مصر موتورز مجتمع السيارات - سوزوكي سويفت ما لها و ما عليها!!!

السويفت ببساطه خالص عربيه محترمه اوي اوي اهم حاجه عندي تكون العربيه فابريكه دواخل و حتي لو مش كده برضه ممكن تتظبط.

تعالي نبتدي واحده واحده
1.السقف ثم السقف ثم السقف تخلي بالك من البارومه بتاعه وانت بتشتري او و انت فاكك العربيه تخلي السمكري ياخد باله من البارومه تحت البربيز (الزجاج) الامامي و الخلفي لان المكان دا في اي عربيه بيجيب بارومه و تقيس الزجاج بعد ما يعمل البارومه و يسروخ و لازم يكون محكم و بعد ما ترش و تركبه تمليي حواليه سيلكون كويس و تسيب السوليتيب علي الزجاج يومين علشان السيلكون يعضم كويس.
و تاني حاجه و الاخطر في السقف الاجناب بتاعه لان لما بتمسك فيها البارومه قول علي السقف يا رحمن يا رحيم للذلك خلي السمكري يفحصها و لو فيها بارومه في السقف من فوق تتعمل بقصدير(لحام بواجير) لان السقف طري اوي و اللمبه لو اتحطط فيه تبهدله .

2.الفجاوي الخلفيه برضه بتجيب بارومه و حلها تتعمل و تاخد بلاك خام يعني خلي البوهيجي يديها بلاك مش متخفف بتنر يقولك ما ينفعش قوله حجيبلك علبتين من عندي لانه بيخففه علشان يوفر و بعد البلاك الخام تندق معجون و تترش لااااااااازم البلك الخام علشان تعيش اطول وقت.
دول اهم نقطتين في بارومه العربيه .

تعالي بقي نمسك العفشه
1.العفشه الخلفيه ما تشغلش دماغك بيها مش مؤثره في حاجه.
2.تعالي من قدام بقي
لو الاسكترا وحشه و فيها بوش يعني الدركسيون فيه بوش يبقي غيرها و هات واحده جديده تايواني ب 350 جنيه اوعي تجيب استعمال علشان بيقولو ياباني.
حاجات العفشه بالذات تيجي جديده مش استعمال
3.المساعدين لو وحشه هاتلك اتنين ياباني kyb ب 450 جنيه و انساهم خالص طول ما انت راكب العربيه
4.المقصات البيض بتاعها متبرشم فيها و لو البيض وحش غير المقصات باتنين جداد ب 300 جنيه و بكده تنسي العفشه دي خااااااالص.
5.الكبالن هات جديد حتي لو صيني ب 90 جنيه الواحد و بيعيشوا كويس و معايا ممتازين الصراحه بغيرهم كل سنه و نص تقريبا .

تعالي بقي للمكنه و مشتملاتها
1.الردياتير لو وحش هات واحد نحس الماني 3 ماسوره و بتاع الردياتيرات بقصه علي قدها و بيخلي الموتور متلج
2.الفرامل و الطنابير لو الميكانيكي قال وحشه غيرها و التيل كمان يبقي جديد اوعي تسمع كلام واحد يقولك اخرط الطنبير
خرط الطنابير = تسخين الطنابير = تسخين الشحم من الرولمان بلي = الرولمان بلي يتفرط و تبقي مصيبه [IMG]http://www.**********.com/Nile/images/smilies/eek.gif[/IMG].
3.الموتور ما فيهوش اي فنيات خالص و معمر و حلو و ضبط الكهربا بتاعه علي بنزين 80.
اه صحيح لو الموتور خفيف و عاوز عمره اشتري دمغك و هت واحد استيراد كامل بالفتيس ب 2000 جنيه بدل وجع قلب العمره و بعدين البلوك الومنيوم ممكن العمره تبهدله.

.............
شكل العربيه الخارجي
لو العربيه اكصدامتها وحشه هات اتنين جداد و الفوانيس الاماميه حتفرق كتير اوي في منظرها .
بــــــــــــس كده

المحافظه علي العربيه بقي:
1.بعد كل شتوايه تاخد العربيه المشحمه تغسلها و خصوصا من الفجاوي علشان البارومه.
2.فوطه و بايدك بعد كل شتوايه او ميه تنزل تنشف السقف و المجاري بتاعه من عند الكاوتش الجانبي علشان الميه ما تركنش فيه.
3.لما تفتح الشبطه حتلاقي فيها زاويتين في الاجناب برضه بيلمو ميه تبقي تنضفهم دايما و تنشفهم بعد كل غسيل او شتا.
4.كاوتش الكبالن ابقي اطمن عليه دايما و اي واحده تتقطع فورا غيرها.
بــــــــــــــــــــــــ ـس كدهptmnlo123per122