محتاج نصيحة خبراء الكليو
 

انا اتعرض عليا رينو كليو 2001 1400 سى سى سيدان بثمن 38000
رحت كشفت على العربية فى البنزينة شيل فى اخر فيصل
الراجل جاب معايا من الاخر قلى معنديش المكبس الى يناسب الرينو علشان المتور و حيبقى ثمن المشف 100 جنيه
المهم كشف على الاساسات و تحت العربية و كل حاجة و قلى رشه بره و معجون سقف قلتله عارف الراجل قلى و كمان فى كشط فى الرفرف الخلفى و خبطة بسيطة فوق العجلة الخلفية ناحية الشمال جاية ناحية القايم قالى بس مش ماثرة على حاجة الى بيكشف قالى العربية جديدة مشاء الله اكنها خارجة من المعرض مفهاش الهوا فرحت قوى :36_3_1: و قلت اخيرا لاقيت الى انا عايزه لاسه حقوله خلاص نزلها انا حخدها قالى استنى يا باشا لسه المتور حنجربه كده يدوى قلتله ازاى قلى حنزود بنزين و نسمع صوته قلت مصلحة و قالى مش حناخد حاجة
داس بنزين مرة اثنين ثلاثة اخر مرة داس جامد الشكمان طلع دخنة بيضة كثير قلت فى سرى يا فرحة ما تمت :fun_36_1_4[1]: و عملت شبورة قالى المتور خفيف يا باشا المكيانيكى بتاع البنزينة قال لا دى ممكن تكون بخار ميه او خرطوم مش عارف ايه عايز ينضف علشان لو طقم شمبر الدخنة تبقى رمادى مزرقة الميكانيكى قالى هى كبرها طقم شمبر بى 500 جنيه و خلص الموضوع انا خفت و اتفقت مع الراجل على 37250
و قلتله حنوروح ورشة عثمان الى فى الطوابق فيصل نكشف على المتور و الفيصل بنا
هو الكشف
اعمل ايه يا جماعة
اخلع من الموضوع ولا نشكف و لو حاجة بسيطة اصلحها انا و لو شمبر يغيره هو اخدها ولا ايه ؟ انا سمعت مدام الشمبر هيغير ممكن المتور يعملها بعد سنة و يبوظ و لفتح على نفسى فتحة جامدة
معلش طولت عليكم بس انا قلت كله حاجة علشان الامانة

رد: محتاج نصيحة خبراء الكليو
 

رد: محتاج نصيحة خبراء الكليو
 

حضرتك انا فهمت ان الدخان الابيض مش عمرة ولا حاجة و دا الى لاقيته
خروج العادم بلون ابيض يعتبر اقلها حدوثا واسبابه(وجود بخار ماء فى العادم نتجة وجودة فى الوقود او تسربه لغرف الاحتراق )

احتمال دخول سائل ناقل الحركة مجمع السحب خلال منظم التخلخل: قم بتغيير منظم التخلخل.

2. احتمال أن حابك رأس الاسطوانات تالف: قم بتغيير حابك رأس الاسطوانات.

3. احتمال اعوجاج أو شرخ برأس الاسطوانات: قم باستعدال أو تغيير رأس الاسطوانات.
(هذه العملية تندرج تحت ما لا يمكن القيام به بنفسك) (not a DIY job).

4. احتمال شرخ كتلة الاسطوانات: قم بتغيير كتلة الاسطوانات.
حضرتك العربية غالية علشان طقم اسبور كاوتشات و جنط اصلى راكب لسه جديد و لسه راكب طقم سونى اصلى و لسه مغير بلى عجل فى التوكيل و صيانة 180000 الف كيلو
فى التوكيل
بالنسبة للمعجون فى البنزينة قال السقف واخد معجون قبل ما يترش مع باقى العربية نبيتى ميتلك

رد: محتاج نصيحة خبراء الكليو
 

الكلام ده كله جميل .. بس مادام واخده معجون فى السقف يبقى ممكن تكون لا قدر الله مقلوبة ولا حاجة
ده غير ان الدخنة مع البنزين العالى (امبلى) بتبقى شمبر .. و مش هيتعمل ب 500 جنيه ابدا .. مش اقل من 1500 فعلاً
غير كده انت مش جايب عربية تقرف نفسك بيها ... هتزهق بدرى بدرى و هتبيعها خسران فى الاخر و اسال مجرب و الله.
اهدى و هات حاجة و قفة على رجليها تريحك شوية

رد: محتاج نصيحة خبراء الكليو
 

مشكور جدا على ارائكم انا فعلا قلقان من حتة الشمبر مع ان الكلام بيقول غير كده و على فكرة العربية مش مقلوبة هو بس السقف اتجرح جامد من حاجة تقيلة و قعت عليه و كان محتاج تظبيط
مش اكتر
انا بس خايف اضيع على نفسى عربية ممتازة و فى الاخر الحوار كله ممكن يطلع عايزة تنضيف او حاجة تافهة فبرضو حكشف عند مركز عثمان فى فيصل طوابق يوم الخميس و ربنا يسهل MADDRIVE
اه بحق طقم شمبر الرينو كليو بى 1500 جنيه ؟ :260309~352:مش مبالغ شوية فى الرقم دا