمله ....أناحاليا أخاف من ركوب السياره وأخاف أن اعمل حادث أو تتعطل فى مكان غير آمن ولا أدرى ماذا أفعل فقررت اللجوء إليكم خصوصا وهى ما زالت فى فتره الضمان ولم تسير سوى 12000كيلو منهم 5000كيلو للتوكيل وهم حاليا رافضين للاستبدال انا اشتكيت للشركه الأم وقررت أعمل تنويه علشان ما حدش يشترى العربيه دى مع ان سعرها 205000جنيه وحسبي الله ونعم الوكيل

رد: ما حدش يشتري جولف 6 يا جماعه انا بحذركم لمصلحتكم
 

عليك وعلى حماية المستهلك وبردة ارجعلهم فى التوكيل :srus: ومتسيبش حقك
ووجهة نظرى ان الالمانى بوجه عام ميتركبش في مصر سوقسوق

رد: ما حدش يشتري جولف 6 يا جماعه انا بحذركم لمصلحتكم
 

dsg فيه مشاكل
التوكيل ده ما لهوش حل
حمايه المستهلك مش هيعملوا معاهم حاجه
ارفع قضيه مدني و امرك الي الله

رد: ما حدش يشتري جولف 6 يا جماعه انا بحذركم لمصلحتكم
 

انزل الحرفيين فيه مركز متخصص ليه اعلان في المنتدي هنا لاصلاح الفتيس ال dsg ده لو عايز تصلحه و تمشي بيه لو مش عايز الجأ لحماية المتسهلك او ارفع دعوي مطالبة بتعويض علي الشركة للضرر المادي اللي اصابك من جراء عيب صناعة بالسيارة يجب ان تقوم الشركة بأصلاحه علي نفقتها لانها ضامنة و مسئولة عن العيوب الصناعية التي تظهر نتيجة الاستخدام في سياراتها

رد: ما حدش يشتري جولف 6 يا جماعه انا بحذركم لمصلحتكم
 

ليه بس انت عربيتك موديل كام؟؟؟؟
انا معايا 2012 خليجي والفتيس معايا كويس جدا انا مبهور باداءوا وبقلها معايا شهر برضوا
وربنا يستر