ايه الي كان نفسك تلاقيه في اللوجان و ملقتهوش؟
 

السلام عليكم

طبعا الكمال لله وحده
و الي بيشتري عربية ب 70 الف ميبقاش طماع و يطلب حاجات موجودة في عربيات ب 150 الف
بس بصراحة اوقات ببقي متغاظ اوي من حاجات صغيرة مش موجودة في العربية و ممكن تسبب لك ازعاج او تروح انت تعملها ببضع مئات قليلة و لكن مع خطورة انك تبوظ حاجت تانية و تخرج العربية من الضمان

انا هبدأ بنفسي في الحاجات الي كان نفسي الاقيها في الرينو لوجان فول اوبشنز هي كلها كماليات لاني للاسف مش بفهم في الميكانيكا او الكهربا و لا العفشة

1- السي دي كان نفسي يكون MP3 مش اوديو بس (اعتقد 100 جنيه زيادة عل تمن العربية) و يا سلام لو كمان مدخل USB
2- انذار للعربية (اعتقد 100 جنيه زيادة عل تمن العربية)
3- اريال كهرباء مش اريال بيتفك و يتركب (اعتقد 40 جنيه زيادة عل تمن العربية)
4- تنك البنزين يكون بيتقفل و يتفتح من الداخل مع السنتر (اعتقد 50 جنيه زيادة عل تمن العربية)
5- جنوط اسبور (زي نفس الموديل الي بينزل برة فول اوبشنز)
6- ABS (زي نفس الموديل الي بينزل برة فول اوبشنز)
7- مرايات ضم كهرباء
8- ايرباج للراكب الامامي بجوار السائق
9- الزجاج يترفع و يقفل مع السنترلوك
10- باركنج سنسورز (اعتقد 200 جنيه زيادة عل تمن العربية)

رد: ايه الي كان نفسك تلاقيه في اللوجان و ملقتهوش؟
 

الاهم الاتوماتيك .... وتوفر قطع الغيار زي بقيت العربيات ....لعزة النفس

رد: ايه الي كان نفسك تلاقيه في اللوجان و ملقتهوش؟
 

ايه ياترى امممممممم ... انا كان نفسى تنزل بالجنوط الاصلى بس كدة بصراحة دى الحاجة الوحيدة اللى شايفها ناقصة
متهيألى كانت حتبقى شكلها احلى .. شكل جمالى مش اكتر

رد: ايه الي كان نفسك تلاقيه في اللوجان و ملقتهوش؟
 

انا مش طماع
فتح الشنطه وتانك البنزين من الداخل
كاسيت mp3
وبصراحه كده حلو اوى على فلوسها

رد: ايه الي كان نفسك تلاقيه في اللوجان و ملقتهوش؟
 

انا عندى الفول اوبشن اللى مدايقنى ان مثلا لو انت قافل اللوك بتاع العربية و جيت تفتح الباب عادى من الاكرة بيفتح الباب مع انى قافل اللوك