مصر موتورز مجتمع السيارات - ما هو تقييمك لوكيل رينو و مراكز الخدمه

مصر موتورز مجتمع السيارات (https://www.masrmotors.com/vb/index.php)

- رينو RENAULT (https://www.masrmotors.com/vb/forumdisplay.php?f=16)

- - ما هو تقييمك لوكيل رينو و مراكز الخدمه (https://www.masrmotors.com/vb/showthread.php?t=3364)

رد: ما هو تقييمك لوكيل رينو و مراكز الخدمه

اقتباس:

المشاركة الأصلية كتبت بواسطة yma4444 (المشاركة 41748)

بصراحة انا مش عاجبنى التوكيل
و عندى شكوى و مش عارف اقدمها لمين
انا عندى سيارة لوجان 2009 و ذهبت لعمل صيانة 10000 و كان عندى شكوى من وجود صوت يصدر من الفتيس و يختفى عندما ادوس دبرياج و كذلك وجود صوت تخبيط داخل الابواب و اخبرتهم بهذه الملاحظات عند تسليم السيارة للتوكيل و جابو مهندس شاف الفتيس و شاف الصوت و طلبوا منى العودة بعد 4 ساعات.
امهم رجعت لقيت العربية لسه ما خلصتش و انتظرت حوالى ساعتين كمان بعد الميعاد وده مش المشكلة
المشكلة انى وجدت المشاكل هى هى و مافيش حاجة اتعملت و رجعت لمهندس الاستقبال و ارسل جاب مهندس مدير الميكانيكا انا لا اذكر اسماء
افادنى سيادته ان صوت الفتيس ده طبيعى
قلتله ازاى طالما ان الصوت بيروح لما ادوس دبرياج يبقى فى حاجة غلط و طبقا لمعلوماتى البسيطة بالسيارات غالبا دى بلية الفتيس
اخبرنى سيادته ان كل السيارات فيها كده
قلتله لا انا جربت الموضوع ده فى جميع السيارات مش موجود دا انا عندى عربية تانى 128 مافيهاش الصوت ده و جربت كذا عربية مافيهاش
قالى لا اللوجان كلها كده و طبعا انا مش مقتنع بده و لو اللوجان كلها كده يبقى ده عيب فى تصميم و تصنيع السيارة. و بعد جدال اكتشفت انه مش هيتعمل حاجة اكتر من كده. و انهم بيستخفوا بعقول الناس
اخت العربية و مشيت و اتجهت الى اسيوط موطنى و انا فى طريق العودة اكتشفت وجود صوت تخبيط عالى جدا فى المطبات كان السيارة كلها مفكوكة من بعض.
نزلت افحص السيارة فوجئت بان السادة بتوع التوكيل قامو بفك الغطاء السفلى للموتور و لم يتم تثبيته حطوا المسامير فقط و اكتفوا . طبعا وقفت عند اول واحد بتاع كاوتش و قمت بتربيط الغطاء السفلى و وجدت مسمار ضائع ووضعت واحدج غيره
و طبعا رغم انه موضوع بسيط لكنه لا يصدر من توكيل يحترم اصحاب السيارات
علما باننى راجل مهندس و افهم شوية سيارات
ده رقمى 0101908866
و ياريت حد يبلغ ادارة التوكيل عن شكوتى حرصا على سمعتة التوكيل علما باننى اسال يوميا عن السيارة من ناس كتيرة عايزة تشتريها و بشكر فيها

اخويا العزيز اي عربية يقرب منها فني مصري او ميكانيكي قول نهايتها قربت ف؟أما تعمل الحاجة بنفسك او عبد ميكانيكي خارجي وتكون ملازمة اول بأول او اذا ظهر غند اي واحد حاجة فأحسن له يبيعها احسن ما ييجي له ضغط ولا سكر ولو حبيت تسمع مصائب كثير من الميكانيكية ها تلاقي

رد: ما هو تقييمك لوكيل رينو و مراكز الخدمه

التوكيل جيد بس انت اتمسك بحقك فى اصلاح سيارتك مجانا لانها بالضمان . والاصوات اللى حضرتك قولت عليها مش عندى الحمد لله انامعايا لوجان2011 لسه كنت بعمل صيانه 5000ك بالتوكيل فى القطاميه وغيرت زيت وفلتر وقلتلهم على بعض الملاحظات وتم حلها والمعامله ممتازه .

