مصر موتورز مجتمع السيارات - فية حاجة غريبة فى العربية عن 128 اتحدث

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - فية حاجة غريبة فى العربية عن 128 اتحدث (https://www.masrmotors.com/vb/showthread.php?t=134349)

فية حاجة غريبة فى العربية عن 128 اتحدث

السلام عليكم
كيف الحال يا اجمل اعضاء فى الدنيا
انا عندى مشكلة فى ال 128 انا بخرج بيها حوالى مرة او مرتين فى الاسبوع طلعت بيها الاسبوع اللى فات ماشاء الله سحب ممتاز وصوت الماتور هادى وكل حاجة تمام
جيت اطلع بيها امبارح
اولا : فية صوت خبط جاى من الامام لما اضغط بنزين غالبا
ثانيا : حاسس ان الماتور لما بدوس بنزين صوتة بيعلي بالعافية وصوته اتغير جدا
ثالثا : على وضع المور سامع صوت تخبيط فى الماتور
رابعا : السحب عندى بقى وحش جدا يعنى لازم احرق على الغيار علشان انقل على اللى بعده
خامسا : لاحظت وانا راجع من الشغل ان لمبه الدينمو بترعش بسيط

ويا جماعة انا عندى الزيت واصل لنصف المقاس بس هو كدة بقالة فترة ومكنش عامل مشكلة

نفسى اعرف اية اللى حصل

رد: فية حاجة غريبة فى العربية عن 128 اتحدث

حضرتك بتتكلم على مشكلتين مش واحدة اول حاجة الترزيع إلى فى العربية من قدام مع دوسه البنزين ممكن يكون الشداد إلى ماسك الماتور أتكسر أو مسمار من قواعد الماتور أتفك وده عيب ماينفعش السكوت عليه أدام الماتور مش مرتاح فى مكانة وبيخبط لا قدر الله ممكن يسقط من العربية وهى بتجرى وخاصة 128 لأنى البارومة بتاكلها بسرعة وعملت الحركة ده كتير
ثانياً مشكلة الصوت العالى وأن العربية ما بتحسش بدوسة البنزين إلا بعد مدة ده فهو أكيد الكربراتير عاوز يتنظف لأنى كربراتير 128 سهل جداً يلقط تراب وبالذات مع البنزين 80
بعد ما تظبط الكربراتير إنشاء الله هاتلاقى صوت العربية أنخفض وسحبها هايرجع زى ما كانت ولمبه الدينمو إلى بتنور ده علشان العربية فى السلانسيه مش مظبوطة كل ده هايتعدل مع ظبط الكربراتير إنشاء الله

رد: فية حاجة غريبة فى العربية عن 128 اتحدث

أخى العزيز مينفعش تمشى خالص بزيت ناقص أو مياه ناقصة وبالذات فى العربيات القديمة نهائياً

رد: فية حاجة غريبة فى العربية عن 128 اتحدث

جزاك الله خيرا استاذ سيد انا ودتها للميكانيكى امبارح فقالي لازم تغيير الزيت
وخلانى اغير البيوجيهات واجيب بوجيه سن قصير علشان الزيت واصل للبوجيه بس مش عارف اية السبب اللى الزيت بسببه وصل للبوجيه

رد: فية حاجة غريبة فى العربية عن 128 اتحدث

اقتباس:

بس مش عارف اية السبب اللى الزيت بسببه وصل للبوجيه

الزيت بيوصل للبوجية اما عن طريق جلد الصباب
او شنبر الزيت خفيف