مصر موتورز مجتمع السيارات - اكتر عربية بتحبها ايه واكتر عربية بتكرهها ايه (قول بصراحة)

مصر موتورز مجتمع السيارات (https://www.masrmotors.com/vb/index.php)

- موضوعات متميزة (https://www.masrmotors.com/vb/forumdisplay.php?f=122)

اكتر عربية بتحبها ايه واكتر عربية بتكرهها ايه (قول بصراحة)

اكيد كل واحد فينا بيحب ماركة معينة جدا او بيكره ماركة معينة جدا جدا وممكن يكون بيكره موديل معين مش شرط ماركة ككل انا عملت الموضوع ده علشان كل واحد يقول بصراحة بيحب ايه وبيكره ايه بمنتهى الصراحة واللى بيكره حاجة لسبب معين يقولة واللى بيكره حاجة كده لله فى لله برضو يقول

خلونا نشوف ايه اكتر عربيات محبوبة واكتر عربيات مكروهه من المصراوية ptmnlo123per1127

انا شخصيا بحب الميتسوبيشى عامة والايفو خاصة وبحب الانسر بس علشان فيها من الايفو لاكن اذا وجدت الايفو بطلت الانسر ptmnlo123per154

اما عن الكراهيه فانا بصراحة قلبى اسود اوى وبكره حاجات كتير ptmnlo123per195

1- العربيات الصينية كلها بحسها مستفزة جدا وشكلها مكعبل
2- بكره الشاهين والادا وكل ما هو مستطيل او مربع من العربيات
3- بكره العربيات الستيشن كلها ايا كان نوعها

بس كفاية كده لاضرب ptmnlo123per160

بالمناسبة يا جماعة اوعى حد يزعل من حد لانة مش بيحب عربية التانى يعنى انا معايا لانسر كريستالة ممكن يكون حد مبيحبهاش او حتى بيكرهها جدا كمان بس مش معنى كده انى اتخنق منة او ازعل لانة بيكره عربيتى ديه شوية صاج فى الاخر لا راحت ولا جت

رد: اكتر عربية بتحبها ايه واكتر عربية بتكرهها ايه (قول بصراحة)

ممكن ناس تزعل من الموضوع دة بس انا هقول رأى بصراحةptmnlo123per118

اكتر عربية حبيتها اللانوس و كانت لحظة الفراق صعبة جدا لما بعتها ptmnlo123per176

بكيت عليها و هى كمان بكيت ماء و زيت فرامل على الارضptmnlo123per146

اكتر عربية كرهتها و من اول ما ركبتها هى الفيرنا .ptmnlo123per1118

العربية اللى بحاول احبها و مش عارف هى الماتريكس رغم انها عربيتى الانptmnlo123per1109

رد: اكتر عربية بتحبها ايه واكتر عربية بتكرهها ايه (قول بصراحة)

موضوع حلو فعلا وياريت محدش يزعل من اراء الناس لانها اراء شخصية بحتة مش فنية

اكتر عربيات بكرهها فى القديم
هيا الشاهين والدوجان يمكن لانى عملت اول حادثة بالدوجان معرفش بس مبحبهومش خالص لا فى القعدة ولا فى السواقة
كمان الادا والبلونيز (معلش يا صديقى ) بكرهها علشان التوجية ومشاكل العفشة المؤلمة المعروفة كمان الادا تحديدا بتخنق من وضع مفتاح الكونتكت على الشمال كان لازم اللى يسوقها يبقى اشول ptmnlo123per111
وفى الجديد بحب النص القدامانى من شكل الاسبيرانزا وبكره النص الخلفى جدا سواء الموديل 516 او الكبيرة

كمان بكره شكل الديهاتسو شاريد جدا

والعربيات الجيلى الصينيى كلها شكلها مؤقرف بالنسبالى

اما بحب ايه فى القديم

بحب الفيكترا 95 - 2002

وبحب المرسيدس الزلموكة

والبولو والجولف

وبحب المتسوبيشى جالنت الشكل القديم

http://upload.wikimedia.org/wikipedi..._silver_vr.jpg

لاكن حبى الاول هو الكيا برايد مع انى بكره المازدا 121 جدا بس البرايد العصفورة كانت اول عربية اسوقها بشكل متواصل ودائم وعاشت معانا مناسبات كتير وظروف كتير وياما استحملتنا ولما لقيتها بالصدفة البحتة لسه بتتباع لغيت كل اللى بفكر فيه ولقيت نفسى عايز اشتريها وهيا دلوقتى معايا بقالها سنتين بتثبتلى كل يوم ان حبى ليها فى محلة

بس خلاص

رد: اكتر عربية بتحبها ايه واكتر عربية بتكرهها ايه (قول بصراحة)

انا راجل بي اماوي . احب البي ام .. من يوم ما ركبت عربيات ركبت بي ام .. و ماعتقدش اني اجي في يوم و هاغير لعربيه استخدام يومي غير البي ام اذا كانت عربيتي الشخصيه .. ممكن بقي تبقي ميني كوبر كلاسيك للمدام كده ان شاء الله لما نتجوز ههههههههههههه

رد: اكتر عربية بتحبها ايه واكتر عربية بتكرهها ايه (قول بصراحة)

انا بقى بحب جدا العربيه الرينو الميجان السيداااااااااااااان ومبحبش الهاتش باك بتاعتها خالص
وبحب الجولف2 ومبحبش اللادا خالص
وبحب شكل الواجا واللانسر ال2008(الشكل الجديد)
مبحبش الكيو كيو(العربه الضاحكه)
مبحبش الاسبيرانزا ال213 تحس انها مكوره فى نفسها غريبه كده
بحب شكل البيجو ال407 جدااااااااااااااااااااا
وكفايه كده لانى لو فتحت فى العربيات دى مش هسكت خالص كفايييييييييييه