رد: ما هو تقييمك لوكيل رينو و مراكز الخدمه

رد: أخيرا مهندس بيفهم بجد فى كهرباء السيارات ومش بيفتى
أنا باشكر المنتدى انه خلاني عرفت أذاى اصلح عربيتا
أنا عندا عربية c5 اشتريتها من شهرين وكان السنتر مش شغال ورحت لكهربائ كنت بات عامل معاه من زمان من اول ما اشتريت العربية ال قبل دى أنا كان معايا أفيو المهم عم جاد لانه كهرباءئ محترم قالى للأسف أنا مش هالهم اشتغل فى العربية دى وديها التوكيل أحسن وفعلا تانى يوم ودينها التوكيل وكانت اول صدمة المهندس المحترم بعد 3ساعات قالى العربية بناتك محتاجة بي اس اي وها تتكلف 4700جنيه نكد عليا وفضلت أدور وروجت ل4 لا داعى لذكر اسمهم كلهم اجمعوا ان العربية محتاجة فعلا ذى ما قال التوكيل ودخلت كل المنتديات تقريبا ولاقيت ناس بتشكر فى واحد اسمه فريد شوقى ورحت وإدانة ميعاد بعد ساعتين لانه عنده شغل وروحت بعد ساعتين قولت لما أشوف أخرتها
وشوفوا المفاجئة دخل العربيه اقسم بالله وبعد 12 دقيقة قالى تامر بحاجة تانى قولته إيه مش ها تعملها قتلى بابتسامة ثقة وهو بيدوس على الريموت السنتر قفل وفتح وكمان اكتشفت ان العربية فيها وحدة رفع وشغل السنتر ال التوكيل كان عاوز يغير بي اس علشان كده الشهادة لله الراحل ده عبقرى بجد وال مش مصدره انه خد 100 جنيه بس
اشكر بجد المنتدى الجميل الى وفرلى وخالانى احب عربيتى انه عرفنى أسطورة فريد شوقى والله شهيد على ما اقول

رد: ما هو تقييمك لوكيل رينو و مراكز الخدمه

اقسم بالله اسوء توكيل في مصر - وبالذات اللي في المقطم - تحس وانت بتتعامل معاهم
1- محدش فيهم فاهم حاجة المهندس يطلب الفني وبعد شوية الفني يطلب المهندس - مولد وصاحبة غايب
2- طول الوقت بصين علي جيبك ازاي يخرجوا منك القرش علي أي حاجة المهم الكل يتسابق علي اعلي فلوس خرجها من العميل

رد: ما هو تقييمك لوكيل رينو و مراكز الخدمه

السلام عليكم ورحمه الله وبركاته
انا من البحر الاحمر وعندنا توكيل رينو في مدينة الغردقة وبصراحة التوكيل مبيعملش غير الصيانات الاساسيه فقط بمعني انه لو فيه عيب ظهر في سيارتك بتعاني الامرين وبعدين مش بتلاقي نتيجه غير انك تدور علي اي ميكانيكي ممكن يكون عنده خبره او تسافر بعربيتك للقاهرة وتبدا تدور هناك
انا عربيتي رينو كليو 1200 cc موديل 2002 وبدات تظهر عندي في شاشه العربيه لمبه لونها برتقالي وفيها صوره ملفين كهرباء والعربيه بدات تنتش ووممكن دخان اشود يخرج من الشكمان المهم رحت بالعربيه التوكيل الي قالي ان مفيش كشف بالكمبيوتر حاليا وومكن ييجي المهندس بالكمبيوتر خلال شهرين سالته طيب ايه المشكاه دي قالي مقدرش اقولك حاجه غير لما نكشف علي العربية الاول وده بعد شهرين لما المهندس ييجي واناعلي هذا الحال.
فتققيمي لتوكيل رينو بالبحر الاحمر انه سيئ
واتمني ان يساعدني احد لحل هذه المشكله وشكرا