مصر موتورز مجتمع السيارات - عملت حادثة بسبب الشابورة انصحونى اعمل اية

مصر موتورز مجتمع السيارات (https://www.masrmotors.com/vb/index.php)

- حوادث السيارات (https://www.masrmotors.com/vb/forumdisplay.php?f=201)

- - عملت حادثة بسبب الشابورة انصحونى اعمل اية (https://www.masrmotors.com/vb/showthread.php?t=122698)

عملت حادثة بسبب الشابورة انصحونى اعمل اية

السلام عليكم امبارح رحت وصلت بنتى لموقف السيارات بدمنهور علشان تروح كليتها بالاسكندريه وكانت الدنيا شابوره جامده وانا راجعة وبجتهد انى اشوف الطريق ومنورة نور الشبورة وفجاة عربية خبطتنى من الناحية الشمال اسفرت الخبطة عن خربوش جامد بطول الجنب وخبطة جامدة بصاج العربية وجزء تقشر من بوية الصاج وعلى فكرة العربية شيفرليه افيو زيرو 2014ومش مامنة على العربية ياترى اروح التوكيل فى اسكندرية وان رحت ترشحولى انهو توكيل ولا اروح لسمكرى عربيات ويا ترى التوكيل هيفترى فى التكاليف وياترى ممكن ترجع زى ماكانت انا مقهورة وخصوصا ان زوجى متوفى وهتبهدل فى الموضوع ده وخايفة اسيبها عند سمكرى يسرقوا منها حاجة ولا يبدلوا حاجة اللهم دبرلى امرى فانى لا احسن التدبير

رد: عملت حادثة بسبب الشابورة انصحونى اعمل اية

اولا قدر اللة وماشاء فعل
ثانيا فعلا عربيتك لو رحتى التوكيل ها يعملك فتح ونصب وهتدفعى اد كدة
يستحسن تروحى لسمكرى بس يكون كويس وامين وشغلة نضيف ولو حضرتك محتاجة اى مساعدة انا تحت امرك
بالنسبة لللسمكرى انا معرفش حد فى دمنهور بس انا بتعامل مع سمكرى محترم جدا فى اسكندرية قريب من الموقف لو عايزة اواديكى عاندة انا تحت امرك

رد: عملت حادثة بسبب الشابورة انصحونى اعمل اية

لو حضرتك مأمنة على العربية تامين شامل روحى شركة التامين

رد: عملت حادثة بسبب الشابورة انصحونى اعمل اية

اقتباس:

المشاركة الأصلية كتبت بواسطة mo3tazanas (المشاركة 941175)

متفق معاك
و احب اطمن الاستاذة فاتن ان طبعا حترجع زيى الاول ان شاء الله

ملحوظة : نور الشابورة مش حيخلى اللى سايق يشوف زيادة
هو معمول عشان العربية تبقى باينة فى مرايات العربيات اللى قدامها و المشاة