مصر موتورز مجتمع السيارات - رأيكو بصراحة في السول!!!

مصر موتورز مجتمع السيارات (https://www.masrmotors.com/vb/index.php)

- كيا سول Soul (https://www.masrmotors.com/vb/forumdisplay.php?f=171)

- - رأيكو بصراحة في السول!!! (https://www.masrmotors.com/vb/showthread.php?t=69162)

رأيكو بصراحة في السول!!!

انا ان شاء الله ناوي اشتري السول و هي مع ناس كتير اعرفهم بس شوية منهم يقولولي احسن عربية اشتريناها و شوية يقولوا انها زي السيراتو عفشتها نشفة اوي و تحس بيها في المطبات بشكل كبير جدا و كمان التكييف بتاعها مش حلو اوي!!!!

و عايز اعرف كمان ايه الفرق بين 2011 و 2012 لو حد يعرف!!!

معلش هتعبكم معايا

رد: رأيكو بصراحة في السول!!!

اقتباس:

المشاركة الأصلية كتبت بواسطة johnblaze (المشاركة 525297)

السلام عليكم .. السيارة مش ناشفة خالص بالعكس .. مريحة جدا ً على الطريق و المطبات . يمكن لو ناشفة هاتكون اللى جنوطها 18 وهتلاقيه ضغطه عالى .. اللى بيقولك إن تكيفها مش حلو .. أنا أسف يبقى ماركب السيارة من أساسه ولا يعرف عنها حاجة .. لأن تكيفيها مقارنة بلانسر أو كورولا أحسن منهم بمراحل .. و أنا بقارن بين دول لأن ركبتهم ..
أتوكل على الله مش هاتندم خالص .. السيارة فعلا هتكون أحسن سيارة اقتنتها
ودى عن تجربة شخصية .. السيارة معايا عاملة 16000 ك و الحمد لله مافيش مشاكل خالص ..
بالنسبة للفرق بين 2011 و 2012 .. فقط فى شكل الفوانيس الخلفية .. و أعتقد إن 2012 نازله ب 6 سرعات .. أنا بصراحة مش متأكد من موضوع 6 سرعات دى .. 2011 موجوده 4 سرعات . و على فكرة مش هاتفرق خالص ..
و ربنا يوفقك

رد: رأيكو بصراحة في السول!!!

اقتباس:

المشاركة الأصلية كتبت بواسطة محمود سامى محمود (المشاركة 525783)

شكرا لحضرتك جدا يا استاذ محمود بس معلش بس لو حضرتك بما انك عندك العربية و مجربها تقولي التارة تقيلة ولا كويسة و كمان استهلاك العربية للبنزين
معلش لو كنت بتقل على حضرتك....

رد: رأيكو بصراحة في السول!!!

اقتباس:

المشاركة الأصلية كتبت بواسطة johnblaze (المشاركة 525981)

ولا يهمك يا باشا . أى إستفسار انا تحت أمرك ..بالنسبة للطارة ناعمة و خفيفة جدا .بصباعك تحركها. هيا باور كهرباء .. و بترد كويس فى الملفات . و بتتقل فى السرعات العالية ..
بالنسبة لأستهلاك الوقود .. هيا بتتفول 48 لتر .. تمشي بيهم تقريبا 540 كم .. استهلاكها كويس
و ربنا يوفقك

رد: رأيكو بصراحة في السول!!!

اقتباس:

المشاركة الأصلية كتبت بواسطة محمود سامى محمود (المشاركة 526043)

استاذ محمود
الله يكرمك ممكن سؤال أخر من أخوك ابو طارق
الحقيقة محتار بين السول والكارينز لأنها عائلية وكبيرة
رغم اني اسرتي أربعة أفراد فقط فأيه رأي حضرتك اجيب السول ولا الكارينز والحقيقة انا ميال للسول
وشكرا